Псалтирь 39 в разных переводах
Пераклад Бокуна
39:1
Бокун
Кіраўніку хору. Едутуну. Псальм Давіда.
39:2
Бокун
Я сказаў: «Буду захоўваць шлях мой, каб не саграшыць языком маім! Буду захоўваць вусны мае вуздою, пакуль бязбожнік перада мною».
39:3
Бокун
Я зьнямеў у маўчаньні; маўчаў пра добрае, але боль мой нішчыў [мяне].
39:4
Бокун
Распалілася сэрца маё ў нутры маім; ва ўздыханьні маім запалаў агонь, і я прамовіў языком маім.
39:5
Бокун
Дай мне ведаць, ГОСПАДЗЕ, канец мой і меру дзён маіх, якая яна. Дай мне ведаць, які я нетрывалы!
39:6
Бокун
Вось, на [некалькі] пядзяў Ты даў дні мае, і век мой — як нішто перад Табою! Толькі ўсякай марнасьцю ёсьць кожны чалавек, [нават] у сіле. (Сэлях)
39:7
Бокун
Толькі як здань ходзіць чалавек, [і ёсьць] толькі марнасьцю; ён трывожыцца, прагавіта зьбірае і ня ведае, хто забярэ гэта.
39:8
Бокун
І цяпер, на што [яшчэ] я спадзяюся, Госпадзе? Надзея мая ў Табе!
39:9
Бокун
Ад усіх правінаў маіх выратуй мяне; на ганьбаваньне ад бязглуздых ня стаў мяне.
39:10
Бокун
Я зьнямеў, не адчыняю вуснаў маіх, бо Ты зрабіў гэта.
39:11
Бокун
Забяры ад мяне караньне Тваё, ад удараў рукі Тваёй я зьнікаю.
39:12
Бокун
Дакараньнем за беззаконьне Ты караеш чалавека і нявечыш, як ад молі, прагненьні ягоныя. Толькі марнасьцю ёсьць кожны чалавек! (Сэлях)
39:13
Бокун
Пачуй малітву маю, ГОСПАДЗЕ, і прыхілі вуха да ляманту майго! Не маўчы на сьлёзы мае, бо я прыхадзень у Цябе і пасяленец, як і ўсе бацькі мае.
39:14
Бокун
Не ўглядайся на мяне, каб я павесялеў перад тым, як зыйду, і ня будзе мяне!