Песн Песня песняў, раздзел Кніга песні песняў Саламона, раздзел 2
Я - раўнінны нарцыс Саронскі, я - лілея з даліны!
Як лілея сярод бадзякоў - каханая сярод сябровак!Іс 53:2; Ер 33:15
Як яблыня сярод лясных дрэў - каханы мой сярод хлопцаў. У шатах яе люблю я сядзець, і плады зь яе рот мне салодзяць.Пс 90:1; Адкр 2:7; Адкр 22:2
Увёў ён мяне ў дом піру, нада мной яго сьцяг - каханьне!Пс 35:9
Падмацуйце мяне віном, яблыкамі асьвяжэце мяне, бо я зьнемагла ад каханьня.
Яго левая - пад маёй галавою, а правай рукою мяне абдымае.Песн 8:3
Заклінаю вас, Ерусалімскія дочкі, сарнамі ці палявымі ланямі: ня будзеце і ня турбуйце каханай, пакуль не прачнецца сама!Песн 3:5; Песн 8:4
Голас каханага майго! вось, ён ідзе, скача па горах, перабягае па ўзгорках, -Ян 10:19
мілы падобны да сарны, да маладога аленя. Вось, ён стаіць у нас за сьцяною, заглядваючы ў акно, мільгаціць за рашоткай.
Каханы мой загаварыў да мяне: устань, мая любасная, мая гожая, выйдзі!
Вось, і зіма адышла; дождж перастаў, мінуўся;
кветкамі зацьвітае зямля, час песьняў птушыных настаў, і горлінка ў нашым краі засьпявала,
налівае смакоўніца пупышкі, вінаградныя лозы пахнуць у квецені. Устань, мая любасная, мая гожая выйдзі!Лк 21:30
Горлінка ў горнай цясьніне, пад паветкаю скалаў! Пакажы мне свой тварык, дай мне пачуць твой галасок; бо твой голас - салодкі, бо мне тварык твой вабны!Песн 1:14; Песн 6:9; Песн 8:13; Мц 10:16
Лавіце нам лісянятак і лісак лавіце, што мне вінаграднік марнуюць; а вінаграднікі ж нашыя ў цьвеце!Езк 13:4; Лк 13:32
Каханы аддадзены мне, я - яму; ён пасьвіць сярод лілеяў.Песн 6:2; Песн 7:11
Пакуль не астыў яшчэ дзень, не паслаліся цені, пасьпяшайся назад, як сарна, мой мілы, ці як алень малады на вышынях Бэтэр.Песн 4:6