Лк Лукаша, раздзел Паводле Лукаша Святое Дабравесце, раздзел 21
Глянуўшы ж, убачыў Ён багацеяў, якія кідалі дары свае ў скарбніцу.Мк 12:41
І ўбачыў адну бедную ўдаву, якая кінула туды дзьве лепты,
і сказаў: «Сапраўды кажу вам, што гэтая бедная ўдава кінула больш за ўсіх,2Кар 8:12
бо ўсе тыя з лішку свайго кідалі ў дар Богу, а яна з нястачы сваёй кінула ўсё ўтрыманьне сваё, якое мела».
І, калі некаторыя гаварылі пра сьвятыню, што яна аздоблена каштоўнымі камянямі і дарамі, Ён сказаў:Мц 24:1; Мк 13:1
«Прыйдуць дні, калі з таго, што вы тут бачыце, не застанецца камяня на камяні, які б ня быў зруйнаваны».3Цар 9:7; Лк 19:44
Спыталіся ж у Яго, кажучы: «Настаўнік! Калі ж гэта мае быць? І які знак, калі гэта мае стацца?»
Ён жа сказаў: «Глядзіце, каб вас не падманулі, бо многія прыйдуць пад імем Маім, кажучы, што гэта Я, і гэты час наблізіўся. Не хадзіце за імі.Мц 24:4; Мк 13:5; 1Ян 4:1; Эф 5:6; 2Фес 2:3
Калі ж пачуеце пра войны і бязладзьдзе, не жахайцеся, бо гэта мусіць стацца спачатку, але не адразу канец».
Тады сказаў ім: «Паўстане народ на народ, і валадарства на валадарства,Іс 19:2
А месцамі будуць вялікія землятрусы, і голад, і пошасьць, таксама страхі і знакі з неба вялікія будуць.
А перад усім гэтым ускладуць на вас рукі і будуць перасьледаваць вас, выдаючы ў сынагогі і вязьніцы, ведучы да валадароў і ваяводаў дзеля імя Майго.Мц 10:17; Мц 24:9; Мк 13:9; Ян 15:20
А станецца гэта дзеля сьведчаньня вам.
Дык палажыце ў сэрцах вашых не абдумваць раней, як адказваць,Лк 12:11
бо Я дам вам вусны і мудрасьць, якой ня здолеюць ані пярэчыць, ані супрацьстаяць усе супраціўнікі вашыя.Вых 4:12; Дзеі 6:10
А будзеце выдадзеныя і бацькамі, і братамі, і сваякамі, і сябрамі; і некаторых з вас пазабіваюць,Міх 7:6
і будуць ненавідзець вас усе дзеля імя Майго,
але і волас з галавы вашай не прападзе.
У цярплівасьці вашай здабывайце душы вашыя.Мц 10:22
Калі ж убачыце Ерусалім, акружаны войскам, тады разумейце, што наблізілася спусташэньне яго.Дан 9:27; Мц 24:15; Мк 13:14
Тады тыя, хто ў Юдэі, няхай бягуць у горы; і тыя, хто пасярод гораду, няхай выходзяць; і тыя, хто ў ваколіцы, няхай не ўваходзяць у яго,
бо гэта дні помсты, каб споўнілася ўсё напісанае.Зах 14:1
Гора ж тым, якія цяжарныя і якія кормяць грудзьмі, у тыя дні; бо будзе вялікае бедства на зямлі і гнеў на народзе гэтым.
І ўпадуць ад вострыва мяча, і павядуць іх у палон да ўсіх паганскіх народаў, і Ерусалім будуць таптаць народы, пакуль ня скончацца часы народаў.
І будуць знакі на сонцы, і месяцы, і зорках, і на зямлі ўціск народаў у зьбянтэжанасьці, як зараве і забушуе мора.Іс 13:10; Езк 32:7; Ёіл 3:4; Ам 5:20; Ам 8:9; Саф 1:15; Мц 24:29; Мк 13:24
І дрантвець будуць людзі ад страху і чаканьня таго, што прыйдзе на сусьвет, бо сілы нябесныя захістаюцца.
І тады ўгледзяць Сына Чалавечага, Які прыходзіць у воблаку з моцаю і славаю вялікаю.Дан 7:10; Мк 13:26
Калі ж пачне гэтае дзеяцца, выпрастуйцеся і падніміце галовы вашыя, таму што набліжаецца адкупленьне вашае».Рым 8:23
І сказаў ім прыповесьць: «Глядзіце на фігавае дрэва і на ўсе дрэвы:
калі яны ўжо распускаюцца, убачыўшы, разумееце самі, што ўжо блізка лета.
Гэтак і вы, як убачыце, што гэтае стаецца, разумейце, што блізка ёсьць Валадарства Божае.
Сапраўды кажу вам: не праміне пакаленьне гэтае, як усё гэта станецца.
Неба і зямля прамінуць, але словы Мае не прамінуць.Пс 102:27; Іс 51:6; Мц 24:35
Пільнуйце ж самі сябе, каб сэрцы вашыя не былі абцяжараныя абжорствам, і п’янствам, і турботамі жыцьцё вымі, і каб дзень той не прыйшоў да вас неспадзявана.1Пётр 4:7; Рым 13:13; 1Фес 5:6
Бо ён, як пастка, спадзе на ўсіх, што жывуць на абліччы ўсёй зямлі.Іс 24:17
Дык чувайце, молячыся ў-ва ўсякі час, каб вам быць вартымі ўцячы ад усяго, што мае стацца, і стаць перад Сынам Чалавечым».Мц 24:42; Мц 25:13; Мк 13:33
Удзень Ён навучаў у сьвятыні; а ночы, выходзячы, праводзіў на гары, называнай Аліўнай.Ян 8:2
І ўвесь народ з раніцы прыходзіў да Яго ў сьвятыню слухаць Яго.