여러 번역본으로 본 고린도전서 13
Пераклад Бокуна
13:1
Бокун
Калі я гавару мовамі чалавечымі і анёльскімі, а любові ня маю, я — медзь, якая зьвініць, ці цымбалы, якія гудуць.
13:2
Бокун
І калі я маю прароцтва, і ведаю ўсе тайны і ўсякае веданьне, і калі маю ўсю веру, каб і горы перастаўляць, а любові ня маю, я — нішто.
13:3
Бокун
І калі я раздам усю маёмасьць маю, і аддам цела маё на спаленьне, а любові ня маю, няма мне ніякае карысьці.
13:4
Бокун
Любоў доўга церпіць, робіць дабро; любоў не зайздросьціць; любоў не вывышаецца, не надзімаецца,
13:5
Бокун
ня робіць непрыстойнага, не шукае свайго, ня гневаецца, ня думае ліхога,
13:6
Бокун
ня радуецца з няправеднасьці, але цешыцца з праўды;
13:7
Бокун
усё вытрымлівае, усяму верыць, на ўсё спадзяецца, усё трывае.
13:8
Бокун
Любоў ніколі ня зьнікне, калі нават прароцтвы зьнікнуць, калі мовы змоўкнуць, калі веданьне зьнішчыцца.
13:9
Бокун
Бо мы часткова ведаем і часткова прарочым;
13:10
Бокун
а калі прыйдзе дасканалае, тады тое, што частковае, зьнікне.
13:11
Бокун
Калі я быў немаўлём, як немаўлятка гаварыў, як немаўлятка думаў; а калі стаўся мужам, пакінуў тое, што немаўляці.
13:12
Бокун
Бо цяпер мы бачым праз [мутнае] шкло, невыразна; а тады — абліччам да аблічча; цяпер я разумею часткова, а тады пазнаю [гэтаксама], як я сам пазнаны.
13:13
Бокун
А цяпер застаюцца вера, надзея, любоў — гэтыя тры; але большая з іх — любоў.