여러 번역본으로 본 잠언 6
Ang Pulong sa Dios
6:1
APD
Anak, kon moako ka nga mobayad sa utang sa ubang tawo,
6:2
APD
masulod ka sa kompromiso, ug manubag ka ngadto sa imong gisaaran.
6:3
APD
Apan mao kini ang himoa aron makalingkawas ka sa imong obligasyon: Adtoa ang imong gisaaran ug pagpakiluoy nga ipalingkawas ka niya sa maong obligasyon.
6:4
APD
Ayaw gayod tulog-tulogi o unya-unyaa
6:5
APD
hangtod nga makalingkawas ka niini, nga daw sa usa o sa langgam nga nakaikyas gikan sa mangangayam.
6:6
APD
Kamong mga tapolan, obserbahi ug kat-oni ang pagkinabuhi sa mga lamigas, aron magmaalamon kamo.
6:7
APD
Bisan walay pangulo o tigdumala nga nagsugo kanila,
6:8
APD
nagtigom silag pagkaon sa panahon sa ting-init ug ting-ani, aron aduna silay pagkaon sa ting-ulan.
6:9
APD
Kamong mga tapolan, magsige ra ba gayod mo ug katulog? Kanus-a man mo magmata?
6:10
APD
Sige ramog tulog-tulog, hayang-hayang, ug panguyogpos,
6:11
APD
unya sa kalit lang moabot kaninyo ang kawad-on nga daw sa armadong tulisan.
6:12
APD
Ang mga walay pulos ug daotang mga tawo manugilon ug bakak.
6:13
APD
Pinaagi sa ilang kidhat-kidhat ug sinyas-sinyas sa ilang mga kamot ug tiil manglimbong sila sa uban.
6:14
APD
Sa ilang pagka-mangingilad, kanunay silang nagplano sa paghimo ug daotan, ug tigpasiugda silag kagubot.
6:15
APD
Busa sa kalit lang laglagon sila, ug wala gayoy makatabang kanila.
6:16
APD
Adunay pito ka matang sa tawo nga gikapungtan ug gikangil-aran sa Ginoo:
6:17
APD
ang mga hambogiro, ang mga bakakon, ang mga gapatay ug tawo,
6:18
APD
ang mga nagplanog daotan, ang mga abtik mohimog daotan,
6:19
APD
ang mga nagsaksi ug bakak, ug ang mga nagpaaway sa iyang isigka-tawo.
6:20
APD
Anak, sunda ang mga sugo ug gipanudlo sa imong ginikanan.
6:21
APD
Itanom kini sa imong huna-huna aron dili mo gayod malimtan.
6:22
APD
Maggiya kini, magtipig, ug magpahinumdom kanimo sa bisan unsay imong buhaton.
6:23
APD
Kay ang ilang mga sugo sama sa suga nga mohatag kanimog kahayag. Ug ang pagbadlong ug pagtul-id nila sa imong pamatasan makaayo ug makapataas sa imong kinabuhi.
6:24
APD
Ilikay ka usab niini gikan sa babayeng daotan nga makadaning manulti.
6:25
APD
Ayaw pagpatintal sa iyang katahom. Ayaw pagpadala sa iyang mga kidhat.
6:26
APD
Ang pagpakighilawas sa babayeng nagbaligya sa iyang dungog mabayran rag pilak, apan ang pagpakighilawas sa asawa sa uban bayran mo sa imong kinabuhi.
6:27
APD
Kon ipaduol mo ang kalayo sa imong dughan masunog ang imong bisti.
6:28
APD
Kon maglakaw ka sa baga mapaso ang imong tiil.
6:29
APD
Mao kana nga kon makighilawas ka sa asawa sa uban, silotan ka!
6:30
APD
Mahimong palabyon ang gihimo sa kawatan nga nangawat tungod kay gigutom siya,
6:31
APD
apan kon madakpan siya, pabayron siyag pito ka pilo sa kantidad nga iyang gikawat, bisan pag mahurot ang tanan niyang butang.
6:32
APD
Ang tawong nakigrelasyon sa asawa sa uban walay hustong panabot. Gidaot lang niya ang iyang kaugalingon.
6:33
APD
Sakiton siya ug maulawan hangtod sa kahangtoran.
6:34
APD
Ang bana nga nangabugho masuko pag-ayo, ug mobalos siya nga walay kaluoy.
6:35
APD
Dili siya modawat ug bayad, bisan pag unsa kini kadako.