สดุดี 103 ในหลายฉบับแปล
Пераклад Сёмухі
103:1
Сёмуха
Псальма Давідава пра стварэньне сьвету. Дабраславі, душа мая, Госпада! Госпадзе, Божа мой! Ты дзівосна вялікі. Ты ўбраны ў славу і ў веліч,
103:2
Сёмуха
Ты ўбіраешся ў сьвятло, як у шаты, прасьціраеш нябёсы, як заслону,
103:3
Сёмуха
ладзіш над водамі вышынныя харомы Твае, робіш хмары Твае калясьніцаю, крочыш на крылах ветру.
103:4
Сёмуха
Ты творыш анёлаў Тваіх з духаў, слуг Тваіх - з вагню палымянага.
103:5
Сёмуха
Ты паставіў зямлю на цьвёрдых асновах: не пахісьнецца яна векавечна.
103:6
Сёмуха
Безданьню, як вопраткаю, накрыў Ты яе; на горах воды стаяць.
103:7
Сёмуха
Ад пагрозы Тваёй уцякаюць яны, ад голасу грому Твайго пабеглі яны;
103:8
Сёмуха
узыходзяць на горы, сыходзяць у даліны, на месца, якое Ты ім назначыў.
103:9
Сёмуха
Ты паклаў мяжу, якой не пяройдуць, і ня вернуцца зямлю пакрыць.
103:10
Сёмуха
Ты паслаў крыніцы ў даліны; паміж гор цякуць воды,
103:11
Сёмуха
пояць усіх зьвяроў польных; дзікія аслы спатольваюць смагу сваю.
103:12
Сёмуха
Каля іх жывуць птушкі нябесныя, з гольля падаюць галасы.
103:13
Сёмуха
Ты напойваеш горы з вышыняў Тваіх, плёнам дзеяў Тваіх зямля насычаецца.
103:14
Сёмуха
Ты росьціш быдлу траву, і зеляніну на спажытак чалавеку, каб ежу зь зямлі здабываў,
103:15
Сёмуха
і віно, якое вяселіць сэрца чалавеку, і алей, ад якога блішчыць твар ягоны, і хлеб, які мацуе сэрца чалавеку.
103:16
Сёмуха
Насычаюцца дрэвы Госпада, кедры Ліванскія, якія Ён пасадзіў;
103:17
Сёмуха
на іх гняздуюцца птушкі: яліны - пад гняздо буслам,
103:18
Сёмуха
высокія горы - сарнам; каменныя скалы - сховы зайцам.
103:19
Сёмуха
Ён стварыў месяц на азначэньне часу; сонца ведае свой захад.
103:20
Сёмуха
Ты прасьціраеш цемру, і бывае ноч: уначы бадзяюцца ўсе лясныя зьвяры;
103:21
Сёмуха
ільвы, якія рыкаюць па здабычы і просяць у Бога ежы сабе.
103:22
Сёмуха
Устае сонца, і яны зьбіраюцца і кладуцца ў свае логвішчы;
103:23
Сёмуха
выходзіць чалавек на дзеі свае і на працу сваю да вечара.
103:24
Сёмуха
Як многа дзеяў Тваіх, Госпадзе! Усё стварыў Ты мудра; зямля поўная твораў Тваіх.
103:25
Сёмуха
Гэта мора - вялікае і шырокае: там паўзуны, якім ліку няма, жывёлы малыя і вялікія;
103:26
Сёмуха
там плаваюць караблі, там гэты левіяфан, якога Ты стварыў гуляць у ім.
103:27
Сёмуха
Усе яны ад Цябе чакаюць, каб Ты даў ім ежу сваечасова.
103:28
Сёмуха
Даеш ім - прымаюць; адкрываеш далоню Тваю - насычаюцца дабром;
103:29
Сёмуха
схаваеш аблічча Тваё - палохаюцца; забіраеш у іх дух - паміраюць, і ў пыл свой вяртаюцца;
103:30
Сёмуха
пашлеш дух Твой - ствараюцца, і Ты абнаўляеш улоньне зямлі.
103:31
Сёмуха
Хай будзе Госпаду слава навечна; хай радуецца Гасподзь дзеямі Сваімі.
103:32
Сёмуха
Паглядзіць на зямлю, і яна трасецца; дакранецца да гор, і дымяцца.
103:33
Сёмуха
Буду сьпяваць Госпаду ўсё жыцьцё маё, буду сьпяваць Богу майму, пакуль я ёсьць.
103:34
Сёмуха
Хай Яму паспрыяе песьня мая; буду радавацца ў Госпадзе.
103:35
Сёмуха
Хай зьнікнуць грэшнікі зь зямлі, і бязбожных хай болей ня будзе. Дабраславі, душа мая, Госпада! Алілуя!