1Фес 1 Фесаланікійцам, раздзел Першае пасланне да Фесаланікійцаў, раздзел 4
Нарэшце, браты, просім вас і молім праз Госпада Ісуса, каб тое, што вы прынялі ад нас, як мусіце вы хадзіць і падабацца Богу, яшчэ больш у вас памнажалася,Флп 1:27
бо вы ведаеце, якія мы далі вам загады ад Госпада Ісуса.
Бо гэта ёсьць воля Божая — сьвятасьць вашая, каб вы высьцерагаліся распусты,Рым 6:22; Рым 12:2
каб кожны з вас умеў захоўваць сваё начыньне ў сьвятасьці і годнасьці,1Кар 6:18
а ня ў жарсьцях пажадлівасьці, як пагане, што ня ведаюць Бога;
каб не вывышаліся і не ашуквалі ў справах брата свайго, таму што Госпад — мсьціўца за ўсё гэтае, як і раней мы гаварылі вам і сьведчылі.1Цім 6:10
Бо паклікаў нас Бог не да нячыстасьці, але да сьвятасьці.1Кар 1:2; Эф 1:4
Дык хто гэта адкідае, той адкідае не чалавека, але Бога, Які Духа Свайго Сьвятога нам даў.Лк 10:16; 1Кар 2:10
Адносна братняй любові няма патрэбы пісаць да вас, бо вы самі навучаны Богам любіць адзін аднаго,Ян 13:34; Ян 15:12; 1Ян 3:11
дый вы гэтак і робіце з усімі братамі па ўсёй Македоніі. Просім жа вас, браты, багацейце [ў гэтым] болей
і намагайцеся жыць у супакоі, і рабіць сваю справу, і працаваць сваімі ўласнымі рукамі, як мы загадалі вам;Эф 4:28; 2Фес 3:10
каб вы хадзілі прыстойна перад тымі, што звонку, і ні ў чым ня мелі патрэбы.Рым 13:13
Не хачу, каб вы, браты, ня ведалі адносна памёршых, каб вы не сумавалі, як іншыя, што ня маюць надзеі.
Бо калі мы верым, што Ісус памёр і ўваскрос, дык Бог і памёршых у Ісусе прывядзе з Ім.1Кар 15:20
Гэта вось кажам вам словам Госпадавым, што мы, жывыя, якія засталіся да прыйсьця Госпада, не апярэдзім памёршых,1Кар 15:51
бо Сам Госпад з абвяшчэньнем, з голасам арханёла і трубой Божай зыйдзе з неба, і мёртвыя ў Хрысьце ўваскрэснуць першымі;Мц 24:31; 2Фес 1:7
пасьля мы, жывыя, што засталіся, разам з імі падхоплены будзем на аблоках на спатканьне з Госпадам у паветра, і гэтак заўсёды з Госпадам будзем.Ян 14:3; Ян 17:24
Дык пацяшайце адзін аднаго гэтымі словамі.