Пс Псалтыр, псалом Псалтыр, псалом 29
Услаўлю Цябе, Госпадзе, што Ты падняў мяне і ня даў маім ворагам перамагчы мяне.Пс 34:19
Госпадзе Божа мой! я паклікаў Цябе, і Ты мяне вылечыў.Дрз 32:39
Госпадзе! Ты вывеў зь пекла душу маю і ажывіў мяне, каб я ня сышоў у магілу.1Цар 2:6; Пс 85:13
Сьпявайце Госпаду, сьвятыя Ягоныя, слаўце памяць сьвятыні Ягонай,Пс 96:12
бо на хвіліну гнеў Ягоны, на ўсё жыцьцё ўпадабаньне Ягонае: увечары пачынаецца плач, а на раніцу - радасьць.Іс 54:8
І я казаў у дабрадзействе маім: «не пахіснуся вавек».Ёў 29:18
Па ўпадабаньні Тваім, Госпадзе, Ты ўмацаваў гару маю; але Ты схаваў аблічча Тваё, і я сумеўся:
Тады Цябе, Госпадзе, я клікаў, і Госпада майго я маліў:
«якая карысьць у крыві маёй, калі я сыду ў магілу? ці ж будзе тло маё Цябе славіць? ці будзе ўзьвяшчаць Тваю праўду?Пс 6:6; Іс 38:18
пачуй, Госпадзе, і памілуй мяне, Госпадзе! будзь мне памочнікам».
І Ты скаргі мае абярнуў у радасьць, вярэту маю зьняў зь мяне і аперазаў мяне весялосьцю,
хай славіць Цябе душа мая і хай не змаўкае. Госпадзе Божа мой! буду славіць Цябе вечна.Пс 15:9