Высสภษ Выслоўіสุภาษิต, раздзелบทที่ Кніга выслоўяў Саламонавыхสุภาษิต, раздзелบทที่ 26

ฉบับแปล เปรียบเทียบ

Як сьнег улетку, а дождж у жніво, так дурню не пасуе слава.

Як птушка пераляціць і як ластаўка паляціць, так праклён беспрычынны ня збудзецца.

Пуга — для каня, аброць — для асла, а кій — на сьпіну дурня.Пс 32:9

Не адказвай дурню паводле дурасьці ягонай, каб ня стаўся ты падобным да яго.Мц 21:27

Адказвай дурню паводле дурасьці ягонай, каб ня стаўся ён мудрым у вачах сваіх.

Падцінае сабе ногі і п’е шкоду сваю той, хто праз рукі дурня слова пасылае.

Няроўныя ногі кульгавага, таксама прыказка ў вуснах дурня.

Як прывязваць камень да вяроўкі, так аддаваць пашану дурню.

Як калючка ў руцэ п’янага, так прыказка ў вуснах дурня.

Вяльможны робіць усё: і дурня наймае, і мінака наймае.

Як сабака вяртаецца да ванітаў сваіх, так дурань паўтарае дурасьць сваю.2Пётр 2:22

Ці бачыў ты чалавека, мудрага ў вачах сваіх? На дурня большая надзея, чым на такога.Іс 5:21; Рым 12:16

Гультай кажа: «Леў на шляху! Леў на плошчы!»Выс 22:13

Дзьверы варочаюцца на завесах сваіх, а гультай — на ложку сваім.

Гультай хавае руку сваю ў місе, і яму цяжка падняць яе да вуснаў сваіх.Выс 19:24

Гультай мудрэйшы ў вачах сваіх за сямёх, што адказваюць з разуменьнем.Лк 19:21

Хапае сабаку за вушы той, хто мяшаецца ў чужую спрэчку.

Як вар’ят, які кідае агонь, стрэлы і сьмерць,

так чалавек, які падманвае бліжняга свайго і кажа: «Гэта я жартую».

Калі няма дроваў, агонь гасьне, калі няма пляткара, звадка сьціхае.

Вугаль — для жару, дровы — для агню, а чалавек сварлівы — для распальваньня спрэчкі.

Словы пляткара — як прысмакі, яны зыходзяць у глыб нутра.Пс 55:22

Як гліна, паліваная срэбрам з жужалем, так гарачыя вусны і ліхое сэрца.

Ненавісьнік прыкрываецца вуснамі сваімі, а ў нутры сваім рыхтуе ашуканства.Дзеі 16:17

Калі ён робіць лагодным голас свой, ня вер яму, бо сем брыдотаў у сэрцы ягоным.1Цар 26:25

[Чыя] нянавісьць прыхоўваецца ашуканствам, таго ліхота выявіцца перад грамадою.

Хто капае яму, той уваліцца ў яе, і хто пакоціць камень, на таго ён вернецца.Пс 7:16; Экл 10:8

Брахлівы язык ненавідзіць пакрыўджаных ім, і вусны лісьлівыя вядуць да загубы.