Пс Псалтыр, псалом Псалтыр, псалом 96
Псальма Давіда, калі ўладжвалася зямля ягоная.
Валадарыць Гасподзь: хай радуецца зямля; хай весяляцца шматлікія выспы.Пс 92:1; Пс 98:1; Зах 9:10
Хмара і змрок навокал Яго; праўда і суд - аснова трона Ягонага.Адкр 10:1; Пс 88:15
Прад Ім ідзе вагонь, і наўкол выпальвае ворагаў Ягоных.
Маланкі Ягоныя асьвятляюць сусьвет; зямля бачыць, і трымціць.Адкр 4:5; Пс 76:17
Горы, як воск, растаюць ад аблічча Гасподняга, ад аблічча Госпада ўсёй зямлі.
Нябёсы абвяшчаюць праўду Ягоную, і ўсе народы бачаць славу Ягоную.Пс 18:2
Хай пасаромяцца ўсе, хто служыць балванам, хто хваліцца ідаламі. Пакланецеся Яму, усе багі.Вых 20:4; Ляв 26:1; Дрз 5:8
Чуе Сіён, і радуецца, і весяляцца дочкі Юдавы дзеля судоў Тваіх, Госпадзе,
бо Ты, Госпадзе, высокі над усёю зямлёю, узьнесены над усімі божышчамі.Пс 134:5
Хто любіць Госпада, ненавідзьце зло! Ён захоўвае душы сьвятых Сваіх; з рукі бязбожных вызваляе іх.Ам 5:15; Рым 12:9
Сьвятло зьзяе на праведніка, і на тых, хто справядлівы сэрцам, лье весялосьць.2Цар 22:29; Ёў 18:5; Пс 111:4
Радуйцеся, праведныя, у Госпадзе, і слаўце памяць сьвятыні Ягонай.Пс 31:11