Лік Лікі, раздзел Чацвёртая кніга Майсеева. Лікі, раздзел 10
І наказаў Гасподзь Майсею, кажучы:
зрабі сабе дзьве срэбраныя трубы, каваныя зрабі іх, каб яны служылі табе на скліканьне супольства і каб здымаць табары;
калі затрубяць у іх, зьбярэцца да цябе ўсё супольства да ўваходу ў скінію сходу:
калі ў адну трубу затрубяць, зьбяруцца да цябе князі і тысячнікі Ізраільскія;
калі затрубіце трывогу, падымуцца табары, што стаяць з усходу;Лік 2:3
калі другі раз затрубіце трывогу, падымуцца табары, што стаяць з поўдня; трывогу няхай трубяць, калі яны выпраўляюцца ў дарогу;Лік 2:10
а калі трэба склікаць сход, трубеце, але ня трывогу;
сыны Ааронавыя, сьвятары, павінны трубіць у трубы: гэта будзе вам пастанова вечная ў роды вашыя;Вых 27:21
і калі пойдзеце на вайну ў зямлі вашай супроць ворага, які наступацьме на вас, трубеце трывогу ў трубы, - і будзеце ўспомненыя перад Госпадам, Богам вашым, і ўратаваныя будзеце ад ворагаў вашых;Лік 31:6; 2Пар 13:12; Ёў 39:25
і ў дзень весялосьці вашай, і ў сьвяты вашыя, і ў час маладзікоў вашых трубеце ў трубы пры цэласпаленьнях вашых і пры мірных ахвярах вашых, - і гэта будзе нагадваць пра вас перад Богам вашым. Я Гасподзь, Бог ваш.Лік 28:14; 4Цар 11:14; 2Пар 7:6
На другі год, у другі месяц, на дваццаты дзень месяца, паднялося воблака ад скініі адкрыцьця;
і выправіліся сыны Ізраілевыя па табарах сваіх з пустыні Сінайскай, і спынілася воблака ў пустыні Фаран.Лік 2:2
І падняліся яны першы раз, па загадзе Гасподнім, дадзеным праз Майсея.
Падняты быў найперш прапар сыноў Юдавых па рушэньнях іхніх; над рушэньнем іхнім Наасон, сын Амінадаваў;Лік 1:7
і над рушэньнем племені сыноў Ісахаравых Натанаіл, сын Цуараў;Лік 1:8
і над рушэньнем племені сыноў Завулонавых Эліяў, сын Хэлонаў.Лік 1:9
І зьнята была скінія, і пайшлі сыны Гірсонавыя і сыны Мэрарыныя, якія носяць скінію.Лік 4:5
І падняты быў сьцяг табару Рувімавага па рушэньнях іхніх; і над рушэньнем ягоным Эліцур, сын Шэдэураў;Лік 1:5
і над рушэньнем племені сыноў Сымонавых Шэлумііл, сын Цурышадаеў;Лік 1:6; Лік 2:12
і над рушэньнем племені сыноў Гадавых Эліясаф, сын Рэгуілаў.Лік 1:14; Лік 2:14
Потым пайшлі сыны Каатавыя, якія носяць сьвятыню; а скінію ставілі да іхняга прыходу.
І падняты быў сьцяг табару сыноў Яфрэмавых па рушэньнях іхніх; і над рушэньнем іхнім Элішама, сын Аміудаў;Лік 1:10; Лік 2:18
і над рушэньнем племені сыноў Манасііных Гамалііл, сын Пэдацураў:Лік 1:10; Лік 2:20
і над рушэньнем племені сыноў Веньямінавых Авідан, сын Гідэонаў.Лік 1:11; Лік 2:22
Апошні з усіх табараў падняты быў сьцяг табару сыноў Данавых з рушэньнямі іхнімі: і над рушэньнем іхнім Ахіезэр, сын Амішадаеў;Лік 1:12; Лік 2:25
і над рушэньнем племені сыноў Асіравых Пагііл, сын Ахранаў;Лік 1:13; Лік 2:27
і над рушэньнем племені сыноў Нэфталімавых Ахіра, сын Энанаў.Лік 1:15; Лік 2:19
Вось парадак шэсьця сыноў Ізраілевых па рушэньнях іхніх. І выправіліся яны.
І сказаў Майсей Хававу, сыну Рагуілаваму, Мадыяніцяніну, родзічу Майсееваму: мы выпраўляемся ў тую мясьціну, пра якую Гасподзь сказаў: вам аддам яе; ідзі з намі, мы зробім табе дабро, бо Гасподзь добрае мовіў пра Ізраіля.Вых 2:18; Вых 18:1; Вых 6:12
Але ён сказаў яму: не пайду; я пайду ў сваю зямлю і на сваю радзіму.
А Майсей сказаў: не пакідай нас, бо ты ведаеш, як разьмяшчаемся мы табарам у пустыні, і будзеш нам вокам;
калі пойдзеш з намі, дык дабро, якое Гасподзь зробіць нам, мы зробім табе.
І выправіліся яны ад гары Гасподняй на тры дні дарогі, і, каб нагледзець мясьціну, дзе спыніцца.Дрз 31:8
І воблака Гасподняе ахінала іх удзень, калі яны выпраўляліся з табару.
Калі падымаўся каўчэг у дарогу, Майсей казаў: паўстань, Госпадзе, і рассыплюцца ворагі Твае, і пабягуць ад аблічча Твайго ненавісьнікі Твае!Пс 67:2
А калі спыняўся каўчэг, ён казаў: вярніся Госпадзе, да тысячаў і цьмоў Ізраілевых!2Пар 6:41; Пс 131:8