Пс Псалтыр, псалом Псалтыр, псалом 138
Кіроўцу хору. Псальма Давідава.
Госпадзе! Ты выпрабаваў мяне і ведаеш.Выс 24:12; Ян 21:17
Ты ведаеш, калі я сядаю і калі ўстаю; Ты разумееш думкі мае здалёк.2Цар 7:20; Ер 12:3; Дрз 31:21
Ці іду я, ці адпачываю, - Ты акружаеш мяне і ўсе дарогі мае Табе вядомыя.Пс 118:168
Яшчэ слова няма на мове маёй, - Ты, Госпадзе, ужо ведаеш яго дасканала.
Ззаду і сьпераду атачыў Ты мяне і кладзеш на мяне руку Тваю.
Дзіўнае мне Тваё веданьне - высока, дасягнуць яго не магу!
Куды пайду ад Духа Твайго, ад аблічча Твайго куды ўцяку?
Ці на неба ўзыду - Ты там; ці сыду ў апраметную - і там Ты.Ам 9:2
Ці вазьму крылы золку і перасялюся на край мора, -Пс 54:7
і там рука Твая мяне павядзе, і ўтрымае мяне правіца Твая.
Ці скажу: можа, цемра ўкрые мяне, і сьвятло навокал мяне зробіцца ноччу;Ёў 34:22; Ер 23:24; Габр 4:13
але і цемра Цябе ад мяне не зацемрыць, і ноч сьветлая, быццам дзень; як цемра, так і сьвятло.Як 1:17
Бо Ты ўладзіў вантробы мае і выткаў мяне ў чэраве маці маёй.Ёў 10:11
Слаўлю Цябе, бо я дзівосна зладжаны. Дзівосныя дзеі Твае, і душа мая ўсьведамляе гэта,Пс 118:71; Адкр 15:3
Не схаваны былі ад Цябе косткі мае, калі мяне ў таямніцы стваралі, складалі мяне ў глыбіні нутрыны.Экл 11:5
Зародак мой бачылі вочы Твае; у Тваёй кнізе запісаны ўсе дні, мне назначаныя, калі ніводнага зь іх яшчэ ня было.Ёў 14:5; Мал 3:16
Якія ўзьнёслыя для мяне намеры Твае, Божа, і як многа іх лікам!
Ці ж палічу іх, калі іх больш, чым пяску, калі прачынаюся, я ўсё Яшчэ з Табою.Быц 22:17
О, калі б Ты, Божа, пабіў бязбожнага! Адыдзеце ад мяне, крыважэрныя!Пс 5:7
Яны гавораць супроць Цябе бязбожна; марнае намышляюць ворагі Твае.
Ці ж мне ненавідзець Тваіх ненавісьнікаў, Госпадзе, і не пагрэбаваць тымі, што паўстаюць на Цябе?Пс 100:3
Поўнаю нянавісьцю ненавіджу іх; ворагі яны мне.Рым 12:9
Выпрабуй мяне, Божа, і ўведай сэрца маё; выпрабуй мяне, і ўведай намеры мае,Ёў 31:6; Пс 25:2
і глядзі, ці дарога мая бясьпечная, і накіруй мяне на шлях вечны.Пс 26:11; Пс 85:11; Пс 142:8