Ерยรม Ераміяเยเรมียาห์, раздзелบทที่ Кніга прарока Ерамііเยเรมียาห์, раздзелบทที่ 6

ฉบับแปล เปรียบเทียบ

Гэта кажа ГОСПАД: “Спыніцеся на шляхах, і паглядзіце, і спытайцеся пра сьцежкі старадаўнія, дзе шлях добры, і ідзіце па ім, і знойдзеце супакой душам вашым”. Але яны сказалі: “Ня пойдзем!”Ер 18:15; Мц 11:29

І Я паставіў вартаўнікоў для вас, [кажучы]: “Слухайце голас трубы!” Але яны сказалі: “Ня будзем слухаць!”Іс 62:6

Дык слухайце, народы, і зразумейце, грамада, што [станецца] з імі.

Слухай, зямля! Вось, Я навяду гора на народ гэты, плод намераў іхніх, бо яны не зважалі на словы Мае і Закон Мой адкінулі.Лік 14:35; Іс 1:2

Навошта Мне кадзіла, прывезенае з Шэвы, і трысьнёг пахкі з зямлі далёкай? Цэласпаленьні вашыя недаспадобы [Мне], і ахвяры вашыя не падабаюцца Мне.Іс 1:11; Ам 5:21; Міх 6:7

Дзеля гэтага так кажа ГОСПАД: “Вось, Я дам народу гэтаму перашкоды, аб якія спатыкнуцца бацькі і сыны, таксама сусед і сябар ягоны, гінучы, загінуць”.