Пс Псалтыр, псалом Псалтыр, псалом 58
Кіроўцу хору. Не загубі. Залатая псальма Давіда, калі Саўл паслаў пільнаваць дом ягоны, каб забіць яго.1Цар 19:11
Вызваль мяне ад маіх ворагаў, Божа мой! абарані мяне ад тых, што на мяне паўстаюць,
вызваль мяне ад злачынцаў; уратуй ад крыважэрных,
бо вось, яны цікуюць за душою маёю; на мяне зьбіраюцца дужыя, не за правіну маю і не за грэх мой, Госпадзе;Пс 55:7
бязь віны маёй зьбягаюцца і зброю рыхтуюць; паўстань мне на дапамогу, і паглядзі.Пс 43:24
Ты, Госпадзе, Божа сілы, Божа Ізраілеў, паўстань, каб наведаць усе народы, не шкадуй нікога зь бязбожных беззаконьнікаў:Іс 26:21
увечары вяртаюцца яны, як сабакі скуголяць, і вакол горада ходзяць:
вось, яны вырыгаюць нагану сваім языком; у іхніх вуснах - мечы: «бо», думаюць, «хто чуе?».Выс 25:18
Але Ты, Госпадзе, зь іх пасьмяешся; Ты пасароміш усе народы.Пс 2:4; Пс 36:13
Сіла - у іх, але я да Цябе іду, бо Бог - мой заступнік.Пс 53:9
Бог мой, Які любіць мяне, папярэдзіць мяне; Бог дасьць мне глядзець на ворагаў маіх.
Не забівай іх, каб не забыўся народ мой; разьвей іх сілаю Тваёю, і скінь іх, Госпадзе, наш абаронца.
Слова іхняга языка ёсьць грэх іхніх вуснаў; няхай пыхай сваёю яны зловяцца, за прысягу і за ману, якую яны вымаўляюць.Пс 35:4
У гневе іх зьнішчы, зьнішчы, каб прапалі яны; і хай ведаюць, што Бог валадарыць над Якавам аж да краю зямлі.Пс 55:8
Хай вяртаюцца ўвечары, як сабакі скуголяць, і вакол горада ходзяць;
хай бадзяюцца, ежу шукаюць, і ў нянасыці ночы праводзяць.Ам 8:11
А я буду славіць сілу Тваю і з самае раніцы ласку Тваю абвяшчаць; бо Ты быў аслонаю мне і сховам у дзень майго бедства.
Сіла мая! Цябе буду я апяваць; бо Бог - мой заступнік, Бог мой, Які любіць мяне.