Yaratılış 7 farklı çevirilerde
Ang Pulong sa Dios
7:1
APD
Miingon ang Ginoo kang Noe, “Sulod na sa arka uban sa imong tibuok nga pamilya, tungod kay sa tanang mga tawo niining henerasyon, ikaw ra ang nakita ko nga matarong.
7:2
APD
Pagdala ug pito ka pares sa matag matang sa hinlo nga mananap, apan usa lang ka pares sa matag matang sa dili hinlo nga mananap.
7:3
APD
Pagdala usab ug pito ka pares sa matag matang sa mananap nga galupad aron dili mawala kining matang sa mga mananap sa kalibotan.
7:4
APD
Kay pito ka adlaw gikan karon, paulanan ko ang tibuok kalibotan sulod sa 40 ka adlaw ug 40 ka gabii, aron papason gikan sa kalibotan ang tanan kong gibuhat nga adunay kinabuhi.”
7:5
APD
Gituman ni Noe ang tanan nga gisugo sa Ginoo kaniya.
7:6
APD
Nag-edad si Noe ug 600 ka tuig sa dihang miabot ang lunop sa kalibotan.
7:7
APD
Misulod siya sa arka uban ang iyang asawa ug mga anak uban ang ilang mga asawa aron dili sila mangamatay sa lunop.
7:8
APD [7:8–9]
Sumala sa gisugo sa Dios, gipasulod ni Noe sa arka ang matag pares sa tanang matang sa mananap nga hinlo ug dili hinlo nga miduol kaniya.
7:9
APD
7:10
APD
Ug paglabay sa pito ka adlaw, gilunopan ang kalibotan.
7:11
APD
Nag-edad niadto si Noe ug 600 ka tuig. Ug sa ika-17 nga adlaw sa ikaduha nga bulan, mibunok ang labihan gayod kakusog nga ulan ug miapaw ang tubig sa tanang tuboran.
7:12
APD
Nag-ulan sa kalibotan sulod sa 40 ka adlaw ug 40 ka gabii.
7:13
APD
Sa adlaw mismo nga nagsugod ang ulan, misulod sa arka si Noe ug ang iyang asawa uban sa tulo nila ka mga anak nga sila si Sem, Ham, ug Jafet, ug ang ilang mga asawa.
7:14
APD
Kauban usab nila ang tanang matang sa mananap: ang naglakaw, nagkamang, ug galupad.
7:15
APD [7:15–16]
Sumala sa gisugo sa Dios kang Noe, gipasulod niya sa arka ang matag pares sa tanang matang sa mananap nga miduol kaniya. Pagkahuman, gisirad-an sa Ginoo ang arka.
7:16
APD
7:17
APD [7:17–18]
Nagpadayon pag-ulan sa kalibotan sulod sa 40 ka adlaw. Milawom ang tubig hangtod nga milutaw ang arka.
7:18
APD
7:19
APD
Milawom pa gayod ang tubig hangtod nga nalapawan ang tanang tag-as nga mga bukid,
7:20
APD
ug milapaw pa gayod ang tubig ug mga 20 ka piye gikan sa tumoy sa kinatas-ang bukid.
7:21
APD
Busa nangamatay ang tanan nga adunay kinabuhi: mananap nga tigpanon sa ibabaw sa yuta, mga langgam, mga mananap, ug ang nagkamang sa yuta, ug ang tanang mga tawo.
7:22
APD
Nangamatay ang tanang adunay gininhawa.
7:23
APD
Gilaglag sa Dios ang tanang mga tawo ug ang tanang mga mananap sa kalibotan. Si Noe lang ug ang iyang mga kauban sa sulod sa arka ang nahibiling buhi.
7:24
APD
Gilunopan ang kalibotan sulod sa 150 ka adlaw.