Пс Псалтыр, псалом Псалтыр, псалом 45

Кіроўцу хору. Сыноў Карэевых. На музычным інструмэньце Аламот. Песьня.Пс 41:1

Бог нам прыстанішча і сіла, хуткі памочнік у нягодах.Пс 17:3; Выс 18:10; Абак 3:19

Таму не ўбаімся, хоць бы зямля здрыганулася і горы рушыліся б у сэрцы мораў.

Хай шумяць, уздымаюцца воды іх, трасуцца горы ад хваляваньня іх.

Рачныя патокі весяляць горад Божы, сьвятое жытло Ўсявышняга.

Бог сярод яго; ён не пахісьнецца: Бог дапаможа яму з самае раніцы.Іс 33:20; Езк 48:35; Зах 2:5

Зашумелі народы; пахіснуліся царствы: а Ён голас падаў Свой, і растала зямля.

Гасподзь сілы з намі, Бог Якава заступнік наш.Рым 8:31

Прыйдзеце і пабачце дзеі Гасподнія, - якія ўчыніў Ён на зямлі спусташэньні:Пс 65:5

спыняючы войны да краю зямлі, зламаў лук і струшчыў дзіду, калясьніцы спаліў вагнём.Пс 75:4; Ас 2:18

Спынецеся і ўведайце, што Я - Бог: буду праслаўлены сярод народаў, праслаўлены на зямлі.Іс 64:2

Гасподзь сілы з намі, заступнік наш Бог Якава.Рым 8:31