Пс Псалтыр, псалом Псалтыр, псалом 52
Кіраўніку хору. Навучаньне Давіда,
калі прыйшоў Даэг Эдомец, і паведаміў Саўлу, і сказаў яму: «Давід прыйшоў у дом Абімэлеха».1Цар 22:9
Навошта хвалішся злачынствам, волаце? Міласэрнасьць Божая кожны дзень [трывае]!Выс 21:12
Загубу выдумляе язык твой; як брытва вострая той, які здраду ўчыняе!Пс 57:5; Выс 25:18
Ты любіш ліхое больш, чым добрае; хлусьню гаворыш, а ня тое, што праведнае. (Сэлях)
Любіш усе словы згубныя, о, язык падступны.
Дзеля гэтага Бог скрышыць цябе назаўсёды, схопіць цябе, і вырве цябе з намёту, і выкараніць цябе з зямлі жывых. (Сэлях)Ёў 18:14; Ёў 20:7; Пс 50:22
І ўбачаць праведнікі, і будуць баяцца, і будуць сьмяяцца з яго:
«Вось чалавек, які ня Бога меў сабе апорай, і спадзяваўся на мноства багацьця свайго, і ўмацоўваўся ў зласьлівасьці сваёй».Пс 49:7; Выс 11:28; Мк 10:24
А я, як аліўка зялёная ў Доме Божым, спадзяюся на міласэрнасьць Божую на вякі вечныя.Пс 92:13; Ер 11:16; Ас 14:7
Буду славіць Цябе на вякі за тое, што Ты ўчыніў, і буду спадзявацца на імя Тваё, бо Ты добры адносна багабойных Тваіх.Пс 37:5