여러 번역본으로 본 잠언 5
Пераклад Сёмухі
5:1
Сёмуха
Сыне мой! слухай мудрасьці маёй і нахілі вуха тваё да навукі маёй,
5:2
Сёмуха
каб датрымацца добрае рады і каб вусны твае хвалілі спазнанае.
5:3
Сёмуха
Бо мёд цячэ з вуснаў чужое жонкі, і мякчэйшая за алей гаворка ў яе;
5:4
Сёмуха
але весьнік яе горкі, нібы палын, востры, як меч двусечны,
5:5
Сёмуха
ногі яе сыходзяць да сьмерці, ступакі яе дастаюць да апраметнай.
5:6
Сёмуха
Каб ты не спасьцігнуў сьцежкі жыцьця яе, дарогі яе нясталыя, і ты ня зьведаеш іх.
5:7
Сёмуха
Дык вось, дзеці, паслухайце мяне і не адступайцеся ад словаў вуснаў маіх.
5:8
Сёмуха
Далей ад яе ідзі па дарозе тваёй і не падыходзь пад дзьверы дома яе,
5:9
Сёмуха
каб здароўя твайго не аддаў іншым і гадоў тваіх бязьлітасьніку;
5:10
Сёмуха
каб не насычаліся сілаю тваёю чужынцы і праца твая ня ішла ў чужы дом.
5:11
Сёмуха
І ты ўрэшце будзеш стагнаць, калі плоць твая і цела зьнямогуцца,
5:12
Сёмуха
і скажаш: «навошта я ненавідзеў навуку, і сэрца маё асьцярогамі пагарджала,
5:13
Сёмуха
і я ня слухаў голасу настаўнікаў маіх, не нахіляў вуха майго да настаўнікаў?
5:14
Сёмуха
Ледзь ня ўпаў я ў вялікае ліха сярод сходу і грамады!»
5:15
Сёмуха
Пі ваду з тваёй крыніцы, тую, якая цячэ з тваёй студні.
5:16
Сёмуха
Хай не разьліваюцца крыніцы твае па вуліцы, патокі водаў - па плошчах;
5:17
Сёмуха
хай яны будуць належаць табе самому, а ня чужым з табою.
5:18
Сёмуха
Крыніца твая хай дабраславёная будзе; і радуйся з жанчынай тваёй маладосьці,
5:19
Сёмуха
любаснаю касуляю і прыгожаю сарнаю; грудзі яе хай упояць цябе ў кожны час; каханьнем яе цешся заўсёды.
5:20
Сёмуха
І навошта табе, сыне мой, захапляцца распусьніцаю і абдымаць грудзі чужое?
5:21
Сёмуха
Бо перад вачыма Госпада ўсе шляхі чалавека, і Ён прастуе ўсе сьцежкі яго.
5:22
Сёмуха
Беззаконнага ловяць уласныя беззаконьні яго, і путамі грэху свайго ён павязаны.
5:23
Сёмуха
Ён памірацьме без настаўленьня і ў вялікай сваёй неразумнасьці наблукаецца.