Выс Выслоўі, раздзел Кніга выслоўяў Саламонавых, раздзел 4
Слухайце, дзеці, настаўленьня бацькавага, і зважайце, каб навучыцца розуму;
бо я дам вам добрую навуку. Не адкідайце наказу майго.
Бо і я быў сын у бацькі майго, пяшчотна любімы і адзіны ў маці маёй.
І ён вучыў мяне і казаў мне: хай будуць у сэрцы тваім словы мае; захоўвай наказы мае і жыві.1Пар 28:9
Здабывай мудрасьць, набывай розум; не забывай гэтага і ня цурайся слоў маіх, а кіруйся імі!
Не адкідай яе, і яна будзе ахоўваць цябе; любі яе, і яна будзе цябе берагчы.
Аснова мудрасьці: набывай мудрасьць і за ўсё, што маеш, набывай розум.
Высока цані яе, і яна ацэніць цябе; яна акрые славай цябе, калі ты прыгорнеш яе;Дан 2:46
ускладзе на галаву тваю прыгожы вянок, падаруе табе цудоўны вянок.Выс 1:9
Слухай, сыне мой, і прымі словы мае, - і памножацца гады твайго жыцьця.Выс 3:2
Я паказваю табе шлях мудрасьці, вяду цябе па сьцежках простых.
Калі пойдзеш, крокам тваім ня будзе завады, і калі пабяжыш, не спатыкнешся.
Моцна трымайся наказу, не адкідай, захоўвай яго; бо ён - жыцьцё тваё.
Ня выходзь на сьцежку бязбожнікаў, і не хадзі па дарозе ліхіх;Пс 1:1; Выс 1:10
пакінь яе, не хадзі ёю, ухіляйся ад яе і праходзь міма;
бо яны не заснуць, пакуль ня ўчыняць ліхога; прападзе сон у іх, пакуль яны не давядуць каго да падзеньня;Эст 6:4; Пс 35:5; Міх 2:1
бо яны ядуць хлеб беззаконьня і п'юць віно рабунку.Выс 1:13
Сьцежка праведных - як сьвяціла прамяністае, якое болей і болей сьвятлее да поўнага дня.Пс 96:11; Мц 5:16
А шлях бязбожных - як цемра; яны ня ведаюць, на што спатыкнуцца.Дрз 28:29; Іс 59:10
Сыне мой! слоў маіх слухайся, і да прамоваў маіх нахілі тваё вуха;
хай не адыдуць яны ад вачэй тваіх; захоўвай іх усярэдзіне сэрца твайго:
бо яны жыцьцё таму, хто знайшоў іх, і ацаленьне ўсяму яго целу.Пс 18:8
Больш за ўсё запаветнае захоўвай сэрца тваё; бо ў ім - крыніца жыцьця.Мц 6:1; Габр 13:9
Адкінь ад сябе ілжывасьць вуснаў, і круцельства языка адхісьні ад сябе.
Вочы твае хай наперад глядзяць, і позірк твой хай скіраваны будзе перад табою.Ёў 31:1
Абдумай сьцежку назе тваёй, і ўсе дарогі твае хай будуць пэўныя.Габр 12:13
Ня ўхіляйся ні направа, ні налева; адвядзі нагу тваю ад ліхога.Дрз 5:32