Mezmurlar 76 farklı çevirilerde
Пераклад Сёмухі
76:1
Сёмуха
Кіроўцу хору Ідутумавага. Псальма Асафава.
76:2
Сёмуха
Голас мой да Бога, і я буду клікаць; голас мой да Бога, і Ён пачуе мяне.
76:3
Сёмуха
У дзень скрухі маёй шукаю Госпада; рука мая працягнута ўначы, і не апускаецца; душа мая ня хоча суцешанай быць.
76:4
Сёмуха
Пра Бога згадваю, і дрыжу; разважаю, і зьнемагае мой дух.
76:5
Сёмуха
Ты не даеш мне вачэй маіх зьмежыць; я ашаломлены, і не магу гаварыць.
76:6
Сёмуха
Разважаю пра даўнія дні, пра гады пракаветныя;
76:7
Сёмуха
узгадваю песьні мае начныя, гутару з сэрцам маім, і выпрабоўвае дух мой:
76:8
Сёмуха
няўжо назаўсёды адкінуў, Гасподзь, і ня будзе больш дабраволіць?
76:9
Сёмуха
няўжо назаўсёды міласьць Яго перастала быць, і спынілася слова Ягонае з роду ў род?
76:10
Сёмуха
няўжо Бог забыўся мілаваць? няўжо ў гневе спыніў шчадроты Свае?
76:11
Сёмуха
І сказаў я: вось гора маё - перамена правіцы Ўсявышняга.
76:12
Сёмуха
Буду ўспамінаць пра дзеі Гасподнія! буду ўспамінаць пра даўнія цуды Твае.
76:13
Сёмуха
Буду ў кожны Твой чын заглыбляцца, разважаць пра вялікія дзеі Твае.
76:14
Сёмуха
Божа! сьвятая дарога Твая. Які Бог такі вялікі, як Бог наш!
76:15
Сёмуха
Ты - Бог, Які творыць цуды; Ты паказаў магутнасьць Сваю сярод народаў;
76:16
Сёмуха
Ты вызваліў народ Твой рукою сыноў Якава і Язэпа.
76:17
Сёмуха
Бачылі Цябе, Божа, воды, бачылі Цябе воды, і напалохаліся, і скалануліся бездані.
76:18
Сёмуха
Аблокі вылівалі воды, хмары аддавалі гром, і лёталі стрэлы Твае.
76:19
Сёмуха
Голас грому Твайго ў коле нябесным; маланкі асьвятлялі сьвет; зямля трэслася і скаланалася.
76:20
Сёмуха
Шлях Твой у моры, і сьцежка Твая ў водах вялікіх, і сьляды Твае невядомыя.
76:21
Сёмуха
Як статак, вёў Ты народ Твой рукою Майсея і Аарона.