여러 번역본으로 본 사도행전 2
Solid Rock
2:1
SRGNT
Καὶ ἐν τῷ συμπληροῦσθαι τὴν ἡμέραν τῆς Πεντηκοστῆς, ἦσαν ⸂ἅπαντες ὁμοθυμαδὸν⸃ ἐπὶ τὸ αὐτό.
2:2
SRGNT
Καὶ ἐγένετο ἄφνω ἐκ τοῦ οὐρανοῦ ἦχος ὥσπερ φερομένης πνοῆς βιαίας, καὶ ἐπλήρωσεν ὅλον τὸν οἶκον οὗ ἦσαν καθήμενοι.
2:3
SRGNT
Καὶ ὤφθησαν αὐτοῖς διαμεριζόμεναι γλῶσσαι ὡσεὶ πυρός, ⸂ἐκάθισέν τε⸃ ἐφ᾽ ἕνα ἕκαστον αὐτῶν.
2:4
SRGNT
Καὶ ἐπλήσθησαν ⸂ἅπαντες⸃ πνεύματος ἁγίου, καὶ ἤρξαντο λαλεῖν ἑτέραις γλώσσαις, καθὼς τὸ πνεῦμα ἐδίδου ⸉αὐτοῖς ἀποφθέγγεσθαι.⸊
2:5
SRGNT
Ἦσαν δὲ ⸂ἐν⸃ Ἱερουσαλὴμ κατοικοῦντες Ἰουδαῖοι, ἄνδρες εὐλαβεῖς, ἀπὸ παντὸς ἔθνους τῶν ὑπὸ τὸν οὐρανόν.
2:6
SRGNT
Γενομένης δὲ τῆς φωνῆς ταύτης, συνῆλθεν τὸ πλῆθος καὶ συνεχύθη, ὅτι ⸂ἤκουον⸃ εἷς ἕκαστος τῇ ἰδίᾳ διαλέκτῳ λαλούντων αὐτῶν.
2:7
SRGNT
Ἐξίσταντο δὲ ⸋πάντες⸌ καὶ ἐθαύμαζον, λέγοντες ⸋πρὸς ἀλλήλους,⸌ ⸂Οὐκ⸃ ἰδοὺ ⸂πάντες⸃ οὗτοί εἰσιν οἱ λαλοῦντες Γαλιλαῖοι;
2:8
SRGNT
Καὶ πῶς ἡμεῖς ἀκούομεν ἕκαστος τῇ ἰδίᾳ διαλέκτῳ ἡμῶν ἐν ᾗ ἐγεννήθημεν;
2:9
SRGNT
Πάρθοι καὶ Μῆδοι καὶ Ἐλαμῖται, καὶ οἱ κατοικοῦντες τὴν Μεσοποταμίαν, Ἰουδαίαν τε καὶ Καππαδοκίαν, Πόντον καὶ τὴν Ἀσίαν,
2:10
SRGNT
Φρυγίαν τε καὶ Παμφυλίαν, Αἴγυπτον καὶ τὰ μέρη τῆς Λιβύης τῆς κατὰ Κυρήνην, καὶ οἱ ἐπιδημοῦντες Ῥωμαῖοι, Ἰουδαῖοί τε καὶ προσήλυτοι,
2:11
SRGNT
Κρῆτες καὶ Ἄραβες, ἀκούομεν λαλούντων αὐτῶν ταῖς ἡμετέραις γλώσσαις τὰ μεγαλεῖα τοῦ θεοῦ.
2:12
SRGNT
Ἐξίσταντο δὲ πάντες καὶ ⸂διηπόρουν,⸃ ἄλλος πρὸς ἄλλον λέγοντες, Τί ⸂ἂν θέλοι⸃ τοῦτο εἶναι;
2:13
SRGNT
Ἕτεροι δὲ ⸂χλευάζοντες⸃ ἔλεγον ὅτι Γλεύκους μεμεστωμένοι εἰσίν.
2:14
SRGNT
Σταθεὶς δὲ ⸆ Πέτρος σὺν τοῖς ἕνδεκα, ἐπῆρεν τὴν φωνὴν αὐτοῦ, καὶ ⸂ἀπεφθέγξατο⸃ αὐτοῖς, Ἄνδρες Ἰουδαῖοι, καὶ οἱ κατοικοῦντες Ἱερουσαλὴμ ⸂ἅπαντες,⸃ τοῦτο ὑμῖν γνωστὸν ἔστω, καὶ ἐνωτίσασθε τὰ ῥήματά μου.
2:15
SRGNT
Οὐ γάρ, ὡς ὑμεῖς ὑπολαμβάνετε, οὗτοι μεθύουσιν· ἔστιν γὰρ ὥρα τρίτη τῆς ἡμέρας·
2:16
SRGNT
ἀλλὰ τοῦτό ἐστιν τὸ εἰρημένον διὰ τοῦ προφήτου Ἰωήλ,
2:17
SRGNT
Καὶ ἔσται ἐν ταῖς ἐσχάταις ἡμέραις, λέγει ὁ θεός, ἐκχεῶ ἀπὸ τοῦ πνεύματός μου ἐπὶ πᾶσαν σάρκα· καὶ προφητεύσουσιν οἱ υἱοὶ ὑμῶν καὶ αἱ θυγατέρες ὑμῶν, καὶ οἱ νεανίσκοι ὑμῶν ὁράσεις ὄψονται, καὶ οἱ πρεσβύτεροι ὑμῶν ⸂ἐνύπνια⸃ ἐνυπνιασθήσονται·
2:18
SRGNT
καί γε ἐπὶ τοὺς δούλους μου καὶ ἐπὶ τὰς δούλας μου ἐν ταῖς ἡμέραις ἐκείναις ἐκχεῶ ἀπὸ τοῦ πνεύματός μου, καὶ προφητεύσουσιν.
2:19
SRGNT
Καὶ δώσω τέρατα ἐν τῷ οὐρανῷ ἄνω, καὶ σημεῖα ἐπὶ τῆς γῆς κάτω, αἷμα καὶ πῦρ καὶ ἀτμίδα καπνοῦ·
2:20
SRGNT
ὁ ἥλιος μεταστραφήσεται εἰς σκότος, καὶ ἡ σελήνη εἰς αἷμα, πρὶν ⸋ἢ⸌ ἐλθεῖν ⸋τὴν⸌ ἡμέραν κυρίου τὴν μεγάλην καὶ ἐπιφανῆ·
2:21
SRGNT
καὶ ἔσται, πᾶς ὃς ⸂ἂν⸃ ἐπικαλέσηται τὸ ὄνομα κυρίου σωθήσεται.
2:22
SRGNT
Ἄνδρες Ἰσραηλῖται, ἀκούσατε τοὺς λόγους τούτους· Ἰησοῦν τὸν Ναζωραῖον, ἄνδρα ⸉ἀπὸ τοῦ θεοῦ ἀποδεδειγμένον⸊ εἰς ὑμᾶς δυνάμεσιν καὶ τέρασιν καὶ σημείοις, οἷς ἐποίησεν δι᾽ αὐτοῦ ὁ θεὸς ἐν μέσῳ ὑμῶν, καθὼς ⸋καὶ⸌ αὐτοὶ οἴδατε,
2:23
SRGNT
τοῦτον τῇ ὡρισμένῃ βουλῇ καὶ προγνώσει τοῦ θεοῦ ἔκδοτον ⸋λαβόντες,⸌ διὰ ⸂χειρῶν⸃ ἀνόμων προσπήξαντες ἀνείλετε·
2:24
SRGNT
ὃν ὁ θεὸς ἀνέστησεν, λύσας τὰς ὠδῖνας τοῦ θανάτου, καθότι οὐκ ἦν δυνατὸν κρατεῖσθαι αὐτὸν ὑπ᾽ αὐτοῦ.
2:25
SRGNT
Δαυὶδ γὰρ λέγει εἰς αὐτόν, Προωρώμην τὸν κύριον ἐνώπιόν μου διὰ παντός· ὅτι ἐκ δεξιῶν μου ἐστίν, ἵνα μὴ σαλευθῶ·
2:26
SRGNT
διὰ τοῦτο εὐφράνθη ⸉ἡ καρδία μου,⸊ καὶ ἠγαλλιάσατο ἡ γλῶσσά μου· ἔτι δὲ καὶ ἡ σάρξ μου κατασκηνώσει ἐπ᾽ ἐλπίδι·
2:27
SRGNT
ὅτι οὐκ ἐγκαταλείψεις τὴν ψυχήν μου εἰς ⸂ᾍδου,⸃ οὐδὲ δώσεις τὸν ὅσιόν σου ἰδεῖν διαφθοράν.
2:28
SRGNT
Ἐγνώρισάς μοι ὁδοὺς ζωῆς· πληρώσεις με εὐφροσύνης μετὰ τοῦ προσώπου σου.
2:29
SRGNT
Ἄνδρες ἀδελφοί, ἐξὸν εἰπεῖν μετὰ παρρησίας πρὸς ὑμᾶς περὶ τοῦ πατριάρχου Δαυίδ, ὅτι καὶ ἐτελεύτησεν καὶ ἐτάφη, καὶ τὸ μνῆμα αὐτοῦ ἐστιν ἐν ἡμῖν ἄχρι τῆς ἡμέρας ταύτης.
2:30
SRGNT
Προφήτης οὖν ὑπάρχων, καὶ εἰδὼς ὅτι ὅρκῳ ὤμοσεν αὐτῷ ὁ θεός, ἐκ καρποῦ τῆς ὀσφύος αὐτοῦ ⸋τὸ κατὰ σάρκα ἀναστήσειν τὸν χριστόν,⸌ καθίσαι ἐπὶ ⸂τοῦ θρόνου⸃ αὐτοῦ,
2:31
SRGNT
προϊδὼν ἐλάλησεν περὶ τῆς ἀναστάσεως τοῦ χριστοῦ, ὅτι ⸂οὐ ⸂κατελείφθη⸃ ⸋ἡ ψυχὴ αὐτοῦ⸌ εἰς ⸂ᾍδου,⸃ οὐδὲ⸃ ἡ σὰρξ αὐτοῦ εἶδεν διαφθοράν.
2:32
SRGNT
Τοῦτον τὸν Ἰησοῦν ἀνέστησεν ὁ θεός, οὗ πάντες ἡμεῖς ἐσμεν μάρτυρες.
2:33
SRGNT
Τῇ δεξιᾷ οὖν τοῦ θεοῦ ὑψωθείς, τήν τε ἐπαγγελίαν ⸂τοῦ ἁγίου πνεύματος⸃ λαβὼν παρὰ τοῦ πατρός, ἐξέχεεν τοῦτο ὃ ⸋νῦν⸌ ὑμεῖς ⸆ βλέπετε καὶ ἀκούετε.
2:34
SRGNT
Οὐ γὰρ Δαυὶδ ἀνέβη εἰς τοὺς οὐρανούς, λέγει δὲ αὐτός, Εἶπεν ⸋ὁ⸌ κύριος τῷ κυρίῳ μου, Κάθου ἐκ δεξιῶν μου,
2:35
SRGNT
ἕως ἂν θῶ τοὺς ἐχθρούς σου ὑποπόδιον τῶν ποδῶν σου.
2:36
SRGNT
Ἀσφαλῶς οὖν γινωσκέτω πᾶς οἶκος Ἰσραήλ, ὅτι καὶ κύριον ⸉καὶ χριστὸν αὐτὸν⸊ ⸉ὁ θεὸς ἐποίησεν,⸊ τοῦτον τὸν Ἰησοῦν ὃν ὑμεῖς ἐσταυρώσατε.
2:37
SRGNT
Ἀκούσαντες δὲ κατενύγησαν ⸂τῇ καρδίᾳ,⸃ εἶπόν τε πρὸς τὸν Πέτρον καὶ τοὺς λοιποὺς ἀποστόλους, Τί ⸂ποιήσομεν,⸃ ἄνδρες ἀδελφοί;
2:38
SRGNT
⸂Πέτρος δὲ ἔφη πρὸς αὐτούς, Μετανοήσατε,⸃ καὶ βαπτισθήτω ἕκαστος ὑμῶν ⸂ἐπὶ⸃ τῷ ὀνόματι Ἰησοῦ χριστοῦ εἰς ἄφεσιν ⸆ ἁμαρτιῶν, ⸆ καὶ λήψεσθε τὴν δωρεὰν τοῦ ἁγίου πνεύματος.
2:39
SRGNT
Ὑμῖν γάρ ἐστιν ἡ ἐπαγγελία, καὶ τοῖς τέκνοις ὑμῶν, καὶ πᾶσιν τοῖς εἰς μακράν, ὅσους ἂν προσκαλέσηται κύριος ὁ θεὸς ἡμῶν.
2:40
SRGNT
Ἑτέροις τε λόγοις πλείοσιν διεμαρτύρετο καὶ παρεκάλει ⸆ λέγων, Σώθητε ἀπὸ τῆς γενεᾶς τῆς σκολιᾶς ταύτης.
2:41
SRGNT
Οἱ μὲν οὖν ⸋ἀσμένως⸌ ἀποδεξάμενοι τὸν λόγον αὐτοῦ ἐβαπτίσθησαν· καὶ προσετέθησαν ⸆ τῇ ἡμέρᾳ ἐκείνῃ ψυχαὶ ὡσεὶ τρισχίλιαι.
2:42
SRGNT
Ἦσαν δὲ προσκαρτεροῦντες τῇ διδαχῇ τῶν ἀποστόλων καὶ τῇ κοινωνίᾳ, ⸋καὶ⸌ τῇ κλάσει τοῦ ἄρτου καὶ ταῖς προσευχαῖς.
2:43
SRGNT
⸂Ἐγένετο⸃ δὲ πάσῃ ψυχῇ φόβος, πολλά ⸂τε⸃ τέρατα καὶ σημεῖα διὰ τῶν ἀποστόλων ἐγίνετο.
2:44
SRGNT
Πάντες δὲ οἱ ⸂πιστεύοντες ἦσαν ἐπὶ τὸ αὐτό, καὶ⸃ εἶχον ἅπαντα κοινά,
2:45
SRGNT
καὶ τὰ κτήματα καὶ τὰς ὑπάρξεις ἐπίπρασκον, καὶ διεμέριζον αὐτὰ πᾶσιν, καθότι ἄν τις χρείαν εἶχεν.
2:46
SRGNT
Καθ᾽ ἡμέραν τε προσκαρτεροῦντες ὁμοθυμαδὸν ἐν τῷ ἱερῷ, κλῶντές τε κατ᾽ οἶκον ἄρτον, μετελάμβανον τροφῆς ἐν ἀγαλλιάσει καὶ ἀφελότητι καρδίας,
2:47
SRGNT
αἰνοῦντες τὸν θεόν, καὶ ἔχοντες χάριν πρὸς ὅλον τὸν λαόν. Ὁ δὲ κύριος προσετίθει τοὺς σῳζομένους καθ᾽ ἡμέραν ⸂τῇ ἐκκλησίᾳ.