อพยพ 6 ในหลายฉบับแปล
Ang Pulong sa Dios
6:1
APD
Miingon ang Ginoo kang Moises, “Karon makita mo kon unsa ang himuon ko sa hari sa Ehipto. Pinaagi sa akong gahom, tugotan niya nga mobiya kamo sa iyang nasod. Mapugos siya sa pagpapahawa kaninyo.”
6:2
APD
Miingon pa gayod ang Dios kang Moises, “Ako mao ang Ginoo.
6:3
APD
Nagpakita ako kang Abraham, kang Isaac, ug kang Jacob ingon nga Dios nga Makagagahom, apan wala ko ipadayag ngadto kanila ang akong ngalan nga Ginoo.
6:4
APD
Naghimo ako ug kasabotan uban kanila, nga ihatag ko kanila ang yuta sa Canaan diin sila nagpuyo ingon nga mga dumuduong.
6:5
APD
Nadungog ko ang pag-agulo sa mga Israelinhon nga giulipon sa mga Ehiptohanon, ug gihinumdoman ko ang akong kasabotan kanila.
6:6
APD
“Busa ingna ang mga Israelinhon: ‘Ako mao ang Ginoo. Haw-ason ko kamo sa pagkaulipon sa Ehipto. Pinaagi sa akong gahom, ipahamtang ko sa mga Ehiptohanon ang labihan nga silot, ug luwason ko kamo.
6:7
APD
Isipon ko kamo nga akong katawhan ug ako mahimong inyong Dios. Unya mahibaloan ninyo nga ako mao ang Ginoo nga inyong Dios nga naghaw-as kaninyo gikan sa pagkaulipon sa Ehipto.
6:8
APD
Dad-on ko kamo sa yuta nga akong gisaad nga ihatag kang Abraham, Isaac, ug Jacob. Ihatag ko kini kaninyo ug inyo kining panag-iyahon. Ako mao ang Ginoo.’ ”
6:9
APD
Gisulti kini ni Moises sa mga Israelinhon, apan wala sila motuo kaniya kay nawad-an na silag paglaom tungod sa hilabihan nilang pag-antos ingon nga mga ulipon.
6:10
APD
Unya miingon ang Ginoo kang Moises,
6:11
APD
“Lakaw, ug ingna ang Paraon nga hari sa Ehipto nga pabiyaon na niya ang mga Israelinhon sa iyang nasod.”
6:12
APD
Apan miingon si Moises sa Ginoo, “Kon ang mga Israelinhon wala gani maminaw kanako, ang hari pa kaha? Labi na kay dili ako maayong manulti!”
6:13
APD
Apan miingon ang Ginoo kang Moises ug kang Aaron nga sultihan ang mga Israelinhon ug ang Paraon nga hari sa Ehipto nga gisugo ko kamo sa pagpagawas sa mga Israelinhon gikan sa Ehipto.
6:14
APD
Mao kini ang mga katigulangan nga lalaki sa mga panimalay nga kagikan sa mga tribo sa Israel: Ang mga anak sa kamagulangang anak ni Israel nga si Ruben mao sila si Hanoc, Palu, Hezron, ug Carmi. Sila ug ang ilang mga kaliwat mao ang mga pamilya nga naggikan kang Ruben.
6:15
APD
Ang mga anak ni Simeon mao sila si Jemuel, Jamin, Ohad, Jakin, Zohar, ug Saulo. (Kini si Saulo anak ni Simeon sa Canaanhon nga babaye.) Sila ug ang ilang mga kaliwat mao ang mga pamilya nga naggikan kang Simeon.
6:16
APD
Ang mga anak ni Levi sumala sa listahan sa iyang mga kaliwat mao sila si Gershon, Kohat, ug Merari. (Nagkinabuhi si Levi ug 137 ka tuig.)
6:17
APD
Ang mga anak ni Gershon mao si Libni ug si Shimei.
6:18
APD
Ang mga anak ni Kohat mao sila si Amram, Izhar, Hebron, ug Uziel. (Nagkinabuhi si Kohat ug 133 ka tuig.)
6:19
APD
Ang mga anak ni Merari mao sila si Mali ug si Mushi. Mao kini ang mga pamilya nga naggikan kang Levi sumala sa listahan sa iyang mga kaliwat.
6:20
APD
Gipangasawa ni Amram si Jokebed nga igsoon sa iyang amahan. Ug ang ilang mga anak nga lalaki mao si Aaron ug si Moises. (Nagkinabuhi si Amram ug 137 ka tuig.)
6:21
APD
Ang mga anak ni Izhar mao sila si Kora, Nefeg, ug Zicri.
6:22
APD
Ang mga anak ni Uziel mao sila si Mishael, Elzafan, ug Sitri.
6:23
APD
Gipangasawa ni Aaron si Elisheba, nga anak ni Aminadab ug igsoon ni Nashon. Ang ilang mga anak mao sila si Nadab, Abihu, Eleazar, ug Itamar.
6:24
APD
Ang mga anak ni Kora mao sila si Asir, Elkana, ug Abiasaf. Sila ug ang ilang mga kaliwat mao ang mga pamilya nga naggikan kang Kora.
6:25
APD
Si Eleazar nga anak ni Aaron naminyo sa usa sa mga anak ni Putiel. Ang ilang anak nga lalaki mao si Pinehas. Sila mao ang mga katigulangan sa mga pamilya nga naggikan kang Levi.
6:26
APD
Ang Aaron ug Moises nga gihisgotan dinhi mao gihapon kadtong gisugo sa Ginoo sa pagpagawas sa mga tribo sa Israel gikan sa Ehipto.
6:27
APD
Sila ang nakigsulti sa Paraon nga hari sa Ehipto bahin sa pagpagawas sa mga Israelinhon gikan sa Ehipto.
6:28
APD
Sa dihang nakigsulti ang Ginoo kang Moises kaniadto sa Ehipto,
6:29
APD
miingon siya, “Ako mao ang Ginoo. Sultihi ang Paraon nga hari sa Ehipto sa tanan nga giingon ko kanimo.”
6:30
APD
Apan miingon si Moises sa Ginoo, “Dili ako maayong manulti, busa dili maminaw ang hari kanako.”