2Sa 2 Samuel, kapitulo Ang Ikaduhang Libro ni Samuel, kapitulo 22
Ang Awit ni David sa Iyang Kadaogan
(Sal. 18)
Nag-awit si David ngadto sa Ginoo sa dihang giluwas siya sa Ginoo gikan sa iyang mga kaaway ug kang Saulo. Mao kini ang iyang awit:
“Ang Ginoo ang akong salipdanan nga bato,
ang akong lig-ong tago-anan ug manluluwas.
Ingon nga salipdanan nga bato, makatago ako kanimo.
Siya ang akong taming ug gamhanan nga manluluwas.
Ang Ginoo ang akong dalangpanan ug tago-anan.
Ang nagluwas kanako gikan sa bangis nga mga tawo.Psa 18:2; 2Sa 23:3; Gen 15:1; Psa 7:1
Angay nga dayegon ang Ginoo, kay kon mangayo ako
ug tabang kaniya ginaluwas niya ako gikan sa akong mga kaaway.
Ang kamatayon daw balod nga mikuso-kuso kanako.
Ang kalaglagan daw sulog sa baha nga mianod kanako.
Ang kamatayon daw pisi nga milambod kanako
ug daw lit-ag nga nag-atang sa akong agianan.Job 22:10; Pro 14:27; Psa 18:5
Sa akong kalisdanan nagpakitabang ako sa Ginoo, nga akong Dios,
ug gidungog niya ang akong pag-ampo didto sa iyang templo.
“Unya milinog, ug ang mga pundasyon sa mga bukid nauyog,
tungod kay nasuko ang Ginoo.Psa 18:7
Nanggawas ang aso sa iyang ilong,
ug sa iyang baba nanggawas ang nagdilaab nga kalayo
ug mga baga.Exo 24:17; Deu 4:24
Giablihan niya ang langit,
ug nanaog siya nga nagtungtong sa mabagang dag-om.
Nagsakay siya sa kerubin,
ug tulin kining milupad samtang gipalid sa hangin.
Gihimo niya ang kangitngit nga mosalipod kaniya.
Nagtago siya sa mabagang dag-om.Job 36:28; Isa 50:3
Gikan sa kahayag diha sa iyang atubangan,
nanggawas ang nagdilaab nga mga baga.
Ang tingog sa Ginoo, nga Labing Halangdong Dios,
nagdahunog gikan sa langit.Psa 29:3
Gipana niya ug kilat ang iyang mga kaaway
ug miikyas sila nga nagkatibulaag.1Sa 2:10; 1Sa 7:10; 1Sa 12:18
Sa iyang pagngulob ug pagpangusmo sa kasuko mimala ang dagat,
ug nakita ang yuta ilalom niini,
ug nakita usab ang pundasyon sa kalibotan.
Gikan sa langit gigunitan niya ako
ug gihaw-as gikan sa lawom nga tubig.Job 22:11; Psa 32:6; Isa 43:2
Giluwas niya ako gikan sa akong gamhanang mga kaaway
nga naglagot kanako, kay wala akoy dag-anan kanila.
Gisulong nila ako sa dihang anaa ako sa kalisod,
apan gipanalipdan ako sa Ginoo.
Giluwas niya ako sa katalagman
kay nalipay siya kanako.Psa 31:8
Gipanalanginan niya ako tungod kay matarong ang akong kinabuhi
ug wala ako magpakasala.Job 22:30; Psa 4:1
Kay gisunod ko ang iyang mga pamaagi
ug wala ako mobiya sa Ginoo, nga akong Dios.
Gituman ko ang tanan niyang sugo
ug wala ko lapasa ang iyang mga tulomanon.
Nahibalo siya nga walay ikasaway sa akong kinabuhi
ug gilikayan ko ang pagpakasala.
Gigantihan niya ako tungod kay nakita niya nga matarong ang akong kinabuhi
ug wala akoy nahimong sala.Psa 7:9
Matinumanon ka sa mga matinumanon kanimo,
ug maayo ka usab sa mga tawo nga maayo.
Matinud-anon ka sa mga tawo nga matinud-anon kanimo,
apan makigbatok ka sa mga tawong daotan.
Oo, ginaluwas mo ang mga mapainubsanon,
apan ginapaubos mo ang mga mapahitas-on.Pro 29:23; Job 22:29
“Ginoo, ikaw ang akong kahayag.
Sa kangitngit, ikaw ang akong suga.Psa 27:1; Psa 112:4; Job 29:3
Sa imong tabang sulongon ko ang panon sa mga sundalo
ug mahimo kong katkaton ang paril.
Hingpit ang pamaagi sa Dios.
Ang pulong sa Ginoo kasaligan gayod.
Sama siya sa taming alang sa tanang nagdangop kanimo.
Kay kinsa man ang Dios gawas sa Ginoo?
Ug kinsa man ang among salipdanan nga bato gawas sa among Dios?Exo 15:11; Isa 43:11
Ang Dios ang naghatag kanako ug kusog22:33 Ang Dios…kusog: mao kini sa Dead Sea Scrolls, sa Latin Vulgate, sa Syriac, ug sa pipila ka manuskrito sa Septuagint. Sa Masoretic teksto, Ikaw ang akong lig-ong dalangpanan.
ug ang nagbantay sa akong paglakaw.
Ginalig-on niya ang akong tiil sama sa tiil sa usa,
aron makalatas ako sa habog nga mga dapit.
Ginabansay niya ako sa pagpakig-gira.
Ang akong mga bukton makabinat na sa bronsi nga pana.Gen 49:8; Deu 33:29
Sama ikaw sa taming nga nagpanalipod kanako,
ug pinaagi sa imong tabang nahimo akong bantogan.Psa 3:3
Gipalapdan mo ang akong agianan,
busa wala ako madakin-as.
Gigukod ko ang akong mga kaaway ug napildi ko sila.
Ug wala gayod ako mobalik hangtod nga nalaglag ko sila.
Gilaglag ko sila hangtod nga nangalup-og sila sa akong tiilan
ug dili na makabangon pa.Psa 27:2
Gihatagan mo ako ug kusog sa pagpakig-gira
ug gipadaog batok sa akong mga kaaway.
Gipakagiw mo ang akong mga kaaway
ug gilaglag ko sila.Gen 49:8
Nangayo sila ug tabang, apan walay miluwas kanila.
Nangayo sila kanimo, Ginoo, apan wala mo sila tubaga.
Gidugmok ko sila hangtod nahisama na lang sila sa abog.
Gitunob-tunoban ko sila nga daw lapok sa kadalanan.Psa 83:10; Isa 10:6; Jer 8:2
Giluwas mo ako gikan sa mga nagrebelde kong katawhan.
Gihimo mo akong pangulo sa mga kanasoran.
Ang mga langyaw nag-alagad kanako.2Sa 8:6; Psa 60:8
Nagyukbo sila kanako,
ug inigkadungog nila bahin kanako,
nagtuman sila sa akong mando.
Nawad-an silag kaisog,
ug nanggawas sa ilang mga tago-anan nga nagkurog sa kahadlok.
Buhi ka, Ginoo! Dalaygon ka nga akong salipdanan nga Bato!
Gibayaw ka nako tungod kay ikaw ang Dios nga akong Manluluwas.Deu 32:40; Psa 42:2; Ezk 14:16
Siya ang Dios nga nanimalos sa akong mga kaaway
ug gipasakop niya kanako ang mga kanasoran.
Ginaluwas niya ako gikan sa akong mabangis nga mga kaaway,
ug ginapadaog niya ako batok kanila.
Busa pasidunggan ka nako taliwala sa mga kanasoran, O Ginoo.
Ug awitan ka nako ug mga pagdayeg.Rom 15:9
Gihatagan mo ug dagkong mga kadaogan
ang imong pinili nga hari.
Gihigugma mo si David ug ang iyang mga kaliwat sa walay kataposan.”2Sa 8:6; 2Sa 23:10; Gal 3:16