Эф Эфесянам, раздзел Пасланне да Эфесян, раздзел 1
Павал, воляю Божаю апостал Ісуса Хрыста, сьвятым, што ў Эфэсе, і верным у Хрысьце Ісусе:1Кар 1:1; 2Кар 1:1
мілата вам і мір ад Бога, Айца нашага і Госпада Ісуса Хрыста.
Дабраславёны Бог і Айцец Госпада нашага Ісуса Хрыста, што дабраславіў нас у Хрысьце ўсякім духоўным дабраславеньнем у нябёсах,1Пётр 1:3; 2Кар 1:3
бо Ён выбраў нас у Ім перад стварэньнем сьвету, каб мы былі сьвятыя і беспахібныя перад Ім у любові,Рым 8:29; 2Цім 1:9
наперад пастанавіўшы ўсынавіць Сабе нас празь Ісуса Хрыста паводле ўпадабаньня волі Сваёй,
на хвалу славы мілаты Сваёй, якою Ён умілаваў нас у Любасным,Мц 3:17; Рым 5:15
у Якім мы маем адкупленьне Крывёю Ягонай, дараваньне грахоў, паводле багацьця мілаты Ягонай,Рым 3:25
якую Ён у вялікай шчодрасьці даў нам ва ўсякай мудрасьці і разуменьні,
адкрыўшы нам таямніцу Сваёй волі паводле Свайго ўпадабаньня, якое Ён загадзя паклаў у Ім,Эф 3:9
на зьдзяйсьненьне паўнаты часу, каб усё нябеснае і зямное паяднаць у Хрысьце;Дан 9:24; Мк 1:15; Гал 4:4; Кал 1:20
у Ім мы і зрабіліся спадкаемцамі, і былі наперад назначаны на тое згодна з воляй Таго, Хто ўсё чыніць паводле хаценьня волі Сваёй,Лк 7:30; Дзеі 20:27
каб заслужыцца на пахвалу славы Ягонай нам, якія раней спадзяваліся на Хрыста;
у Ім і вы, пачуўшы слова праўды, абвяшчэньне вашага выратаваньня, і ўвераваўшы ў Яго, пазначаны пячаткаю абяцанага Духа Сьвятога,Эф 4:30
Які ёсьць зарука спадчыны нашай, на адкупленьне долі Ягонай, на хвалу славы Ягонай!2Кар 5:5
Таму і я, дачуўшыся пра вашую веру ў Хрыста Ісуса і пра любоў да ўсіх сьвятых,
не перастаю дзякаваць за вас Богу, спамінаючы вас у малітвах маіх,Флп 1:3
каб Бог Госпада нашага Ісуса Хрыста, Айцец славы, даў вам Духа мудрасьці і адкрыцьця на спазнаньне Яго,1Кар 12:8
і прасьветліў вочы сэрца вашага, каб вы ўведалі, у чым надзея закліканьня Ягонага, і якое багацьце слаўнае спадчыны Ягонай для сьвятых,Дзеі 26:18
і якая бязьмерная веліч магутнасьці Ягонае ў нас, што паверылі празь дзеяньне ўладарнае сілы Ягонай,
якою Ён узьдзейнічаў у Хрысьце, уваскрэсіўшы Яго зь мёртвых і пасадзіўшы праваруч Сябе на нябёсах,Пс 109:1; Мк 16:19
найвышэй за любое начальства і ўладу, і сілу і валадараньне, і ўсякае імя, называнае ня толькі ў гэтым веку, але і ў будучым,Кал 2:10
і ўсё ўпакорыў пад ногі Яму, і паставіў яго вышэй за ўсё, галавою Царквы,Пс 8:7; Мц 28:18; 1Кар 15:27; Эф 5:23; Кал 1:18; Кал 2:10
якая ёсьць Цела Ягонае, поўнасьць Таго, Хто напаўняе ўсё ва ўсім.