Zep Sofonias, kapitulo Ang Libro ni Sofonias, kapitulo 3
Ang Kaugmaon sa Jerusalem
Alaot ka siyudad sa mga magpaantos,
masupilon ug nahugawan.
Wala siya motuman ni bisan kinsa,
wala siya modawat ug pagbadlong.
Wala siya mosalig sa Ginoo,
dili siya mopaduol sa Dios.
Ang iyang mga opisyales uban kaniya
mga nagngulob nga liyon;
ang iyang maghuhukom mga lobo sa kagabhion,
nga dili magbilin alang sa kabuntagon.Ezk 22:27; Mic 3:10
Ang iyang mga propeta walay mga prinsipyo;
malipoton silang katawhan.
Ang iyang kaparian nagpasipala sa balaang puloy-anan
ug naghimo silag kadaotan sa balaod.Jer 23:11; Hos 9:7; Ezk 22:26
Ang Ginoo nga anaa kaniya matarong;
wala siya magbuhat ug sayop.
Matag buntag gihatag niya ang iyang hustisya,
ug matag buntag dili gayod siya mopakyas.
Apan ang dili matarong dili sila mobati ug kaulaw.Mal 2:6; 2Ch 36:15; Dan 9:20
Gilumpag ko ang kanasoran;
ang ilang kota ako nang gilumpag.
Gibayaan ko ang ilang kadalanan nga awaaw,
nga walay moagi niini.
Ang ilang siyudad nahimong walay kapuslanan,
biniyaan kini ug walay sulod.
Sa Jerusalem ako nagtuo,
ikaw mahadlok kanako ug modawat ug koreksyon,
unya ang iyang dapit nga dangpanan dili na gub-on,
o ang tanan kong mga silot modangat pa kaniya.
Apan mainiton gihapon silang mobuhat
ug kadaotan sa tanan nilang gibuhat.Isa 8:13; Isa 26:9; Zec 1:3
Busa paabota ako, nag-ingon ang Ginoo,
kay adunay adlaw nga ako mobarog ug motestigo,
Nakahukom ako nga tipunon ko ang kanasoran,
tigumon ko ang mga gingharian ug akong ibubo
ang akong kapungot diha kanila,
ang tanan nga labihan kong kasuko.
Ang tibuok kalibotan lamoyon sa kalayo
sa nagselos kong kasuko.Zep 1:18
Ug akong putlion ang mga ngabil sa akong mga katawhan,
nga ang tanan kanila mosangpit sa pangalan sa Ginoo
ug magkahiusa sa pag-alagad kaniya.Isa 29:18; Isa 61:1; Hos 2:14
Gikan sa unahan sa mga kasapaan sa Cush,
akong magsisimba, akong nagkatibulaag nga katawhan,
magdala kanakog mga halad.Isa 18:7; Rom 15:16; 1Pe 1:1
Niadtong adlawa ikaw, Jerusalem,
dili ibutang sa kaulawan sa sayop nga imong nabuhat batok kanako,
tungod kay akong kuhaon ang inyong pagkaaroganti ug mapasigarbohon.
Dili na gayod kamo magmapahitas-on didto sa akong balaang bukid.Rom 6:21
Apan akong ibilin diha kaninyo ang mga lumo ug mapainubsanon.
Ang salin sa Israel mosalig sa pangalan sa Ginoo.Isa 6:13; Isa 11:16; 1Co 1:26
Dili na sila magbuhat ug sayop;
dili na sila magsulti ug bakak.
Ang malinglahon nga dila
dili na mapalgan sa ilang mga baba.
Mukaon sila ug mohigda ug wala nay muhadlok kanila.Isa 29:23; Rev 14:5; Jhn 10:11
Magmalipayon ang mga Israelinhon
Pag-awit Babayeng anak sa Zion; singgit nga kusog, Israel!
Pagmaya ug paglipay sa tibuok mong kasing-kasing.
Babayeng anak, Jerusalem!Isa 12:6; Isa 35:1; Zec 9:9
Ang Ginoo nagkuha sa inyong mga silot,
iyang gipatalikod ang inyong mga kaaway.
Ang Ginoo, ang Hari sa Israel,
dili na gayod kamo mobati ug kadaotan.Isa 40:2; Rev 19:16
Niadto unyang adlawa moingon sila sa Jerusalem,
“Ayaw kahadlok Zion,
ayaw tugoti nga magbitay nga piang ang imong kamot.Isa 12:2; Zec 8:13
Ang Ginoo nga imong Dios kauban nimo.
Ang Gamhanang Manggugubat nga moluwas.
Siya magbaton ug kalipay diha nimo;
diha sa iyang gugma dili kana niya badlongon
apan maglipay diha kanimo uban sa pag-awit.Isa 25:4; Ezk 11:16
“Akong kuhaon gikan kaninyo ang tanan nagbangotan
tungod sa nawala ninyong gipili nga mga pista,
nga nahimong kabug-aton ug kaulawan alang kaninyo.”
Miingon ang Ginoo, “Kuhaon ko ang inyong pag-antos
aron dili na kamo maulawan.
Niadto unyang taknaa akong atimanon ang tanan
nga nagpaantos kanimo.
Luwason ko ang mga bakol, akong tipunon ang mga binihag,
ako silang dayegon ug pasidungan sa matag dapit diin
sila nakasinati ug kaulawan.Mic 4:7
Niadto unyang taknaa dad-on ko kamo sa inyong panimalay tigumon.
Hatagan ko kamo ug dungog ug mga pagdayeg
sa tanang katawhan sa kalibotan,
sa dihang ibalik ko ang imong mga bahandi
sa inyong atubangan,”