여러 번역본으로 본 고린도후서 2
Пераклад Сёмухі
2:1
Сёмуха
І вось разважыў я сам сабе ня ісьці да вас зноў з засмучэньнем;
2:2
Сёмуха
бо калі я засмучаю вас, дык хто ж парадуе мяне, як ня той, хто засмучаны мною?
2:3
Сёмуха
Гэта самае і пісаў я вам, каб, прыйшоўшы, ня мець засмучэньня ад тых, за каго мне сьлед было радавацца; бо я за ўсіх вас пэўны, што мая радасьць ёсьць радасьць і ўсім вам.
2:4
Сёмуха
Ад вялікае скрухі і прыгнечанага сэрца я пісаў вам зь вялікімі сьлязьмі не на тое, каб засмуціць вас, а каб вы спазналі любоў, якое я маю багата да вас!
2:5
Сёмуха
А калі хто засмуціў, дык не мяне засмуціў, а часткова - каб не сказаць многа - і ўсіх вас.
2:6
Сёмуха
Такому досыць і гэтае кары ад многіх,
2:7
Сёмуха
так што вам лепей ужо дараваць яму і пашкадаваць яго, каб не апанаваў яго надта вялікі смутак,
2:8
Сёмуха
і таму прашу вас не абысьці яго любоўю.
2:9
Сёмуха
На тое бо я і пісаў, каб выпрабаваць вас, ці ва ўсім вы паслухмяныя.
2:10
Сёмуха
А каму вы ў чым даруеце, таму і я; бо і я, калі каму ў чым дараваў, дараваў дзеля вас у імя Хрыстовае,
2:11
Сёмуха
каб не зрабіў нам шкоды сатана; бо нам вядомы ягоныя намыслы.
2:12
Сёмуха
Прыйшоўшы ў Трааду для зьвеставаньня пра Хрыста, хоць мне і адчынены дзьверы былі Госпадам,
2:13
Сёмуха
я ня меў спакою духу майму, бо не знайшоў там брата майго Ціта; а разьвітаўшыся зь імі, я пайшоў у Македонію.
2:14
Сёмуха
Але дзякаваць Богу, Які заўсёды дае нам перамогу ў Хрысьце і духмянасьць ведаў пра Сябе пашырае праз нас у кожнай мясьціне.
2:15
Сёмуха
Бо мы Хрыстовая духмянасьць Богу ў тых, што ратуюцца і што гінуць.
2:16
Сёмуха
Адным - водар сьмертаносны на сьмерць, а другім - водар жыўнасны на жыцьцё! І хто здольны на гэта?
2:17
Сёмуха
Мы не прадаём слова Божага, як многія, а прапаведуем шчыра, як ад Бога, перад Богам, у Хрысьце.