1Пётр 1 Пятра, раздзел Першае пасланне Пятра, раздзел 5
Старостаў, якія сярод вас, прашу я, сустаршыня і сьведка пакутаў Хрыстовых і супольнік славы, якая мае адкрыцца:Дзеі 1:8; Рым 8:17
пасьвіце Божы статак, які ў вас, гледзячы за ім не пад прынукаю, але дабраахвотна, і ня дзеля прыбыткаў, але з ахвотаю,Дзеі 20:28
і не пануючы над спадчынай, але даючы прыклад статку,Мк 10:44
і калі зьявіцца Найвышэйшы Пастыр, атрымаеце вянок славы, які ня счэзьне.1Пётр 2:25; 1Кар 9:25
Таксама і вы, маладыя, падпарадкоўвайцеся старостам, а ўсе, падпарадкоўваючыся адзін аднаму, апраніцеся ў пакорнасьць, бо Бог пыхлівым працівіцца, а пакорным ласку дае.Як 4:6; Эф 5:21; Флп 2:3
Дык скарыцеся пад уладную руку Божую, каб Ён узьвялічыў вас у свой час.Як 4:10
Усе турботы свае ўскладайце на Яго, бо Ён клапоціцца пра вас.Пс 55:23; Мц 6:32; Лк 12:30
Будзьце цьвярозымі, чувайце, бо супраціўнік ваш, д’ябал, як леў рыклівы, ходзіць, шукаючы, каго праглынуць.Ёў 1:7; Ёў 2:2; Лк 22:31
Супрацьстаньце яму цьвёрдай вераю, ведаючы, што такія самыя пакуты здараюцца з братамі вашымі ў сьвеце.Дзеі 14:22
А Бог усякае ласкі, Які паклікаў нас, што крыху цярпелі, у вечную славу Сваю ў Хрысьце Ісусе, няхай Сам удасканаліць вас, няхай умацуе, няхай узмоцніць, няхай угрунтуе.2Кар 4:17
Яму слава і ўлада на вякі вякоў. Амэн.
Гэта коратка напісаў я вам праз Сілуана, вернага, як лічу, брата, каб суцешыць і засьведчыць, што праўдзівая ласка Божая, у якой вы стаіцё.
Вітае вас [царква], што ў Бабілоне, выбраная разам з вамі, і Марк, мой сын.
Прывітайце адзін аднаго пацалункам любові. Супакой вам усім, якія ў Хрысьце Ісусе. Амэн.Рым 16:16; 1Кар 16:20; 2Кар 13:12