Мц Мацвея, раздзел Паводле Мацвея Святое Дабравесце, раздзел 23
Тады Ісус прамовіў да люду і вучняў Сваіх,
кажучы: на Майсеевым пасадзе селі кніжнікі і фарысэі;
дык вось, усё, што яны кажуць вам захоўваць, рабеце і захоўвайце; а паводле ўчынкаў іхніх не рабеце, бо яны гавораць, і ня робяць:
зьвязваюць цяжары важкія і непасільныя і ўскладаюць на плечы людзям, а самі ня хочуць і пальцам зрушыць іх;Лк 11:46; Дзеі 15:10
а ўсе справы свае робяць дзеля таго, каб бачылі іх людзі; пашыраюць філактэрыі свае ды павялічваюць кутасы на адзеньні сваім;Лік 15:38; Дрз 22:12
а таксама любяць узьляжаць наперадзе на гасьцінах, і наперадзе сядзець у сынагогах,Мк 12:39; Лк 11:43; Лк 20:46
і вітаньні на плошчах, і каб людзі клікалі іх: «Настаўнік! настаўнік!»
А вы не называйцеся настаўнікамі, бо адзін у вас Настаўнік - Хрыстос, а ўсе вы - браты;Як 3:1; 1Кар 3:4
і айцом сабе не называйце нікога на зямлі, бо адзін у вас Айцец, Які на нябёсах;Мал 1:6
і не называйцеся правадырамі, бо адзін у вас Правадыр - Хрыстос.
Большы з вас хай будзе вам слуга:
бо хто ўзвышае сябе, той паніжаны будзе; а хто паніжае сябе, той узвысіцца.Лк 14:11
Гора вам, кніжнікі і фарысэі, крывадушнікі, што зачыняеце Царства Нябеснае перад людзьмі; бо самі не ўваходзіце, і тых, што ўваходзяць, ня пускаеце ўвайсьці.Езк 22:26; Лк 11:52
Гора вам, кніжнікі і фарысэі, крывадушнікі, што паядаеце дамы ўдоваў і напаказ доўга моліцеся: за тое прымеце тым большую асуду.Мк 12:40; Лк 20:47
Гора вам, кніжнікі і фарысэі, крывадушнікі, што праходзіце мора і сушу, каб прыдбаць хоць аднаго нававерца; і калі гэта здараецца, робіце яго сынам геены, двойчы горшым за вас.
Гора вам, павадыры сьляпыя, што кажаце: «калі хто прысягне храмам, дык нічога; а калі прысягне золатам храма, дык вінаваты».
Неразумныя і сьляпыя! што большае: золата, ці храм, які асьвячае золата?
і: «калі хто прысягне ахвярнікам, дык нічога; а калі прысягне дарам, які на ім, дык вінаваты».
Неразумныя і сьляпыя! што большае: дар, ці ахвярнік, які асьвячае дар?Вых 29:37
Дык вось, хто прысягне ахвярнікам, прысягае ім і ўсім, што на ім;
і той, што прысягае храмам, прысягае ім і Тым, Хто жыве ў ім;2Пар 6:2; Пс 25:8
і той, хто прысягае небам, прысягае тронам Божым і Тым, Хто сядзіць на ім.
Гора вам, кніжнікі і фарысэі, крывадушнікі, што даяце дзесяціну зь мяты, анісу і кмену, і адкінулі важнейшае ў законе: суд, міласьць і веру; гэта трэба было рабіць, і таго не пакідаць.Ас 6:6; Міх 6:8; Мц 12:7; Лк 11:42
Павадыры сьляпыя, што адцэджваеце камара, а вярблюда праглынаеце!
Гора вам, кніжнікі і фарысэі, крывадушнікі, што ачышчаеце зьнешнасьць кубка і місы, а ўсярэдзіне яны поўныя пахапнасьці і няпраўды.
Фарысэй сьляпы! ачысьці сьпярша сярэдзіну кубка і місы, каб чыстая была і зьнешнасьць іхняя.
Гора вам, кніжнікі і фарысэі, крывадушнікі, што прыпадабняецеся да павапленых магіл, якія звонку здаюцца прыгожымі, а ўсярэдзіне поўныя касьцей мёртвых і ўсякага бруду;Лк 11:44; Дзеі 23:3
так і вы зьнешне здаяцеся людзям праведнымі, а ўсярэдзіне поўныя крывадушнасьці і беззаконьня.
Гора вам, кніжнікі і фарысэі, крывадушнікі, што будуеце магільніцы прарокам і ўпрыгожваеце помнікі праведнікам,
і кажаце: «калі б мы былі ў дні бацькоў нашых, дык ня былі б саўдзельнікамі іхнімі ў праліваньні крыві прарокаў»;
тым самым вы самі сьведчыце супроць сябе, што вы сыны тых, якія забілі прарокаў;
дапаўняйце ж меру бацькоў вашых.
Зьмеі, выродзьдзе яхідніна! як унікнеце вы асуджэньня ў геену?Мц 3:7
Таму, вось, Я пасылаю да вас прарокаў, і мудрых, і кніжнікаў; і некаторых зь іх вы заб'яце і ўкрыжуеце, а некаторых будзеце біць у сынагогах вашых і гнаць з горада ў горад;2Пар 36:15; Лк 11:49
каб апала на вас уся кроў праведная, пралітая на зямлі, ад крыві Авеля праведнага да крыві Захарыі, сына Варахіевага, якога вы забілі паміж храмам і ахвярнікам.Быц 4:8; 2Пар 24:21; Лк 11:51; 1Ян 3:12
Праўду кажу вам: усё гэта ападзе на род гэты.
Ерусаліме, Ерусаліме, што забіваеш прарокаў і каменьнем пабіваеш пасланых да цябе! колькі разоў хацеў Я сабраць дзяцей тваіх, як птушка зьбірае птушанят сваіх пад крылы, і вы не схацелі!Дрз 32:11; Лк 13:34
Вось, застаецца вам дом ваш пусты.Лк 13:35
Бо кажу вам: ня ўбачыце Мяне ад сёньня, пакуль ня ўсклікнеце: «дабраславёны Той, Хто ідзе ў імя Гасподняе!».Пс 117:26; Мц 21:9