1Ян 1 Яна, раздзел Першае пасланне Яна, раздзел 1
Пра тое, што было ад пачатку, што мы чулі, што бачылі на свае вочы, што разглядвалі і што адчувалі рукі нашыя, пра Слова жыцьця, -Лк 1:2; Лк 24:39; Ян 1:1; Ян 1:14
бо жыцьцё зьявілася, і мы бачылі і сьведчым, і абвяшчаем вам гэтае вечнае жыцьцё, якое было ў Айца і зьявілася нам -Ян 1:1; Ян 1:4
пра тое, што мы бачылі і чулі, абвяшчаем вам, каб і вы мелі лучнасьць з намі; а нашая лучнасьць - з Айцом і Сынам Ягоным, Ісусам Хрыстом.Ян 15:10; 1Кар 1:9
І гэта пішам вам, каб радасьць вашая была поўная.
І вось зьвеставаньне, якое мы чулі ад Яго і абвяшчаем вам: Бог ёсьць сьвятло, і няма ў Ім ніякае цемры.Ян 8:12
Калі мы кажам, што маем лучнасьць зь Ім, а ходзім у цемры, дык мы хлусім і ня ўчыняем па праўдзе;2Кар 6:14; Эф 5:11
а калі ходзім у сьвятле, як Ён у сьвятле, дык маем лучнасьць адно з адным, і Кроў Ісуса Хрыста, Сына Ягонага, ачышчае нас ад усякага грэху.1Пётр 1:19; Габр 9:14; Адкр 1:5
Калі кажам, што ня маем грэху, ашукваем самі сябе, і праўды няма ў нас.3Цар 8:46; Выс 20:9; Экл 7:20
Калі ж вызнаём грахі нашыя, дык Ён, верны і праведны, даруе нам грахі (нашыя) і ачысьціць нас ад усякай няпраўды.2Цар 12:13; Пс 31:5; Выс 28:13
Калі кажам, што мы не зграшылі, дык робім зь Яго падманшчыка, і слова Ягонага няма ў нас.