Псสดด Псалтырสดุดี, псаломบทที่ Псалтырสดุดี, псаломบทที่ 102

Псальма Давідава.

Дабраславі, душа мая, Госпада, і ўсё нутро маё - сьвятое імя Ягонае.Пс 103:1

Дабраславі, душа мая, Госпада, і не забывай усіх добрых дзеяў Ягоных.

Ён даруе ўсе беззаконьні твае; ацаляе ўсе немачы твае;Пс 29:3; 2Пар 30:20

ад магілы жыцьцё тваё вызваляе, вянчае цябе міласьцю і шчадротамі;Ёў 33:24

насычае дабротамі жаданьні твае: абнаўляецца, як арол, юнацтва тваё.Пс 5:13

Гасподзь творыць праўду і суд усім пакрыўджаным.Пс 98:4

Ён паказаў шляхі Свае Майсею, сынам Ізраілевым - дзеі Свае.

Шчодры і міласьцівы Гасподзь, вельмі цярплівы і шчодраміласьцівы:Лік 14:18; Нээм 9:17

не да канца гневаецца і не навек абураецца.Іс 57:16

Не паводле злачынстваў нашых стварыў нам, і не паводле грахоў нашых аддаў нам:

бо, як высока неба над зямлёю, так вялікая ласка Госпада да тых, хто баіцца Яго;

як далёка ўсход ад захаду, так аддаліў Ён ад нас беззаконьні нашыя;

як бацька даруе сынам, так даруе Гасподзь тым, хто баіцца Яго.

Бо Ён ведае склад наш, памятае, што мы - пыл.

Дні чалавечыя - як трава; як польная краска, так ён цьвіце.Іс 40:6

Пройдзе над ім вецер, і няма яго, і месца ягонае ўжо не пазнае яго.Ёў 7:10

А ласка Гасподняя зьвеку й давеку тым, хто баіцца Яго,Пс 24:6

і праўда Ягоная на сынах сыноў, якія захоўваюць запавет Ягоны і памятаюць наказы Ягоныя, каб выконваць іх.Дрз 7:9; Пс 30:2

Гасподзь на нябёсах паставіў Свой трон, і царства Ягонае ўсім валодае.Пс 9:8

Дабраславеце Госпада, усе анёлы Ягоныя, моцныя сілаю, выканаўцы слова Ягонага.Дан 7:10

Дабраславеце Госпада, усе войскі Ягоныя, службіты Ягоныя, што выконваюць волю Ягоную.Эф 3:10; Кал 1:16

Дабраславеце Госпада, усе дзеі Ягоныя, ва ўсіх месцах валадарства Ягонага. Дабраславі, душа мая, Госпада!