Flp Filipililer, bölüm Elçi Pavlus'un Filipililer'e Mektubu, bölüm 2

А́ще у́бо ко́е утеше́ние о христе́, (или́) а́ще ка́я уте́ха любве́, а́ще ко́е обще́ние ду́ха, а́ще ко́е милосе́рдие и щедро́ты,Kol 3:12

испо́лните мою́ ра́дость, да то́жде му́дрствуете, ту же любо́вь иму́ще, единоду́шни, единому́дренни:Rom 15:5; Flp 3:16

ничто́же по рве́нию или́ тщесла́вию, но смиреному́дрием друг дру́га че́стию бо́лша себе́ творя́ще.Luk 14:11; Rom 12:10

Не свои́х си ки́йждо, но и дру́жних ки́йждо смотря́йте.1Ko 10:24

Сие́ бо да му́дрствуется в вас, е́же и во христе́ иису́се:Mat 11:29

и́же, во о́бразе бо́жии сый, не восхище́нием непщева́ бы́ти ра́вен бо́гу:2Ko 4:4; Kol 1:15

но себе́ ума́лил, зрак раба́ прии́м, в подо́бии челове́честем быв, и о́бразом обре́теся я́коже челове́к:Mez 21:7; Yşa 49:6; Mat 20:28

смири́л себе́, послушли́в быв да́же до сме́рти, сме́рти же крестныя.Mat 26:39; İbr 2:17

Те́мже и бог его́ превознесе́ и дарова́ ему́ и́мя, е́же па́че вся́каго и́мене,Mat 28:18; İbr 1:4

да о и́мени иису́сове вся́ко коле́но поклони́тся небе́сных и земны́х и преиспо́дних,Yşa 45:23; Rom 14:11; Va 5:14

и всяк язы́к испове́сть, я́ко госпо́дь иису́с христо́с в сла́ву бо́га отца́.Yu 13:13; 1Ko 8:6

Те́мже, возлю́бленнии мои́, я́коже всегда́ послу́шасте мене́, не я́коже в прише́ствии мое́м то́чию, но ны́не мно́го па́че во отше́ствии мое́м, со стра́хом и тре́петом свое́ спасе́ние содева́йте:

бог бо есть де́йствуяй в вас и е́же хоте́ти и е́же де́яти о благоволе́нии.2Ko 3:5; İbr 13:21

Вся твори́те без ропта́ния и размышле́ния,1Pe 4:9

да бу́дете непови́нни и це́ли, ча́да бо́жия непоро́чна посреде́ ро́да стропти́ва и развраще́на, в ни́хже явля́етеся я́коже свети́ла в ми́ре,Özd 4:18; Mat 5:14

сло́во живо́тно придержа́ще, в похвалу́ мне в день христо́в, я́ко не вотще́ теко́х, ни вотще́ труди́хся.Flp 4:1

Но а́ще и жрен быва́ю о же́ртве и слу́жбе ве́ры ва́шея, ра́дуюся и сора́дуюся всем вам:2Ti 4:6

та́кожде и вы ра́дуйтеся и сора́дуйтеся мне.

Упова́ю же о го́споде иису́се тимофе́а вско́ре посла́ти к вам, да и аз благоду́шствую, уве́дев я́же о вас.Elç 16:1

Ни еди́наго бо и́мам равноду́шна, и́же при́снее о вас попече́тся:

вси бо свои́х си и́щут, (а) не я́же христа́ иису́са.1Ko 10:24

Иску́сство же его́ зна́ете, зане́ я́коже отцу́ ча́до, со мно́ю порабо́тал в благове́стии.Elç 16:2

Сего́ же у́бо упова́ю посла́ти а́бие, повнегда́ уве́м я́же о мне.

Наде́юся же о го́споде, я́ко и сам ско́ро прииду́ к вам.

Потре́бнее же возмне́х епафроди́та бра́та и споспе́шника и сво́инника моего́, ва́шего же посла́нника и служи́теля потре́бе мое́й, посла́ти к вам,

поне́же жела́нием жела́ше ви́дети всех вас, и тужа́ше, зане́ слы́шасте, я́ко боле́.

И́бо боле́ близ сме́рти: но бог поми́лова его́, не его́ же то́кмо, но и мене́, да не скорбь на скорбь прииму́.

Скоре́е у́бо посла́х его́, да ви́девше его́ па́ки, возра́дуетеся, и аз безпеча́лен пребу́ду.

Приими́те у́бо его́ о го́споде со вся́кою ра́достию, и таковы́я че́стны име́йте,1Se 5:12

зане́ за де́ло христо́во да́же до сме́рти прибли́жися, пону́див себе́ вседу́шно, да испо́лнит ва́ше лише́ние слу́жбы я́же ко мне.