Пс Псалтыр, псалом Псалтыр, псалом 30
Кіроўцу хору. Псальма Давідава.
На Цябе, Госпадзе, надзея мая, хай сораму вавек ня мецьму; па праўдзе Тваёй збаві мяне;Іс 49:23
прыхілі да мяне вуха Тваё, пасьпяшайся збавіць мяне. Будзь мне каменнаю цьвярдыняю, прыстанішчам, каб уратаваць мяне,
бо Ты каменная гара мая і агароджа мая; дзеля імя Твайго вядзі мяне і кіруй мною.Пс 17:3
Выведзі мяне зь сеткі, якую тайна раскінулі на мяне; бо Ты цьвярдыня мая.
У Тваю руку аддаю дух мой; Ты выбаўляў мяне, Госпадзе, Божа праўды.Лк 23:46
Ненавіджу шаноўцаў марных ідалаў; а на Госпада надзея мая.Дрз 32:21; Пс 61:11
Буду радавацца і весяліцца ў міласьці Тваёй, бо Ты прыгледзеўся да бедства майго, уведаў гора душы маёй,
і не перадаў мяне ў рукі ворагаў; паставіў ногі мае на прасторным месцы.Пс 17:20
Умілажалься зь мяне, Госпадзе, бо мне цесна; высахла з гора вока маё, душа мая і нутроба мая.Пс 6:8
Вычарпалася ў скрусе жыцьцё маё і леты мае ў стагнотах; зьнемагла ад грахоў маіх сіла мая, і высахлі косткі мае.Пс 108:24
Ад усіх маіх ворагаў стаўся я кляцьбою нават у суседзяў маіх і страшыдлам знаёмым маім; хто бачыць мяне на вуліцы, уцякае.Ёў 19:13
Я забыты ў сэрцах, як мёртвы; я - як посуд разьбіты,Экл 9:5; Ер 48:38
бо чую ліхаслоўе многіх; адусюль жудасьць, калі яны змаўляюцца супраць мяне, намышляюць вырваць душу маю.Пс 2:2
А я на Цябе, Госпадзе, спадзяюся; я кажу: Ты мой Бог.
У Тваёй руцэ дні мае; вызваль мяне ад рукі маіх ворагаў і ад тых, што гоняць мяне.Пс 38:5; Пс 138:16
Пакажы сьветлае аблічча Тваё рабу Твайму; уратуй мяне літасьцю Тваёю.Лік 6:25; Пс 4:7; Дан 9:18
Госпадзе! хай ня будзе мне сораму, што я Цябе заклікаю; а бязбожным хай будзе брыдка, хай прападуць у пекле.
Хай зьнямеюць вусны аблудныя, што гідоту гавораць на праведнага з пыхаю і пагардаю.
Як многа ў Цябе дабротаў, якія Ты прыхаваў тым, што баяцца Цябе, і якія Ты падрыхтаваў тым, што на Цябе спадзяюцца перад сынамі чалавечымі!Іс 64:4
Ты хаваеш іх пад аслонай аблічча Твайго ад людзкіх бунтаў; хаваеш іх у зацішку ад ліхіх языкоў.1Цар 25:29; Пс 26:5
Дабраславёны Гасподзь, што ўчыніў мне дзівосны Свой мілажаль ва ўмацаваным горадзе!Пс 4:4
У сумненьні маім я думаў: адхілены я ад вачэй Тваіх; але Ты пачуў голас малітвы маёй, калі я паклікаў Цябе.Пс 144:19
Любеце Госпада, усе праведнікі Ягоныя; Гасподзь ахоўвае верных, а пагарднікам зь лішкам вяртае.Ёў 22:29; Выс 29:23; 1Пётр 5:5
Будзьце мужныя, і хай мацуецца сэрца ваша, усе, хто надзею на Госпада мае!