Matius 13 dalam berbagai terjemahan
Пераклад Сёмухі
13:1
Сёмуха
Выйшаўшы таго ж дня з дома, Ісус сеў каля мора.
13:2
Сёмуха
І сабралася да Яго мноства людзей, так што Ён увайшоў у лодку і сеў; а ўвесь люд стаяў на беразе.
13:3
Сёмуха
І гаварыў ім шмат прытчамі, кажучы: вось, выйшаў сейбіт сеяць.
13:4
Сёмуха
І калі сеяў ён, адно ўпала пры дарозе, і наляцелі птушкі і падзяўблі тое;
13:5
Сёмуха
іншае ўпала на мясьціны камяністыя, дзе няшмат было зямлі, і неўзабаве ўзышло, таму што зямля была ня глыбокая.
13:6
Сёмуха
А калі ўзышло сонца, завяла і, як ня мела карэньня, засохла;
13:7
Сёмуха
іншае ўпала ў церне, і вырасла церне і заглушыла яго;
13:8
Сёмуха
іншае ўпала на добрую зямлю і ўрадзіла плод: адно ў сто разоў, а другое ў шэсьцьдзясят, а тое ў трыццаць.
13:9
Сёмуха
Хто мае вушы, каб чуць, няхай чуе!
13:10
Сёмуха
І прыступіўшы, вучні сказалі Яму: чаму прытчамі гаворыш ім?
13:11
Сёмуха
Ён сказаў ім у адказ: таму, што вам дадзена ведаць таямніцы Царства Нябеснага, а ім ня дадзена;
13:12
Сёмуха
бо хто мае, таму дадзена будзе і памножыцца; а хто ня мае, у таго адымецца і тое, што мае;
13:13
Сёмуха
дзеля таго прытчамі прамаўляю ім, што яны бачачы ня бачаць, і чуючы ня чуюць, і не разумеюць;
13:14
Сёмуха
і збываецца над імі прароцтва Ісаі, якое кажа: «слыхам пачуеце, і не ўразумееце; і вачыма глядзець будзеце, і ня ўбачыце;
13:15
Сёмуха
агрубела бо сэрца ў людзей гэтых, і вушыма цяжка чуюць, і вочы свае зьмежылі, каб ня ўгледзець вачыма, і вушыма не пачуць, і сэрцам не ўразумець, і ня зьвернуцца, каб Я ацаліў іх».
13:16
Сёмуха
А вашы дабрашчасныя вочы, што бачаць; і вушы вашыя, што чуюць:
13:17
Сёмуха
бо праўду кажу вам, што многія прарокі і праведнікі жадалі бачыць, што вы бачыце, і ня бачылі, і чуць, што вы чуеце, і ня чулі.
13:18
Сёмуха
Але ж вы пачуйце прытчу пра сейбіта:
13:19
Сёмуха
да кожнага, хто слухае слова пра Царства і не разумее, прыходзіць ліхадзей і крадзе пасеянае ў сэрцы ягоным: вось каго азначае пасеянае пры дарозе.
13:20
Сёмуха
А пасеянае на камяністых мясьцінах азначае таго, хто чуе слова і адразу з радасьцю прымае яго;
13:21
Сёмуха
але ня мае кораня ў сабе і нясталы: калі настане ўціск альбо ганеньне за слова, адразу спакушаецца.
13:22
Сёмуха
А пасеянае ў церне азначае таго, хто чуе слова, але клопат веку гэтага і панада багацьця заглушае слова, і яно стаецца бясплодным.
13:23
Сёмуха
А пасеянае на добрай зямлі азначае таго, хто чуе слова і разумее, які і плод прыносіць і дае адзін сто, другі шэсьцьдзясят, а той трыццаць.
13:24
Сёмуха
Другую прытчу прапанаваў Ён ім, кажучы: Царства Нябеснае падобнае на чалавека, які пасеяў добрае насеньне на полі сваім;
13:25
Сёмуха
калі ж людзі спалі, прыйшоў вораг яго і пасеяў куколь сярод пшаніцы, і пайшоў;
13:26
Сёмуха
калі ўзышла рунь і завязала плод, тады зьявіўся і куколь.
13:27
Сёмуха
Прыйшоўшы, рабы гаспадара дома сказалі яму: гаспадар! ці ж ня добрае насеньне пасеяў ты на полі тваім? адкуль жа на ім куколь?
13:28
Сёмуха
А ён сказаў ім: варожы чалавек гэта зрабіў. А рабы сказалі яму: хочаш, мы пойдзем, выпалем яго?
13:29
Сёмуха
А ён сказаў: не, каб, выбіраючы куколь, вы не павырывалі разам зь ім і пшаніцы;
13:30
Сёмуха
пакіньце расьці разам тое і другое да жніва; а ў час жніва я скажу жняцам: зьбярэце перш куколь і зьвяжэце яго ў снапы, каб спаліць яго; а пшаніцу зьбярэце ў засекі мае.
13:31
Сёмуха
Іншую прытчу прапанаваў Ён ім, кажучы: падобнае Царства Нябеснае на зерне гарчычнае, якое чалавек узяў і пасеяў на полі сваім,
13:32
Сёмуха
якое, хоць меншае за ўсякае насеньне, але, калі вырастае, бывае большае за ўсякую траву і робіцца дрэвам, так што прылятаюць птушкі нябесныя і ўюць гнёзды ў гольлі яго.
13:33
Сёмуха
Іншую прытчу сказаў Ён ім: падобнае Царства Нябеснае на закваску, якую жанчына ўзяўшы паклала ў тры меры мукі, пакуль не закісла ўсё.
13:34
Сёмуха
Гэта ўсё казаў Ісус прытчамі люду, і бяз прытчы нічога не казаў ім,
13:35
Сёмуха
каб збылося сказанае праз прарока, які кажа: «Разамкну ў прытчах вусны Мае; выкажу ўтоенае ад стварэньня сьвету».
13:36
Сёмуха
Тады Ісус, адпусьціўшы людзей, увайшоў у дом. І прыступіўшы да Яго, вучні Яго сказалі: растлумач нам прытчу пра куколь на полі.
13:37
Сёмуха
А Ён ім сказаў у адказ: сейбіт добрага насеньня ёсьць Сын Чалавечы;
13:38
Сёмуха
поле ёсьць сьвет; добрае насеньне гэта - сыны Царства, а куколь - сыны ліхога;
13:39
Сёмуха
вораг, які пасеяў яго, ёсьць д'ябал; жніво ёсьць сканчэньне веку, а жняцы - анёлы.
13:40
Сёмуха
А таму, як зьбіраюць куколь і агнём паляць, гэтак сама будзе пры сканчэньні веку гэтага:
13:41
Сёмуха
пашле Сын Чалавечы анёлаў Сваіх, і зьбяруць з Царства Яго ўсе спакусы і тых, што чыняць беззаконьне,
13:42
Сёмуха
і ўкінуць іх у печ вогненную; там будзе плач і скрыгат зубоў;
13:43
Сёмуха
тады праведныя зазьзяюць, як сонца, у Царстве Айца іх. Хто мае вушы, каб чуць, няхай чуе!
13:44
Сёмуха
Яшчэ падобнае Царства Нябеснае на скарб, схаваны на полі, які, знайшоўшы, чалавек утоіў, і ў радасьці ад гэтага ідзе і прадае ўсё, што мае, і купляе поле тое.
13:45
Сёмуха
Яшчэ падобнае Царства Нябеснае на купца, які шукае прыгожых пэрлаў,
13:46
Сёмуха
які, знайшоўшы адзін шматкаштоўны пэрл, пайшоў і прадаў усё, што меў, і купіў яго.
13:47
Сёмуха
Яшчэ падобнае Царства Нябеснае на нерат, закінуты ў мора і поўны рыбы ўсялякага роду,
13:48
Сёмуха
які, калі ён напоўніўся, выцягнулі на бераг і, сеўшы, добрае склалі ў начыньне, а благое кінулі прэч.
13:49
Сёмуха
Так будзе пры сканчэньні веку: выйдуць анёлы і аддзеляць ліхіх з асяродзьдзя праведных,
13:50
Сёмуха
і ўкінуць іх у печ вогненную: там будзе плач і скрыгат зубоў.
13:51
Сёмуха
Сказаў ім Ісус: ці зразумелі вы гэта ўсё? Яны кажуць яму: так, Госпадзе!
13:52
Сёмуха
А Ён сказаў ім: таму ўсякі кніжнік, навучаны Царству Нябеснаму, падобны на гаспадара дома, які выносіць са скарбніцы сваёй новае і старое.
13:53
Сёмуха
І сталася, калі скончыў Ісус прытчы гэтыя, пайшоў адтуль.
13:54
Сёмуха
І прыйшоўшы на бацькаўшчыну Сваю, вучыў іх у сынагозе іхняй, так што яны зьдзіўляліся і казалі: адкуль у Яго гэтая мудрасьць і сілы?
13:55
Сёмуха
ці не цесьляроў Ён Сын? ці не Ягоную Маці завуць Марыя, і браты Яго Якаў і Ёсій, і Сымон і Юда?
13:56
Сёмуха
і сёстры Яго ці ня ўсе сярод нас? адкуль жа ў Яго ўсё гэта?
13:57
Сёмуха
І паняверыліся ў Ім. А Ісус сказаў ім: ня бывае прарока без пашаны, хіба што толькі на бацькаўшчыне сваёй, і ў доме сваім.
13:58
Сёмуха
І ня ўчыніў там многіх цудаў з-за няверства іхняга.