Koloseliler 1 farklı çevirilerde
Пераклад Сёмухі
1:1
Сёмуха
Павал, воляю Божаю апостал Ісуса Хрыста, і Цімафей брат,
1:2
Сёмуха
сьвятым у Калосах і верным братам у Ісусе Хрысьце:
1:3
Сёмуха
мілата вам і мір ад Бога Айца нашага і Госпада Ісуса Хрыста. Дзякуем Богу і Айцу Госпада нашага Ісуса Хрыста, увесь час у малітве за вас,
1:4
Сёмуха
дачуўшыся пра веру вашую ў Хрыста Ісуса і пра любоў да ўсіх сьвятых,
1:5
Сёмуха
маючы надзею на ўгатаванае вам на нябёсах, пра што вы раней чулі ў праўдзівым слове зьвеставаньня,
1:6
Сёмуха
якое жыве ў вас, як і вы ўва ўсім сьвеце, і родзіць плод і ўзрастае, як і паміж вамі, з таго дня, як вы пачулі і ўведалі мілату Божую ў ісьціне,
1:7
Сёмуха
як і навучыліся ад Эпафраса, любаснага супрацоўніка нашага, вернага вам службіта Хрыстовага,
1:8
Сёмуха
які і паведаміў нам пра вашую духоўную любоў.
1:9
Сёмуха
Таму і мы з таго дня, як гэта пачулі, не перастаём маліцца за вас і прасіць, каб вы дайшлі да поўнага спазнаньня волі Ягонай ва ўсякай мудрасьці і разуменьні духоўным,
1:10
Сёмуха
каб жылі годна Бога, ува ўсім дагаджаючы Яму, родзячы плод ва ўсякай працы добрай і ўзрастаючы ў спазнаньні Бога,
1:11
Сёмуха
мацуючыся ўсякаю сілаю праз магутнасьць славы Ягонай, ва ўсякай цярплівасьці і вялікадушнасьці з радасьцю,
1:12
Сёмуха
дзякуючы Богу і Айцу, Які паклікаў нас да ўдзелу ў спадчыне сьвятых у сьвеце,
1:13
Сёмуха
вызваліў нас з-пад улады цемры і ўвёў у Царства любаснага Сына Свайго,
1:14
Сёмуха
у Якім мы маем адкупленьне Крывёю Ягонаю і дараваньне грахоў,
1:15
Сёмуха
Які ёсьць вобраз Бога нябачнага, народжаны раней за ўсякае стварэньне;
1:16
Сёмуха
бо Ён стварыў усё, што на нябёсах і што на зямлі, бачнае і нябачнае: хай тое троны, хай тое дзяржавы, хай тое начальствы, хай тое ўлады, - усё Ім і для Яго створана;
1:17
Сёмуха
і Ён ёсьць раней за ўсё, і ўсё існуе Ім.
1:18
Сёмуха
І Ён ёсьць галава цела Царквы; Ён пачатак, першынец зь мёртвых, каб меў Ён ва ўсім першынства:
1:19
Сёмуха
бо заўгодна было Айцу, каб у Ім жыла ўся паўната,
1:20
Сёмуха
і каб празь Яго замірыць з Сабою ўсё, устанавіўшы мір празь Яго, Крывёю крыжа ягонага, і зямное і нябеснае.
1:21
Сёмуха
І вас, якія калісьці былі адчужаныя і ворагі думкамі, і схільнасьцю да ліхіх учынкаў,
1:22
Сёмуха
цяпер замірыў у целе плоці Ягонай, сьмерцю (Ягонай), каб явіць вас сьвятымі і беззаганнымі і невінаватымі перад Сабою,
1:23
Сёмуха
калі толькі вы цьвёрдыя і непахісныя ў веры і не адпадаеце ад надзеі зьвеставаньня, якое вы чулі, якое абвешчана ўсім стварэньням паднябесным, якому я, Павал, зрабіўся слугою.
1:24
Сёмуха
Сёньня радуюся ў цярпеньнях маіх за вас і дапаўняю нястачу ў плоці маёй скрухаў Хрыстовых за цела Ягонае, якое ёсьць Царква,
1:25
Сёмуха
якой я зрабіўся службітом згодна з устанаўленьнем Божым, давераным мне для вас, каб выканаць слова Божае,
1:26
Сёмуха
тайну, схаваную ад вякоў і родаў, а сёньня адкрытую сьвятым Ягоным,
1:27
Сёмуха
якім дабараволіў Бог паказаць, якое багацьце славы ў тайне гэтай для язычнікаў, якая ёсьць Хрыстос у вас, надзея славы,
1:28
Сёмуха
Якога мы прапаведуем, настаўляючы на розум кожнага чалавека і навучаючы ўсялякай мудрасьці, каб паказаць кожнага чалавека дасканалым у Хрысьце Ісусе;
1:29
Сёмуха
дзеля чаго я і працую і змагаюся сілай Ягонай, якая дзее ўва мне магутна.