Jer JeremiasJeremiah, kapitulochapter Ang Libro ni JeremiasBook of Jeremiah, kapitulochapter 31

Ang Pagbalik sa mga Israelinhon

Nagpadayon ang Ginoo sa pag-ingon, “Nianang panahona, mahimo akong Dios sa tanang pamilya sa Israel, ug sila mahimong akong katawhan.”Jer 24:7

Mao kini ang giingon sa Ginoo:

“Atimanon ko ang mga tawo nga nakalingkawas

sa kamatayon samtang maglakaw sila sa kamingawan.

Mobalik ako sa paghatag ug kapahulayan sa Israel.”

Kaniadto, nagpakita ang Ginoo sa mga Israelinhon ug miingon,

“Gihigugma ko gayod kamo sa walay kataposan nga gugma.

Sa akong kaayo, gipaduol ko kamo kanako.Luk 1:54; Jhn 6:44; Jhn 13:1

Pabarogon ko kamo pag-usab, O katawhan sa Israel

nga sama sa putli nga babaye.

Gamiton ninyo pag-usab ang inyong mga tamborin ug mosayaw sa kalipay.Psa 122:3; Jer 33:7

Mananom kamo pag-usab ug mga ubas sa mga bukid sa Samaria,

ug magpulos sa bunga niini.Isa 65:21

Moabot ang higayon nga ang mga tigbantay

sa siyudad mosinggit gikan sa mga kabungtoran sa Efraim,

‘Dali kamo, motungas kita sa Jerusalem

sa pagsimba sa Ginoo nga atong Dios.’ ”Isa 2:3

Miingon pa gayod ang Ginoo:

“Pag-awit kamo ug panghugyaw sa kalipay alang sa Israel,

ang gauna sa tanang nasod.

Ipadayag ang inyong mga pagdayeg ug moingon,

‘O Ginoo, luwasa ang imong katawhan,

ang nahibiling buhi sa mga Israelinhon.’Isa 2:2

Pamati! Dad-on ko sila pagbalik gikan sa yuta sa amihan

ug tigomon gikan sa labing halayo nga bahin sa kalibotan.

Uban kanila mao ang mga buta ug mga bakol,

ingon man ang mga mabdos ug ang mga hapit nang manganak.

Usa ka dakong panon ang mobalik dinhi.Deu 30:3

Dad-on ko sila pagbalik nga gahilak ug nag-ampo.

Dad-on ko sila sa kasapaan

ug moagi sila sa maayong dalan diin dili sila mapandol.

Kay ako ang amahan sa Israel,

ug si Efraim ang akong kamagulangang anak.2Co 6:18; Exo 4:22

“O mga nasod, paminawa ninyo ang isulti sa Ginoo, ug ibalita kini sa mga isla:

Gipatibulaag ko ang mga Israelinhon, apan tigomon ko sila,

ug bantayan sama sa gibuhat sa magbalantay sa mga karnero.Jer 32:37; Ezk 11:16

Luwason ko ang mga kaliwat ni Jacob gikan sa kamot

sa mga tawong mas gamhanan pa kay kanila.Luk 11:22

Moadto sila sa Bukid sa Zion ug manghugyaw sa kalipay.

Maglipay sila tungod sa akong kaayo kanila,

sa abunda nga trigo, bino, lana, ug mga kahayopan.

Mahisama sila sa tanaman nga kanunayng gibisbisan,

ug dili na sila maguol pag-usab.Isa 58:11

Ang ilang mga putli nga babaye ug mga batan-ong lalaki,

apil ang mga tigulang, mosayaw sa kalipay.

Pulihan ko ug kalipay ang ilang paghilak.

Dasigon ko sila ug lipayon sa ilang kasubo.Psa 148:12; Isa 65:18; Jhn 16:20

Busgon ko ang mga pari sa kaabundansya sa lamiang mga pagkaon.

Tagbawon ko ang akong katawhan sa mga maayong butang.

Ako, ang Ginoo, ang nag-ingon niini.”Isa 66:21

Nagpadayon pa gayod sa pag-ingon ang Ginoo:

“Madungog ang paghilak ug pagminatay sa lungsod sa Rama.

Gihilakan ni Raquel ang iyang mga anak,

ug wala gayoy makahupay sa iyang kasubo

kay nangamatay ang iyang kabataan.”Mat 2:18

Mao kini ang giingon sa Ginoo:

“Ayaw na paghilak kay gantihan ka nako sa imong mga binuhatan.

Mobalik ang imong mga anak gikan sa yuta sa mga kaaway.

Busa aduna pay paglaom alang sa imong kaugmaon.

Kay mobalik ang imong mga anak sa ilang kaugalingong yuta.

Ako, ang Ginoo, ang nag-ingon niini.”

Nadungog ko gayod ang mga pagbakho sa mga taga-Efraim. Miingon sila,

“O Ginoo, sama kami sa nating baka nga wala mamanso.

Gidisiplina mo kami ug nakakat-on kami.

Ipasig-uli kami diha kanimo kay ikaw ang Ginoo nga among Dios.Sng 1:4; Hos 10:11; Lam 5:21

Mibiya kami kanimo,

apan naghinulsol kami.

Sa dihang nakaamgo kami sa among sala,

nakapanghinuktok kami sa kasubo.

Naulaw kaayo kami sa among gipanghimo niadtong mga batan-on pa kami.”Rom 2:4

Mitubag ang Ginoo,

“Kamong katawhan sa

Efraim pinalangga ko nga mga anak.

Nalipay ako kaninyo.

Bisan ug nagsige akog sulti batok kaninyo,

naghuna-huna gihapon ako kaninyo.

Gimingaw ako ug naluoy gayod kaninyo.Rom 9:16

“Pagbutang kamog mga ilhanan o mga ugsok nga mogiya kaninyo diha sa dalan.

Timan-i ninyo pag-ayo ang inyong giagian

kay mao kini ang dalan nga inyong agian sa inyong pagbalik.

O katawhan sa Israel nga sama sa putli nga babaye,

balik na kamo sa inyong mga lungsod.

Hangtod kanus-a kamong maglatagaw,

O mga anak ko nga nahisalaag?

Maghimo akog kabag-ohan sa kalibotan,

ang babaye mao nay manalipod sa lalaki.”Isa 43:19; 2Co 5:17; Rev 21:5

Ang Umaabot nga Kauswagan sa Israel

Miingon ang Ginoo nga Makagagahom, ang Dios sa Israel, “Kon mapabalik ko na sa ilang yuta ang katawhan sa Juda moingon na usab sila, ‘Hinaut nga panalanginan sa Ginoo ang balaan nga bukid sa Jerusalem, diin siya nagpuyo.’ Luk 1:54; Jer 29:14; Jer 30:3; Jer 32:44Magpuyo ang mga tawo sa Juda ug sa mga lungsod niini, apil ang mag-uuma ug ang mga bakero. Kay dasigon ko ang nagmagul-anon ug tagbawon ko ang nangaluya tungod sa kagutom. Busa moingon ang mga tawo, Isa 40:29; Mat 11:28; Heb 12:12‘Sa akong pagmata gibati ko nga nakaayo kanako ang akong pagkatulog.’ ”

Nagpadayon sa pagsulti ang Ginoo, “Moabot ang higayon nga padaghanon ko gayod ang katawhan sa Israel ug Juda ug ang ilang kahayopan. Kaniadto gilaglag, giguba, ug gipukan ko sila. Apan karon sigurohon ko nga mapabarog sila, ug lig-onon ko sila.” Ako, ang Ginoo, ang nag-ingon niini. Jer 24:6; Jer 32:42; Jer 45:4“Nianang higayona ang mga tawo dili na moingon,

“Mikaon ug aslom nga ubas ang mga ginikanan,

ug ang mga anak ang gingilohan.Ezk 18:2

Tungod kay ang tawo nga mikaon ug aslom nga ubas, mao lang ang mangilohan. Ang tawo lang nga nakasala mao ang mamatay.”

Nagpadayon pa gayod sa pag-ingon ang Ginoo,

“Moabot ang adlaw nga maghimo akog bag-ong kasabotan

sa mga taga-Israel ug mga taga-Juda,Heb 8:8

ug dili kini sama niadtong unang kasabotan nga akong gihimo

sa ilang mga katigulangan sa dihang gigiyahan ko sila pagawas gikan sa Ehipto.

Gipakawalay-bili nila ang maong kasabotan bisan

ug nahisama ako sa usa ka bana ngadto kanila.

Ako, ang Ginoo, ang nag-ingon niini.”

Midugang pag-ingon ang Ginoo, “Ang bag-ong kasabotan nga akong himuon

sa mga taga-Israel sa umaabot nga mga adlaw mao kini:

Ibutang ko ang akong mga sugo sa ilang huna-huna,

ug isulat ko kini sa ilang kasing-kasing.

Mahimo nila akong Dios,

ug sila mahimong akong katawhan.Heb 8:10; Jer 24:7

Dili na kinahanglan nga tudloan pa nila

ang ilang katagilungsod

o igsoon nga moila sa Ginoo tungod

kay silang tanan moila kanako,

gikan sa labing ubos hangtod sa labing dungganon.

Kay pasayloon ko sila sa ilang mga kalapasan,

ug dili ko na hinumdoman ang ilang mga sala.

Ako, ang Ginoo, ang nag-ingon niini.”Isa 54:13; Jhn 6:45; Heb 8:11; Jer 33:8; Mic 7:18; Act 10:43

Unya miingon ang Ginoo,

“Ako ang nagmando sa adlaw nga mohatag

ug kahayag inigkaadlaw, ug sa bulan ug sa mga bitoon

nga mohatag ug kahayag sa panahon sa kagabhion.

Ug ako ang nagkutaw sa dagat aron modahunog ang mga balod.

Ginoo nga Makagagahom ang akong ngalan.

Samtang anaa pa ang langit ug ang kalibotan,

magpabilin usab nga usa ka nasod ang Israel.”Gen 1:16; Psa 136:8

Mao kini ang giingon sa Ginoo:

“Maingon nga dili masukod ang langit

ug dili matugkad ang pundasyon sa kalibotan,

dili ko usab isalikway sa hangtod ang tanang kaliwat

ni Israel tungod sa daotan nilang mga binuhatan,”

miingon ang Ginoo niini.Jer 33:20

Nagpadayon sa pag-ingon ang Ginoo, “Moabot ang adlaw nga ang siyudad sa Jerusalem tukoron pag-usab alang kanako gikan sa Tore ni Hananel paingon sa ganghaan nga gitawag ug Eskina. Neh 3:1; 2Ch 26:9; Zec 14:10Gikan nianang mga lugara, magpadayon kini ngadto sa bungtod sa Gareb dayong liko sa Goa. Ang tibuok lugut nga labayanan sa mga patayng lawas ug sa mga abo sa mga halad, apil ang tanang kaumahan sa Kapatagan sa Kidron sa sidlakan, hangtod sa ganghaan nga ginaagian sa mga kabayo didto sa amihan, igahin alang kanako. Dili na gayod malaglag o mapukan pag-usab kini nga siyudad.”2Ki 11:16; Neh 3:28