Exo Exodo, kapitulo Exodo Ang Ikaduhang Libro ni Moises, kapitulo 20
Ang Napulo ka Sugo
Unya miingon ang Dios:Deu 4:13
“Ako ang Ginoo nga inyong Dios nga nagpagawas kaninyo gikan sa Ehipto diin kamo giulipon.Deu 5:6; Psa 81:10
- “Ayaw kamo pagsimba ug laing dios gawas kanako.Deu 5:7
- Ayaw kamo paghimo ug mga dios-dios sa dagway sa bisan unsa nga anaa sa langit, o sa yuta, o sa tubig. Lev 26:1; Deu 5:8; Psa 97:7Ayaw gayod ninyo kini alagari o simbaha, kay ako, ang Ginoo nga inyong Dios, abughoan. Dili ako gusto nga aduna kamoy lain nga simbahon. Silotan ko ang mga nakasala kanako apil ang ilang mga kaliwat hangtod sa ikatulo ug ikaupat nga henerasyon nga nagsalikway kanako. Num 14:18; Deu 5:9Apan gipakita ko ang akong paghigugma ngadto sa daghan kaayong henerasyon nga naghigugma kanako ug nagtuman sa akong mga sugo.Exo 34:7; Deu 5:10
- Ayaw ninyo gamita ang akong ngalan sa walay kapuslanan kay ako ang Ginoo nga inyong Dios, magsilot kang bisan kinsa nga mogamit sa akong ngalan sa walay kapuslanan.Lev 19:12; Deu 5:11; Mat 5:33
- Hinumdomi ninyo ang Adlaw nga Igpapahulay, ug himoa ninyo kini nga pinasahi nga adlaw alang kanako. Exo 31:13; Deu 5:12; Ezk 20:12Magtrabaho kamo sulod sa unom ka adlaw, Lev 23:3; Deu 5:13apan ang ikapito nga adlaw, ang Adlaw nga Igpapahulay, inyong igahin alang kanako, ang Ginoo nga inyong Dios. Ayaw kamo pagtrabaho niining adlawa apil ang inyong mga anak, mga ulipon, kahayopan, o ang mga langyaw nga nagpuyo sa inyong mga lungsod. Deu 5:14; Mat 12:2Kay sulod sa unom ka adlaw gimugna sa Ginoo ang langit, ang yuta, ang dagat, ug ang tanang anaa niini, apan mipahulay siya sa ikapitong adlaw. Busa gipanalanginan sa Ginoo ang Adlaw nga Igpapahulay ug gihimo kini nga pinasahi nga adlaw alang sa Ginoo.Gen 2:2; Exo 31:17; Heb 4:4
- Tahora ninyo ang inyong amahan ug inahan aron magkinabuhi kamo ug dugay diha sa yuta nga gihatag sa Ginoo nga inyong Dios kaninyo.Deu 5:16; Mat 15:4; Mrk 7:10; Eph 6:2
- Ayaw kamo pagpatay.Deu 5:17; Mat 5:21; Mat 19:18; Mrk 10:19; Rom 13:9
- Ayaw kamo panapaw.Deu 5:18; Mat 5:27
- Ayaw kamo pangawat.Deu 5:19
- Ayaw kamo pagsaksi ug bakak batok sa inyong isigka-tawo.Deu 5:20
- Ayaw kamo kaibog sa balay sa inyong isigka-tawo, o sa iyang asawa, mga ulipon, mga baka o asno, o sa bisan unsa nga anaa kaniya.”Deu 5:21; Rom 7:7; Rom 13:9
Sa dihang nadungog sa mga tawo ang dalogdog ug ang tingog sa budyong, ug sa dihang nakita nila ang kilat ug ang bukid nga gaaso, nangurog sila sa kahadlok. Mitindog sila sa layo-layo Heb 12:19ug miingon kang Moises, “Ikaw na lay makigsulti kanamo kay maminaw kami, dili lang ang Dios kay basin mamatay kami.”Deu 18:16; Heb 12:19
Busa miingon si Moises sa mga tawo, “Ayaw kamo kahadlok, kay mianhi dinhi ang Dios sa pagpakita sa iyang gahom kaninyo aron magbaton kamo ug kahadlok kaniya ug dili magpakasala.”Gen 22:1
Sa gihapon nagpabilin ang mga tawo sa pagtindog sa layo-layo samtang si Moises miduol sa bagang panganod diin atua ang Dios.1Ki 8:12; Heb 12:18
Ang Balaod Bahin sa mga Halaran
Unya miingon ang Ginoo kang Moises, “Isulti kini sa mga Israelinhon: Nakita ninyo nga nakigsulti ako kaninyo gikan sa langit. Busa ayaw kamo paghimog mga dios nga plata o bulawan aron simbahon uban kanako.Exo 34:17
“Paghimo kamog halaran nga yuta alang kanako ug diha ninyo ihalad ang inyong mga karnero, mga kanding, ug mga baka ingon nga halad nga sinunog ug halad alang sa maayong relasyon.20:24 halad alang sa maayong relasyon: sa uban nga paghubad, halad sa pagpakigdait, o halad sa pagpakig-ambit. Ang unang katuyoan niini nga halad mao nga mahimong maayo ang relasyon sa maghahalad ngadto sa Ginoo ug ngadto usab sa iyang isigka-tawo. Himoa ninyo kini sa dapit nga akong pilion diin ako pagasimbahon, ug didto adtoan ko kamo ug panalanginan. Exo 27:8; Deu 12:11Kon maghimo kamog halaran nga bato alang kanako ayaw ninyo kinig sapsapi, kay kon gamitan ninyo kinig gamit nga pangsapsap, dili na kini takos nga gamiton sa paghalad kanako. Deu 27:5; Jos 8:31Ug ayaw usab kamo paghimog halaran nga adunay hagdanan kay basin malili-an kamo inigsaka ninyo niini.”Exo 28:42