Пс Псалтыр, псалом Псалтыр, псалом 24
Псальма Давідава.
Да Цябе, Госпадзе, узношу душу маю.Пс 85:4
Божа мой! на цябе спадзяюся, хай ня будзе мне сорамна, хай не апануюць мяне мае ворагі.
Хай ня будзе сораму ўсім, хто на Цябе спадзяецца: хай будзе тым брыдка, хто бяз прычыны беззаконьне ўчыняе.Пс 21:6
Пакажы мне, Госпадзе, дарогі Твае, наставі мяне на сьцежкі Твае.Пс 26:11
Накіруй мяне на праўду Тваю, і навучы мяне, бо Ты Бог ратунку майго; на Цябе спадзяюся кожны дзень.
Успомні шчадроты Твае, Госпадзе, і міласэрнасьць Тваю, бо спрадвеку яны.Пс 102:17; Ер 33:11
Грахоў маладосьці маёй і злачынстваў маіх не ўспамінай; з ласкі Тваёй успомні мяне Ты, Госпадзе, дзеля даброці Тваёй!Ёў 13:26
Добры і справядлівы Гасподзь; таму настаўляе грэшных на шлях,Дрз 32:4
вядзе пакорлівых да праўды, і навучае ціхмяных шляхам Сваім.
Усе дарогі Гасподнія - міласьць і праўда тым, хто трымаецца запавету Ягонага і адкрыцьця Ягонага.Ас 14:10; Дан 4:34
Дзеля імя Твайго, Госпадзе, даруй мне мой грэх; бо вялікі ён.Пс 78:9
Хто ёсьць чалавек, што баіцца Госпада? Яму пакажа Ён шлях, які трэба абраць.
Душа ягоная жыцьме ў дабры, і род ягоны ўспадкуе зямлю.Іс 60:21
Тайна Гасподняя тым, што баяцца Яго, і запавет Свой Ён ім адкрывае.Дрз 29:29; Лк 8:10
Вочы мае заўсёды да Госпада; бо Ён дастае зь сеткі ногі мае.Ёў 16:20; Пс 120:1
Паглядзі на мяне і пашкадуй мяне, бо я адзінокі і прыгнечаны.
Скруха сэрца майго павялічылася; выведзі мяне зь нягодаў маіх,2Цар 22:7; Плач 1:20
падзівіся на пакуты мае і на зьнямогу маю, і даруй усе грахі мае.
Падзівіся на ворагаў маіх, як іх многа, і якою нянавісьцю ненавідзяць мяне.Ян 15:25
Аслані душу маю, і ўратуй мяне, хай ня будзе мне сораму, што я на Цябе спадзяюся.
Беззаганнасьць і слушнасьць хай ахаваюць мяне; бо я на Цябе спадзяюся.
Вызвалі, Божа, Ізраіля ад усіх смуткаў ягоных.