Пс Псалтыр, псалом Псалтыр, псалом 33
Псальма Давіда, калі ён удаваў зь сябе вар'ята перад Авімэлэхам і быў ад яго выгнаны, і пайшоў.1Цар 21:13
Дабраслаўляю Госпада ва ўсякую пору; хвала Яму няспынная ў вуснах маіх.
Госпадам будзе хваліцца душа мая; пачуюць пакорныя і ўзьвяселяцца.Лк 1:47
Вялічайце Госпада са мною, і ўзносьма імя Ягонае разам.
Я шукаў Госпада, і Ён пачуў мяне і ад усякіх небясьпекаў маіх вызваліў мяне.Іс 65:24
Хто прыглядваўся да Яго, тыя прасьвятліліся, і твары іхнія ня зьведаюць сораму.Міх 7:7
Вось убогі паклікаў, - і Гасподзь пачуў і ўратаваў яго ад усіх ягоных бедаў.Пс 17:7; Пс 68:34
Гасподні анёл паўстае вакол тых, хто баіцца Яго, - і іх вызваляе.Быц 32:1
Паспытайце і ўбачыце, які добры Гасподзь! Дабрашчасны той чалавек, што на яго спадзяецца!Пс 2:12; Выс 16:20
Бойцеся Госпада, усе сьвятыя Ягоныя; бо ня маюць нястачы тыя, што баяцца Яго.Нав 4:24
Ільвяняты церпяць нягоды і голад, а богашукальнікі ня церпяць нястачы ні ў якім дабры.Лк 1:53
Прыйдзеце, дзеці, паслухайце мяне: страху Гасподняму вас навучу.
Ці хоча чалавек жыць і ці любіць дабрадзенства, каб бачыць дабро?1Пётр 3:10
Трымай язык свой ад злога і вусны свае ад падступных словаў.
Ухіляйся ад ліха і рабі дабро; шукай міру і йдзі за ім.Ёў 28:28; Пс 36:37
Вочы Гасподнія - на праведных, і вушы Ягоныя - на скаргу іхнюю.Пс 32:18
А аблічча Гасподняе - супроць тых, што робяць ліхое, каб зьвесьці зь зямлі памяць пра іх.
Клічуць, і Гасподзь чуе, і ад усіх уціскаў іх вызваляе.
Блізкі Гасподзь да тых, у каго зламанае сэрца, і пакорлівых духам - уратуе.Пс 144:18
Многа турботаў у праведніка, і ад усіх іх Гасподзь вызваляе.Дзеі 7:10; Рым 8:17
Ён хавае ўсе косткі ягоныя; і ніводная не паламаецца!Іс 66:14
Зло заб'е грэшніка, і ненавісьнікі праведнасьці загінуць.Выс 22:8
Гасподзь вызваліць душу рабоў Сваіх, і не загіне ніхто, хто на Яго спадзяецца.Рым 8:1