여러 번역본으로 본 로마서 2
Пераклад Бокуна
2:1
Бокун
Дзеля гэтага няма апраўданьня табе, кожны чалавек, які судзіш; бо ў чым ты судзіш іншага, асуджаеш сябе, бо робіш тое самае, судзячы.
2:2
Бокун
А мы ведаем, што суд Божы ёсьць паводле праўды адносна тых, што гэткае ўчыняюць.
2:3
Бокун
Няўжо ж ты думаеш, чалавек, які судзіш тых, што гэткае ўчыняюць, і сам робіш тое самае, што ўцячэш ад суду Божага?
2:4
Бокун
Або багацьцем ласкавасьці Ягонай, і цярплівасьці, і доўгацярплівасьці пагарджаеш, ня ведаючы, што добрасьць Божая вядзе цябе да навяртаньня?
2:5
Бокун
Але праз упартасьць тваю і ненавернутае сэрца ты зьбіраеш сабе гнеў на дзень гневу і адкрыцьця праведнага суду Божага,
2:6
Бокун
Які аддасьць кожнаму паводле ўчынкаў ягоных:
2:7
Бокун
тым, якія цярплівасьцю ў добрай справе шукаюць славы, пашаны і незьнішчальнасьці, — жыцьцё вечнае,
2:8
Бокун
а тым, што спрачаюцца і не скараюцца праўдзе, але скараюцца няправеднасьці, — ярасьць і гнеў.
2:9
Бокун
Прыгнёт і ўціск кожнай душы чалавека, які робіць ліхое, перш Юдэя, і Грэка!
2:10
Бокун
Слава, і пашана, і супакой усякаму, хто робіць добрае, перш Юдэю, і Грэку!
2:11
Бокун
Бо няма ў Бога ўзіраньня на аблічча.
2:12
Бокун
Бо тыя, якія без Закону зграшылі, без Закону і загінуць, а тыя, якія ў Законе зграшылі, праз Закон будуць асуджаныя.
2:13
Бокун
Бо не слухачы Закону праведныя перад Богам, але выканаўцы Закону будуць апраўданыя.
2:14
Бокун
Бо калі пагане, якія ня маюць Закону, паводле прыроды робяць паводле Закону, яны, ня маючы Закону, самі сабе Закон.
2:15
Бокун
Яны зьяўляюць справы Закону, якія напісаныя ў сэрцах іхніх, пра што сьведчыць сумленьне іхняе і думкі іхнія, якія то абвінавачваюць, то апраўдваюць адна адну,
2:16
Бокун
у дзень, калі Бог будзе судзіць тайныя [ўчынкі] людзей, паводле Эвангельля майго, праз Ісуса Хрыста.
2:17
Бокун
Вось, ты завешся Юдэем, і супакойваеш сябе Законам, і хвалішся Богам,
2:18
Бокун
і ведаеш волю [Ягоную], і выпрабоўваеш, што лепшае, будучы навучаным у Законе.
2:19
Бокун
І ты перакананы пра сябе, што ты — павадыр сьляпых, сьвятло тых, што ў цемры,
2:20
Бокун
выхавацель неразумных, настаўнік немаўлят, які мае ў Законе выгляд веданьня і праўды.
2:21
Бокун
Дык ты, вучачы другога, ня вучыш сябе самога.
2:22
Бокун
Абвяшчаючы ня красьці, крадзеш; кажучы не чужаложыць, чужаложыш, брыдзячыся ідаламі, чыніш сьвятакрадзтва.
2:23
Бокун
Ты, які хвалішся Законам, праз парушэньне Закону Бога зьневажаеш.
2:24
Бокун
Бо праз вас на імя Божае блюзьніцца ў паганаў, як напісана.
2:25
Бокун
Бо абразаньне карыснае, калі выконваеш Закон; а калі ты парушальнік Закону, абразаньне тваё сталася неабразаньнем.
2:26
Бокун
Дык калі неабрэзаны захоўвае пастановы Закону, ці не залічыцца яму ягонае неабразаньне за абразаньне?
2:27
Бокун
I неабрэзаны паводле прыроды, які спаўняе Закон, будзе судзіць цябе, парушальніка Закону, які з літарай і абразаньнем.
2:28
Бокун
Бо ня той Юдэй, хто гэтакі яўна, і ня тое абразаньне, якое яўнае на целе,
2:29
Бокун
але хто ва ўтоенасьці Юдэй, і [ў якога] абразаньне сэрца Духам, а ня літарай, такому пахвала не ад людзей, але ад Бога.