เศคาริยาห์ 4 ในหลายฉบับแปล
Пераклад Сёмухі
4:1
Сёмуха
І вярнуўся той анёл, які гаварыў са мною, і разбудзіў мяне, як будзяць чалавека са сну ягонага.
4:2
Сёмуха
І сказаў ён мне: што ты бачыш? І адказваў я: бачу, вось сьвяцільня ўся з золата і чашачка пад алей наверсе яе, і сем лампад, на ёй і па сем трубачак у лампадах, якія наверсе яе;
4:3
Сёмуха
і дзьве масьліны на ёй, адна з правага боку чашачкі, другая зь левага боку яе.
4:4
Сёмуха
І адказваў я і сказаў анёлу, які гаварыў са Мною: што гэта, спадару мой?
4:5
Сёмуха
І анёл, які гаварыў са мною, адказваў і сказаў мне: ты ня ведаеш, што гэта? І сказаў я: ня ведаю, спадару мой.
4:6
Сёмуха
Тады адказваў ён і сказаў мне так: гэта слова Госпада Зарававелю, у якім сказана: ня войскам і ня сілаю, а Духам Маім кажа Гасподзь Саваоф.
4:7
Сёмуха
Хто ты, вялікая гара перад Зарававелем? ты - раўніна, і вынесе ён кутні камень пры шумных ускліканьнях: «мілата, мілата на ім!»
4:8
Сёмуха
І было мне слова Гасподняе:
4:9
Сёмуха
рукі Зарававеля паклалі аснову Дому гэтаму; ягоныя рукі і закончаць яго, і даведаешся, што Гасподзь Саваоф паслаў Мяне да вас.
4:10
Сёмуха
Бо хто можа лічыць дзень гэты малаважным, калі радасна глядзяць на будаўнічы адвес у руках Зарававелевых тыя сем, - гэта вочы Госпада, якія абдымаюць позіркам усю зямлю?
4:11
Сёмуха
Тады адказваў я і сказаў яму: што азначаюць тыя дзьве масьліны з правага боку сьвяцільні і зь левага боку яе?
4:12
Сёмуха
Другі раз загаварыў я і сказаў яму: што азначаюць дзьве масьлічныя галіны, якія празь дзьве залатыя трубачкі выліваюць зь сябе золата?
4:13
Сёмуха
І сказаў ён мне: ты ня ведаеш, што гэта? Я адказваў: ня ведаю, спадару мой.
4:14
Сёмуха
І сказаў ён: гэта два памазаныя алеем, якія стаяць перад Госпадам усёй зямлі.