Выс Выслоўі, раздзел Кніга выслоўяў Саламонавых, раздзел 3
Сыне мой! навукі маёй не забывай, і запаведзі мае хай захоўвае сэрца тваё;
бо даўжыні дзён, гадоў жыцьця і міру яны памножаць табе.Дрз 8:1; Дрз 30:16
Літасьцівасьць і праўда хай не пакідаюць цябе; абвяжы імі шыю тваю, напішы іх на скрыжалі сэрца твайго:
і здабудзеш мудрасьць і ласку ў вачах Бога і людзей.Рым 12:17
Спадзявайся на Госпада ўсім сэрцам тваім і не кладзі надзеі на розум твой.Ер 9:23; 4Цар 18:5
На ўсіх дарогах тваіх спазнавай Яго, і Ён выпрастуе шляхі твае.
Ня будзь мудрацом у вачах тваіх; бойся Госпада, і пазьбягай ліха;Рым 12:16; Экл 7:17
Гэта будзе здароўе целу твайму і ежа касьцям тваім.
Шануй Госпада ад імя твайго і ад пачаткаў усіх прыбыткаў тваіх;Лк 14:13
і напоўняцца засекі твае зь верхам, і чавільні твае будуць налівацца новым віном.
Пакараньня Гасподняга, сыне мой, не адхіляй, і ня лічы за лішніцу перасьцярогі Ягоныя;Ёў 5:17; Габр 12:5; Адкр 3:19
бо, каго любіць Гасподзь, таго карае і дабра зычыць таму, як бацька сыну свайму.
Шчасны той чалавек, які надбаў мудрасьць, і чалавек, які здабыў розум!
Бо здабываньне яе лепшае за здабываньне срэбра, і прыбытку зь яе больш, чым ад золата.Ёў 28:15; Выс 8:11
Яна даражэйшая за каштоўныя камяні; і нішто з таго, што жадана табе, не зраўняецца зь ёю.
Даўгадзённасьць у правіцы ў яе, а ў лявіцы багацьце і слава;Выс 4:10; Выс 9:11
шляхі яе - шляхі прыемнасьці, і ўсе сьцежкі яе - мірныя.
Яна - дрэва жыцьця тым, што называюць яе, - і шчасныя тыя, што маюць яе!Выс 11:30; Выс 15:4
Гасподзь мудрасьцю ўтварыў зямлю, нябёсы паставіў розумам;Пс 32:6
Яго мудрасьцю адчыніліся бездані, і воблакі кропяць расою.
Сыне мой, ня ўпускай з вачэй тваіх гэтага; захоўвай здаровае мысьленьне і разважлівасьць:
і яны будуць жыцьцём душы тваёй і акрасаю шыі тваёй.
Туды бясьпечна пойдзеш шляхам тваім і нага твая не спатыкнецца.Пс 36:24
Калі ляжаш спаць, ня будзеш баяцца; і як засьнеш, сон твой салодкі будзе.Пс 3:6; Пс 4:9
Не збаішся раптоўнага страху і пагібелі ад бязбожных, калі яна прыйдзе;Пс 111:7
бо Гасподзь будзе надзеяй тваёй і ўтрымае нагу тваю ад пасткі.
Не адмаўляйся рабіць дабро, калі яно трэба, калі рука твая можа зрабіць гэта.
Не кажы сябру твайму: «ідзі і прыйдзі зноў, і заўтра я дам», калі маеш з сабою.1Пётр 4:10; 2Кар 8:12
Не намышляй супроць блізкага твайго ліха, калі ён бясьпечна жыве з табою.
Не сварыся з чалавекам бяз прычыны, калі ён не зрабіў табе благога.
Не зайздросьці посьпехам гвалтаўніка і не бяры сабе за прыклад шляхі ягоныя,Пс 36:1; Пс 72:3
бо Гасподзь грэбуе тым, хто распусны, а справядлівага даверам Сваім адарае.
Праклён Гасподні на дом бязбожніка, а дом пабожнага Ён дабраслаўляе.Дрз 28:15; Мал 2:2
Калі з блюзьнераў Ён насьміхаецца, дык пакорным дае мілату.Як 4:6; 1Пётр 5:5
Мудрыя спадкуюць славу, а непапраўныя немысьлі - ганьбу.