Іс Ісая, раздзел Кніга прарока Ісаі, раздзел 33
Гора табе, спакушальніку, якога не спакушалі, і рабаўніку, якога не рабавалі! Калі скончыш спусташаць, будзеш спустошаны й ты; калі спыніш рабаваць, зрабуюць і цябе.Пс 136:8; Ер 30:16; Аўд 1:10
Госпадзе, памілуй нас, на Цябе спадзяёмся мы; будзь нашаю сілаю з раньняга рана і ратункам нашым у час уціску.Пс 16:7
Ад грознага голасу Твайго пабягуць народы; калі паўстанеш, расьсеюцца плямёны,Пс 67:2; Іс 26:11
і будуць зьбіраць здабычу вашую, як зьбірае вусень; кінуцца на яе, як кідаецца саранча.
Высокі Гасподзь, Які жыве ў вышынях; Ён напоўніў Сіён судом і праўдаю.Іс 9:7; Іс 11:4
І настануць бясьпечныя часіны твае, надмернасьць ратунку, мудрасьці і веданьня; страх Гасподні будзе скарбам тваім.4Цар 18:5; Ер 10:16
Вось, моцныя іхнія крычаць на вуліцах; пасланцы на згоду горасна плачуць.2Пар 36:15
Апусьцелі дарогі; ня стала падарожнікаў; ён парушыў дагавор, зруйнаваў гарады, - ані ў што ня ставіць людзей.Іс 37:2
Зямля бядуе, сохне; Ліван пасаромлены, завяў; Сарон падобны стаў на пустыню, і аголены ад лісьця свайго Васан і Карміл.
Цяпер Я паўстану, кажа Гасподзь, цяпер падымуся, цяпер узьнясуся.Пс 101:14; Іс 33:3
Вы цяжарныя сенам, разродзіцеся саломаю; дыханьне ваша - агонь, які зжарэ вас.Пс 7:15; Іс 1:31; Іс 47:14
І будуць народы, як палкая вапна, як сьсечаны ядловец, будуць спаленыя ў агні.Іс 9:18
Слухайце, далёкія, што зраблю Я, і вы, блізкія, уведайце магутнасьць Маю.Іс 60:4; Эф 2:13
Збаяліся грэшнікі на Сіёне; затрымцелі бязбожнікі: «хто з нас можа жыць пры агні пажыральным? хто з нас можа жыць пры вечным полымі?»Дзеі 5:11; Дрз 5:24
Той, хто ходзіць у праўдзе і кажа ісьціну; хто пагарджае карысьлівасьцю ад уціску, стрымлівае рукі свае ад хабару, затыкае вушы свае, каб ня чуць пра кравапусты, і заплюшчвае вочы свае, каб ня бачыць ліха;Пс 14:2
той будзе жыць на вышынях: прытулак яго - няпрыступныя скалы; хлеб яму дадзены будзе; вада ў яго ня высахне.Абак 3:19; Пс 17:3
Вочы твае ўбачаць Цара ў красе Ягонай, угледзяць зямлю далёкую;Пс 44:3; Пс 92:1; Мк 9:2
сэрца тваё будзе толькі згадваць пра жахі: «дзе той, што рабіў перапіс? дзе той, што важыў даніну? дзе той, што аглядае вежы»?1Кар 1:20
Ня ўбачыш больш народу лютага, народу з глухою, неўразумелаю гаворкаю, з моваю дзіўнаю, не зразумелаю.Дрз 28:49; Ер 5:15; Езк 3:5
Зірні на Сіён, горад сьвяточных сходаў нашых; вочы твае ўбачаць Ерусалім, селішча мірнае, непахісную скінію; слупы яе ніколі ня вырвуцца, і ніводная вяроўка яе не парвецца.Мц 16:18; Пс 124:1
Таму ў вас вялікі Гасподзь будзе замест рэк, замест шырокіх каналаў; туды ня ўвойдзе ніводнае вясельнае судна, і ня пройдзе вялікі карабель.
Бо Гасподзь - судзьдзя наш: Гасподзь - заканадавец наш, Гасподзь - цар наш. Ён уратуе нас.Пс 43:5; Пс 57:12; Іс 43:15; Як 4:12
Аслаблі вяроўкі твае, ня могуць утрымаць мачты і напяць ветразі. Тады будзе вялікі падзел здабычы, так што і кульгавыя пойдуць на рабунак.Іс 35:6
І ніводзін жыхар ня скажа: «я хворы»; народу, які там жыве, будуць дараваны грахі.Іс 40:29; Іс 45:24; 1Пётр 1:3