Mezmurlar 18 farklı çevirilerde
Ang Pulong sa Dios
18:0
APD
Ang awit alang sa maestro sa mga mag-aawit. Ang awit ni David nga alagad sa Ginoo. Giawit niya kini ngadto sa Ginoo sa dihang giluwas siya sa Ginoo gikan kang Saulo ug sa uban pa niyang mga kaaway.
18:1
APD
Gihigugma ka nako Ginoo. Ikaw ang akong kusog.
18:2
APD
Ikaw, Ginoo, ang akong salipdanan nga bato, ang akong lig-ong tago-anan ug manluluwas. Ikaw, Dios, ang salipdanan ko nga bato, makatago ako diha kanimo. Ikaw, Dios, ang akong taming, gamhanang manluluwas ug dalangpanan.
18:3
APD
Dalaygon ka, Ginoo, kay kon mangayo ako ug tabang kanimo ginaluwas mo ako gikan sa akong mga kaaway.
18:4
APD [18:4–5]
Ang kamatayon daw pisi nga milambod kanako ug daw lit-ag nga nag-atang sa akong agianan. Ang kalaglagan daw bul-og sa baha nga nagkuso-kuso kanako.
18:5
APD
18:6
APD
Busa sa akong kalisdanan nagpakitabang ako kanimo, Ginoo, nga akong Dios, ug gikan sa imong templo gidungog mo ang akong pag-ampo.
18:7
APD
Unya milinog, ug ang mga pundasyon sa mga bukid nauyog, tungod kay nasuko ka, Ginoo.
18:8
APD
Nanggawas ang aso sa imong ilong, ug sa imong baba nanggawas ang nagdilaab nga kalayo ug mga baga.
18:9
APD
Giablihan mo ang langit ug nanaog ka nga nagtungtong sa mabagang dag-om.
18:10
APD
Nagsakay ka sa kerubin ug tulin kining milupad samtang gipalid sa hangin.
18:11
APD
Gihimo mo ang kangitngit nga mosalipod kanimo. Nagtago ka sa mabagang dag-om.
18:12
APD
Nagpangilat sa imong atubangan, ug nag-ulan ug mga ice ug nagdilaab nga mga baga.
18:13
APD
Ang tingog mo Ginoo, nga Labing Halangdong Dios, nagdahunog gikan sa langit.
18:14
APD
Gipana mo ug kilat ang imong mga kaaway, ug miikyas sila nga nagkatibulaag.
18:15
APD
Sa imong pagngulob ug pagpangusmo sa kasuko mimala ang dagat, ug nakita ang yuta ilalom niini, ug nakita usab ang pundasyon sa kalibotan.
18:16
APD
Gikan sa langit gigunitan mo ako ug gihaw-as gikan sa lawom nga tubig.
18:17
APD
Giluwas mo ako gikan sa akong gamhanang mga kaaway nga naglagot kanako, kay wala akoy dag-anan kanila.
18:18
APD
Gisulong nila ako sa dihang anaa ako sa kalisod, apan gipanalipdan mo ako, Ginoo.
18:19
APD
Giluwas mo ako sa katalagman kay nalipay ka kanako.
18:20
APD
Gipanalanginan mo ako tungod kay matarong ang akong kinabuhi ug wala ako magpakasala.
18:21
APD
Kay gisunod ko ang imong mga pamaagi ug wala ako mobiya kanimo, Ginoo, nga akong Dios.
18:22
APD
Gituman ko ang tanan mong sugo ug wala ko lapasa ang imong mga tulomanon.
18:23
APD
Nahibalo ka nga walay ikasaway sa akong kinabuhi, ug gilikayan ko ang pagpakasala.
18:24
APD
Gigantihan mo ako tungod kay nakita mo nga matarong ang akong kinabuhi ug wala ako magpakasala.
18:25
APD
Matinumanon ka sa mga matinumanon kanimo, ug maayo ka usab sa mga tawo nga maayo.
18:26
APD
Matinud-anon ka sa mga tawo nga matinud-anon kanimo, apan makigbatok ka sa mga tawong daotan.
18:27
APD
Oo, ginaluwas mo ang mga mapainubsanon, apan ginapaubos mo ang mga mapahitas-on.
18:28
APD
Ginoo nga akong Dios, ikaw ang akong kahayag. Sa kangitngit ikaw ang akong suga.
18:29
APD
Sa imong tabang sulongon ko ang panon sa mga sundalo, ug mahimo kong katkaton ang paril nga naglibot sa lungsod.
18:30
APD
Hingpit ang imong pamaagi, O Dios. Ang imong pulong kasaligan gayod. Sama ka sa taming alang sa tanang nagdangop kanimo.
18:31
APD
Ikaw lang, Ginoo, nga Dios; ikaw lang ang among salipdanan nga Bato.
18:32
APD
Ikaw, O Dios, ang naghatag kanako ug kusog ug ang nagbantay sa akong paglakaw.
18:33
APD
Ginalig-on mo ang akong tiil sama sa tiil sa lagsaw, aron makalatas ako sa habog nga mga dapit.
18:34
APD
Ginabansay mo ako sa pagpakig-gira; ang akong mga bukton makabinat na sa bronsi nga pana.
18:35
APD
Gipanalipdan mo ako sama sa taming, busa luwas ang akong kinabuhi. Gitipigan mo ako pinaagi sa imong gahom, ug pinaagi sa imong tabang nahimo akong bantogan.
18:36
APD
Gipalapdan mo ang akong agianan, busa wala ako madakin-as.
18:37
APD
Gigukod ko ang akong mga kaaway ug naapsan ko sila. Ug wala gayod ako mobalik hangtod nga nalaglag ko sila.
18:38
APD
Gihampak ko sila hangtod nga nangalup-og sila sa akong tiilan ug dili na makabangon pa.
18:39
APD
Gihatagan mo ako ug kusog sa pagpakig-gira ug gipadaog batok sa akong mga kaaway.
18:40
APD
Gipakagiw mo ang akong mga kaaway ug gilaglag ko sila.
18:41
APD
Nangayo sila ug tabang, apan walay miluwas kanila. Nangayo sila kanimo, Ginoo, apan wala mo sila tubaga.
18:42
APD
Gidugmok ko sila hangtod nahisama na lang sila sa abog nga paliron sa hangin. Gitunob-tunoban ko sila nga daw lapok sa kadalanan.
18:43
APD
Giluwas mo ako gikan sa mga nagrebelde. Gihimo mo akong pangulo sa mga kanasoran. Ang mga langyaw nag-alagad kanako.
18:44
APD
Nagyukbo sila kanako. Ug inigkadungog nila bahin kanako, nagtuman sila sa akong mando.
18:45
APD
Nawad-an silag kaisog, ug nanggawas sa ilang mga tago-anan nga nagkurog sa kahadlok.
18:46
APD
Buhi ka, Ginoo! Dalaygon ka nga akong salipdanan nga bato! Gibayaw ka nako tungod kay ikaw ang Dios nga akong Manluluwas.
18:47
APD
Ikaw Ginoo ang manimalos sa akong mga kaaway, ug gipasakop mo kanako ang mga kanasoran.
18:48
APD
Giluwas mo ako gikan sa akong mabangis nga mga kaaway, ug gipadaog mo ako batok kanila.
18:49
APD
Busa pasidunggan ka nako taliwala sa mga kanasoran. O Ginoo, awitan ka nako ug mga pagdayeg.
18:50
APD
Gihatagan mo ug dagkong mga kadaogan ang imong pinili nga hari. Gihigugma mo si David ug ang iyang mga kaliwat sa walay kataposan.