Лк Лукаша, раздзел Паводле Лукаша Святое Дабравесце, раздзел 3
А ў пятнаццаты год праўленьня Тыверыя кесара, калі Понцій Пілат начальнічаў у Юдэі, Ірад быў тэтрархам у Галілеі, Піліп, брат ягоны, - тэтрархам у Ітурэі і Траханіцкай вобласьці, а Лісаній - тэтрархам у Авілінеі,
пры першасьвятарах Ганьне і Каяфе, быў голас Божы да Яна, сына Захара, у пустыні.
І ён пайшоў па ўсіх навакольлях Ярдана, прапаведуючы хрышчэньне пакаяньня на дараваньне грахоў,Мц 3:1; Мк 1:4
як напісана ў кнізе слоў прарока Ісаі, які кажа: «голас таго, хто кліча ў пустыні: падрыхуйце шлях Госпаду, простымі зрабеце сьцежкі Яму;Мц 3:3; Мк 1:3; Ян 1:23
кожны дол хай напоўніцца, і кожная гара і пагорак хай абнізяцца, крывізны выпрастуюцца, і няроўныя дарогі зробяцца гладкімі;
і ўбачыць кожная плоць ратунак Божы».Іс 40:3
Ян люду, што прыходзіў хрысьціцца ў яго, казаў: выродзьдзе яхідніна? хто намовіў вас уцякаць ад будучага гневу?Мц 3:7
прынясеце ж плады годныя пакаяньня, і ня думайце гаварыць самі сабе: «бацька ў нас Абрагам»; бо кажу вам, што Бог можа з камянёў гэтых узьвесьці дзяцей Абрагаму;Мц 3:9; Мц 8:11; Ян 8:39
ужо і сякера пры корані дрэваў ляжыць: бо ўсякае дрэва, якое ня родзіць добрага плоду, сьсякаюць і кідаюць у вагонь.Мц 3:10; Мц 7:19; Ян 15:6
І пыталіся ў яго людзі: што ж нам рабіць?
Ён сказаў ім у адказ: у каго дзьве адзежыны, той дай таму, хто ня мае; і ў каго ёсьць ежа, рабі тое самае.Як 2:15; 1Ян 3:17; 2Кар 8:14
Прыйшлі і мытнікі хрысьціцца і сказалі яму: Настаўнік! што нам рабіць?Мц 21:32
Ён адказваў ім: нічога не патрабуйце больш вызначанага вам.
Пыталіся ў яго таксама і воі: а нам што рабіць? І сказаў ім: нікога ня крыўдзіце, не паклёпнічайце, і задавольвайцеся сваёй платай.
А калі люд быў у чаканьні, і ўсе думалі ў сэрцах сваіх пра Яна, ці ня Хрыстос ён, -
Ян усім адказваў: я хрышчу вас вадою, але ідзе Мацнейшы за мяне, у Якога я няварты разьвязаць рэмень на абутку; Ён будзе хрысьціць вас Духам Сьвятым і вагнём;Мц 3:11; Мк 1:7; Ян 1:15; Дзеі 1:5
гарфа Ягоная ў руцэ Ягонай, і ён ачысьціць гумно Сваё і зьбярэ пшаніцу ў засекі Свае, а салому спаліць вагнём непагасным.Мц 3:12
Шмат чаго іншага зьвеставаў ён народу, павучаючы яго.
А Ірад тэтрарх, дакараны ім за Ірадыяду, жонку братавую, і за ўсё, што зрабіў Ірад благога,Мц 14:3; Мк 6:17
дадаў да ўсяго іншага і тое, што ўвязьніў Яна ў цямніцу.
А калі ахрысьціўся ўвесь народ, і Ісус, ахрысьціўшыся, маліўся, - адчынілася неба,Мц 3:16; Мк 1:10; Ян 1:32
і Дух Сьвяты сышоў на Яго ў цялесным вобразе, як голуб, і быў голас зь нябёсаў, які прамовіў: Ты Сын Мой любасны; Цябе Я ўпадабаў!
Ісус, пачынаючы Сваё служэньне, быў гадоў трыццаці, і быў, як думалі, сын Язэпаў, Іліеў,Мц 13:55; Мк 6:3; Лк 4:22; Ян 6:42
Мататаў, Левіінаў, Мэлхіеў, Янаеў, Язэпаў,
Мататыеў, Амосаў, Навумаў, Ясьлімаў, Нагееў.
Маатаў, Мататыеў, Сэмяіеў, Язэпаў, Юдаў,
Ёананаў, Рысаеў, Зарававэлеў, Салатыілеў, Нірыеў,
Мэлхіеў, Аддзіеў, Касамаў, ілмадамаў, Іраў,
Ёсіеў, іліезэраў, Ёрымаў, Мататаў, Лявіінаў,
Сымонаў, Юдаў, Язэпаў, Ёнанаў, іліякімаў,
Мэлеаеў, Маінанаў, Мататаеў, Натанаў, Давідаў,
Ясэеў, Авідаў, Ваозаў, Салмонаў, Наасонаў,
Амінадаваў, Арамаў, ісромаў, Фарэсаў, Юдаў,
Якаваў, Ісакаў, Абрагамаў, Тараў, Нахораў,Быц 11:24
Сэрухаў, Рагаваў, Фалекаў, івераў, Салаў,Быц 11:20
Каінанаў, Арфаксадаў, Сімаў, Ноеў, Ламэхаў,Быц 5:28; Быц 6:10; Быц 11:10
Матусалаў, інохаў, Ярэдаў, Малелеілаў, Каінанаў,Быц 5:12
іносаў, Сітаў, Адамаў, Божы.Быц 5:3