Калคส Каласянамโคโลสี, раздзелบทที่ Пасланне да Каласянโคโลสี, раздзелบทที่ 2

Бо хачу, каб вы ведалі, якую вялікую барацьбу я маю дзеля вас і дзеля тых, што ў Ляадыкеі, і дзеля ўсіх, якія ня бачылі аблічча майго ў целе,

каб суцешыліся сэрцы іхнія, злучаныя ў любові і дзеля ўсякага багацьця пэўнага разуменьня, дзеля пазнаньня тайны Бога — і Айца, і Хрыста,Флп 3:8

у Якім усе скарбы мудрасьці і веданьня схаваныя.1Кар 1:30

А кажу гэта, каб хто ня ўвёў вас у зман пераканаўчымі словамі.

Бо хоць я і адсутны целам, але духам я з вамі, радуючыся і бачачы ваш парадак і ўмацаванасьць веры вашае ў Хрыста.1Кар 5:3

Дык як вы прынялі Хрыста Ісуса, Госпада, так хадзіце ў Ім,

укарэненыя і збудаваныя ў Ім, і сьцьверджаныя ў веры, як вы былі навучаныя, багацеючы ў ёй з падзякаю.1Кар 1:5; Эф 3:17

Глядзіце, каб хто не збаламуціў вас філасофіяй і пустым падманам паводле традыцыі чалавечай, паводле стыхіяў сьвету, а не паводле Хрыста.Эф 5:6; Габр 13:9

Бо ў Ім жыве ўся поўня Боства цялесна,Ян 1:14; Кал 1:19

і вы напоўненыя ў Ім, Які ёсьць галава ўсякага начальства і ўлады.Эф 1:22

У Ім і вы абрэзаныя абразаньнем, не рукою зробленым, якое зьняла цела грахоў цялесных, абразаньнем Хрыстовым.Рым 2:29; Гал 3:27

Пахаваныя з Ім у хрышчэньні, у Ім вы і ўваскрэсьлі праз веру ў дзеяньне Бога, Які ўваскрасіў Яго з мёртвых,Рым 6:4; Эф 1:19

і вас, якія былі мёртвыя ў грахах і неабразаньні цела вашага, Ён ажывіў разам з Ім, дараваўшы нам усе грахі,Эф 2:1

сьцёршы рукапіс пастановаў, што былі супраць нас; і забраў яго спасярод, прыбіўшы да крыжа,Эф 2:15

распрануўшы начальствы і ўлады, адважна аддаў іх на сорам, трыюмфуючы над імі ў Ім.Эф 4:8; Габр 2:14

Дык няхай ніхто ня судзіць вас за ежу, ці за пітво, ці за ўдзел у сьвяце, ці маладзіку, ці субоце.Рым 14:6

Гэта ёсьць цень таго, што мае быць, а цела — Хрыстовае.Габр 10:1

Няхай ніхто не пазбавіць вас нагароды праз самавольнае ўпакорваньне і набажэнства анёлам, уваходзячы ў тое, чаго ня бачыў, дарэмна ўзганарыўшыся розумам цела свайго2Кар 11:14

і не трымаючыся Галавы, ад якое ўсё цела, вязямі і вузламі змацаванае і злучанае, расьце ўзрастаньнем Божым.Эф 4:15

Дык калі вы памерлі разам з Хрыстом для стыхіяў сьвету, чаго ж, быццам жывучы ў сьвеце, трымаецеся пастановаў:Рым 7:4

«Не дакранайся, і не каштуй, і не чапай»,

што ўсё [вядзе] да сапсутасьці праз [само] ўжываньне, паводле пастановаў і вучэньня чалавечага?Іс 29:13; Мц 15:9

Гэтае слова нібыта мае мудрасьць у самавольным набажэнстве, упакорваньні і мардаваньні цела, не ў пашане да таго, што насычае цела.