ยากอบ 1 ในหลายฉบับแปล
Пераклад Сёмухі
1:1
Сёмуха
Якаў, раб Бога і Госпада Ісуса Хрыста, дванаццаці родам, якія ў расьсеяньні, - радавацца!
1:2
Сёмуха
Зь вялікай радасьцю прымайце, браты мае, калі ўпадаеце ў розныя выпрабаваньні,
1:3
Сёмуха
ведаючы, што выпрабаваньне вашай веры робіцца цярплівасьцю,
1:4
Сёмуха
а цярплівасьць павінна мець дасканалае дзеяньне, каб вы былі дасканалыя ва ўсёй паўнаце, бязь ніякай пахібы.
1:5
Сёмуха
Калі ж каму-небудзь з вас не хапае мудрасьці, хай просіць у Бога, Які дае ўсім проста і без дакораў, - і дасца яму.
1:6
Сёмуха
Але няхай просіць зь вераю, і зусім не сумняваецца, бо хто сумняваецца, падобны да марское хвалі, якую гоніць і распырсквае вецер;
1:7
Сёмуха
Хай не спадзяецца такі чалавек атрымаць што-небудзь ад Госпада.
1:8
Сёмуха
Чалавек двудушны - ня цьвёрды на ўсіх шляхах сваіх.
1:9
Сёмуха
Хай славіцца пакорлівы брат у высокасьці сваёй,
1:10
Сёмуха
а багаты ў пакоры сваёй, бо ён мінецца, бы краска ў траве:
1:11
Сёмуха
узыходзіць сонца, настае сьпёка, і высушвае траву, краска яе ападае, прападае хараство яе; так вяне і багаты ў шляхах сваіх.
1:12
Сёмуха
Дабрашчасны чалавек, які вытрывае выпрабаваньне, бо пасьля выпрабаваньня ён атрымае вянок жыцьця, які паабяцаў Гасподзь тым, хто любіць Яго.
1:13
Сёмуха
У выпрабаваньні ніхто хай ня кажа: «Бог мяне спакушае»; Бог бо не спакушаецца злом і сам не спакушае нікога,
1:14
Сёмуха
а кожны спакушаецца, калі ваблены і наджаны сваім пажаданьнем;
1:15
Сёмуха
а пажаданьне, зачаўшы, родзіць грэх, а ўчынены грэх родзіць сьмерць.
1:16
Сёмуха
Не ашуквайце сябе, браты мае любасныя:
1:17
Сёмуха
Усякае даньне добрае і ўсякі дар дасканалы зыходзіць згары, ад Айца сьвятла, у Якога няма перамены, ані ценю пераменнасьці.
1:18
Сёмуха
Захацеўшы, спарадзіў Ён нас словам ісьціны, каб сталіся мы нейкім пачаткам Ягоных твораў.
1:19
Сёмуха
Дык вось, браты мае любасныя, кожны чалавек няхай будзе борзды ў слуханьні, марудлівы ў словах, марудлівы ў гневе;
1:20
Сёмуха
бо гнеў чалавечы ня творыць праўды Божай.
1:21
Сёмуха
Таму, адклаўшы ўсялякую нячыстасьць і лішнюю злосьць, у пакоры прымеце пасеянае ў вас слова, якое можа ўратаваць вашы душы.
1:22
Сёмуха
Будзьце ж выканаўцы слова, а не слухачы толькі, што ашукваюць самі сябе.
1:23
Сёмуха
Бо хто слухае слова і ня выконвае, той падобны да чалавека, які разглядвае прыродныя рысы аблічча свайго ў люстры:
1:24
Сёмуха
ён паглядзеў на сябе, адышоўся - і адразу забыўся, які ён ёсьць.
1:25
Сёмуха
А хто пранікне ў закон дасканалы, закон свабоды, і застанецца ў ім, той, ня будучы слухачом забыўлівым, а выканаўцам дзеі, дабрашчасны будзе ў сваім дзеяньні.
1:26
Сёмуха
Калі ж хто з вас думае, што ён пабожны, і не таймуе свайго языка, а ашуквае сваё сэрца, у таго пустая пабожнасьць.
1:27
Сёмуха
Чыстая і беспахібная пабожнасьць перад Богам і Айцом ёсьць тое, каб дагледзець сірот і ўдоваў у іхніх скрухах і захоўваць сябе неапаганенага сьветам.