여러 번역본으로 본 마태복음 9
Пераклад Сёмухі
9:1
Сёмуха
І Ён, увайшоўшы ў лодку, пераплыў у Свой горад.
9:2
Сёмуха
І вось, прынесьлі да Яго паралізаванага, пакладзенага на пасьцелі. І ўбачыўшы веру іхнюю, Ісус сказаў паралізаванаму: мацуйся, сыне! даруюцца табе грахі.
9:3
Сёмуха
І вось, некаторыя кніжнікі сказалі самі сабе: Ён блюзьнерыць.
9:4
Сёмуха
А Ісус, ведаючы помыслы іхнія, сказаў: навошта вы намышляеце ліхое ў сэрцах вашых?
9:5
Сёмуха
бо што лягчэй сказаць: «даруюцца табе грахі», альбо сказаць: «устань і хадзі»?
9:6
Сёмуха
Але каб вы ведалі, што Сын Чалавечы мае ўладу на зямлі дараваць грахі, - тады кажа паралізаванаму: устань, вазьмі пасьцель тваю і ідзі дахаты.
9:7
Сёмуха
І той устаў, узяў пасьцель сваю, і пайшоў дахаты.
9:8
Сёмуха
А людзі, убачыўшы гэта, дзіву даліся і праславілі Бога, Які даў такую ўладу людзям.
9:9
Сёмуха
Праходзячы адтуль, убачыў Ісус чалавека, што сядзеў на мытні, якога звалі Мацьвей, і кажа яму: ідзі за Мною. І ўстаў той і пайшоў за Ім.
9:10
Сёмуха
І сталася, калі Ісус узьляжаў у доме, вось, многія мытнікі і грэшнікі прыйшлі і ўзьлеглі зь Ім і вучнямі Ягонымі.
9:11
Сёмуха
І ўбачыўшы гэта, фарысэі сказалі вучням Ягоным: навошта Настаўнік ваш есьць і п'е з мытнікамі і грэшнікамі?
9:12
Сёмуха
А Ісус, пачуўшы гэта, сказаў ім: не здаровыя маюць патрэбу ў лекары, а хворыя;
9:13
Сёмуха
ідзеце, навучэцеся, што азначае: «міласьці хачу, а не ахвяры», бо Я прыйшоў заклікаць не праведнікаў, а грэшнікаў да пакаяньня.
9:14
Сёмуха
Тады прыходзяць да Яго вучні Янавыя і кажуць: чаму мы і фарысэі посьцім многа, а Твае вучні ня посьцяцца?
9:15
Сёмуха
І сказаў ім Ісус: ці могуць засмучацца сыны харомаў шлюбных, пакуль зь імі малады? Але прыйдуць дні, калі адымецца ў іх малады, і тады будуць пасьціцца.
9:16
Сёмуха
І ніхто не прышывае латкі зь нябеленага палатна да старой адзежыны; бо зноў прышытае аддзярэцца ад старога, і дзірка будзе яшчэ горшая.
9:17
Сёмуха
Ня ўліваюць таксама віна маладога ў мяхі старыя; а інакш дзяруцца мяхі, а віно маладое ўліваюць у новыя мяхі, і зьберагаецца і тое і другое.
9:18
Сёмуха
Калі Ён ім гэта казаў, вось, прыйшоў нейкі начальнік і, кланяючыся Яму, казаў: дачка мая толькі што памерла; але прыйдзі, ускладзі на яе руку Тваю, і яна будзе жыць.
9:19
Сёмуха
І ўстаўшы, Ісус пайшоў за ім, і вучні Ягоныя.
9:20
Сёмуха
І вось, жанчына, якая дванаццаць гадоў пакутавала ад крывацечы, падышоўшы ззаду, кранулася краю вопраткі Ягонай,
9:21
Сёмуха
бо яна казала сама сабе: калі толькі дакрануся да вопраткі Ягонай, выздаравею.
9:22
Сёмуха
А Ісус, абярнуўшыся і ўбачыўшы яе, сказаў: мацуйся, дачка! вера твая ўратавала цябе. І выздаравела жанчына з таго часу.
9:23
Сёмуха
А як прыйшоў Ісус у начальнікаў дом і ўбачыў жалейнікаў і зьбянтэжаны люд,
9:24
Сёмуха
сказаў ім: выйдзіце; бо не памерла дзяўчына, а сьпіць. І насьміхаліся зь Яго.
9:25
Сёмуха
Калі ж людзі былі высланы, Ён, увайшоўшы, узяў яе за руку, і дзяўчына ўстала.
9:26
Сёмуха
І разьнеслася вестка пра гэта па ўсёй зямлі той.
9:27
Сёмуха
І калі ішоў адтуль Ісус, ішлі за Ім двое сьляпых і крычалі: памілуй нас, Ісусе, Сыне Давідаў!
9:28
Сёмуха
І калі Ён прыйшоў у дом, прыступілі да Яго сьляпыя. І кажа ім Ісус: ці верыце, што Я магу зрабіць гэта? Яны кажуць Яму: так, Госпадзе!
9:29
Сёмуха
Тады Ён крануўся вачэй іхніх і сказаў: па веры вашай хай будзе вам.
9:30
Сёмуха
І адкрыліся вочы ў іх; і строга наказаў ім Ісус: глядзеце, каб ніхто не даведаўся.
9:31
Сёмуха
А яны, выйшаўшы, расказалі пра Яго па ўсёй зямлі той.
9:32
Сёмуха
Калі ж тыя выходзілі, вось, прывялі да Яго чалавека нямога, апанаванага дэманам.
9:33
Сёмуха
І калі дэман быў выгнаны, нямы пачаў гаварыць. І люд, дзіву даючыся, казаў: ніколі ня было такога явішча ў Ізраілі.
9:34
Сёмуха
А фарысэі казалі: сілаю князя дэманскага выганяе Ён дэманаў.
9:35
Сёмуха
І хадзіў Ісус па ўсіх гарадах і па селішчах, вучачы ў сынагогах іхніх, прапаведуючы Дабравесьце Царства і ацаляючы ўсякую хваробу і ўсякую немач у людзях.
9:36
Сёмуха
Бачачы людзей, Ён умілажаліўся зь іх, бо яны былі зьнясіленыя і пакінутыя, як авечкі без пастуха.
9:37
Сёмуха
Тады кажа вучням Сваім: жніва многа, ды работнікаў мала;
9:38
Сёмуха
дык прасеце Гаспадара жніва, каб паслаў работнікаў на жніво Сваё.