Ezk Hesekiel, luku Hesekielin kirja, luku 37
Muu kirjoitus: церковнославянский
И бысть на мне рука́ го́сподня, и изведе́ мя в дусе го́сподни и поста́ви мя среде́ по́ля: се же бя́ше по́лно косте́й челове́ческих:Ezk 1:3
и обведе́ мя о́крест их о́коло, и се, мно́ги зело́ на лицы́ по́ля, и се, су́хи зело́.
И рече́ ко мне: сы́не челове́чь, оживу́т ли ко́сти сия́? И реко́х: го́споди бо́же, ты ве́си сия́.Isa 26:19; Dan 12:2
И рече́ ко мне: сы́не челове́чь, прорцы́ на ко́сти сия́ и рече́ши им: ко́сти сухи́я, слы́шите сло́во го́сподне:Luk 7:14; Jhn 5:29
се глаго́лет адонаи́ госпо́дь косте́м сим: се, аз введу́ в вас дух живо́тенGen 2:7
и дам на вас жи́лы, и возведу́ на вас плоть и простру́ по вам ко́жу, и дам дух мой в вас, и оживете́ и уве́сте, я́ко аз есмь госпо́дь.
И прореко́х, я́коже запове́да ми госпо́дь. И бысть глас внегда́ ми проро́чествовати, и се, трус, и совокупля́хуся ко́сти, кость к ко́сти, ка́яждо ко соста́ву своему́.
И ви́дех, и се, бы́ша им жи́лы, и плоть растя́ше, и восхожда́ше (и протяже́ся) им ко́жа верху́, ду́ха же не бя́ше в них.Job 19:25
И рече́ ко мне: прорцы́ о ду́се, прорцы́, сы́не челове́чь, и рцы ду́хови: сия́ глаго́лет адонаи́ госпо́дь: от четы́рех ве́тров прииди́, ду́ше, и вду́ни на ме́ртвыя сия́, и да оживу́т.
И прореко́х, я́коже повеле́ ми, и вни́де в ня дух жи́зни, и ожи́ша и ста́ша на нога́х свои́х, собо́р мног зело́.
И рече́ госпо́дь ко мне глаго́ля: сы́не челове́чь, сия́ ко́сти весь дом изра́илев есть, ти́и бо глаго́лют: су́хи бы́ша ко́сти на́шя, поги́бе наде́жда на́ша, убие́ни бы́хом.Lam 4:8; Jhn 11:39
Того́ ра́ди прорцы́ (сы́не челове́чь) и рцы к ним: сия́ глаго́лет адонаи́ госпо́дь: се, аз отве́рзу гро́бы ва́шя и изведу́ вас от гроб ва́ших, лю́дие мои́, и введу́ вы в зе́млю изра́илеву:
и уве́сте, я́ко аз есмь госпо́дь, внегда́ отве́рсти ми гро́бы ва́шя, е́же возвести́ ми вас от гробо́в ва́ших, лю́дие мои́: и дам дух мой в вас, и жи́ви бу́дете,
и поста́влю вы на земли́ ва́шей, и уве́сте, я́ко аз госпо́дь: глаго́лах и сотворю́, глаго́лет адонаи́ госпо́дь.Zec 12:10; Ezk 17:24
И бысть сло́во го́сподне ко мне глаго́ля:
сы́не челове́чь, возми́ себе́ жезл еди́н и напиши́ на нем иу́ду и сы́ны изра́илевы прилежа́щыя к нему́: и жезл вторы́й возми́ себе́ и напиши́ на нем ио́сифа, жезл ефре́мов, и вся сы́ны изра́илевы приложи́вшыяся к нему́:Ezk 4:1
и совокупи́ я друг ко дру́гу себе́ в жезл еди́н, е́же связа́ти я, и бу́дут (вку́пе) в руце́ твое́й:
и бу́дет, егда́ реку́т к тебе́ сы́нове люди́й твои́х, вопроша́юще: не возвести́ши ли нам ты, что суть сия́ тебе́?
и рече́ши к ним: сия́ глаго́лет адонаи́ госпо́дь: се, аз поиму́ пле́мя ио́сифово, е́же есть в руце́ ефре́мове, и племена́ изра́илева прилежа́щая к нему́, и дам я в пле́мя иу́дино, и бу́дут в жезл еди́н в руце́ иу́дине.
И бу́дут жезли́, на ни́хже писа́ти бу́деши, в руце́ твое́й пред очи́ма их,
и рече́ши к ним: сия́ глаго́лет адонаи́ госпо́дь: се, аз пое́млю весь дом изра́илев от среды́ язы́ков, а́може внидо́ша, и соберу́ я от всех су́щих о́крест их и введу́ их в зе́млю изра́илеву,Isa 11:12
и дам я во язы́к на земли́ мое́й и в гора́х изра́илевых: и князь еди́н бу́дет во всех сих царе́м, и не бу́дут ктому́ в два язы́ка, ни разделя́тся ктому́ на два ца́рства,Jhn 10:16
да не оскверня́ются ктому́ в куми́рех свои́х и в ме́рзостех свои́х и во всех нече́стиих свои́х: и изба́влю я от всех беззако́ний их, и́миже согреши́ша, и очи́щу я, и бу́дут ми в лю́ди, и аз бу́ду им в бо́га.Jer 7:23
И раб мой дави́д князь среде́ их и па́стырь еди́н бу́дет всех, я́ко в за́поведех мои́х ходи́ти бу́дут и суды́ моя́ сохраня́т и сотворя́т я,Isa 40:11; Jer 23:5; Jer 30:9; Ezk 34:23; Jhn 10:11
и вселя́тся на земли́ свое́й, ю́же дах рабу́ моему́ иа́кову, на не́йже жи́ша та́мо отцы́ их, и вселя́тся на ней ти́и и сы́нове их и сы́нове сыно́в их да́же до ве́ка: и дави́д раб мой князь их бу́дет во век.Dan 9:24
И утвержу́ им заве́т ми́рен, и заве́т ве́чен бу́дет с ни́ми, и укореню́ я и умно́жу,Psa 88:4; Ezk 34:25
и дам освяще́ние мое́ посреде́ их во век, и бу́дет вселе́ние мое́ в них, и бу́ду им бог, а они́ бу́дут ми лю́дие:Lev 26:11; 2Co 6:16; Ezk 11:20
и уве́дят язы́цы, я́ко аз есмь госпо́дь освяща́яй я, внегда́ бу́дут свята́я моя́ среде́ их во век.