Псалми 78 в різних перекладах
Ang Pulong sa Dios
78:0
APD
Ang “Maskil” ni Asaf.
78:1
APD
Mga katagilungsod, pamatia ninyo ang akong mga katudloanan.
78:2
APD
Tudloan ko kamo pinaagi sa sambingay. Suginlan ko kamo sa mga tinagong mga kamatuoran kaniadto
78:3
APD
nga nadungog na nato ug nahibaloan, tungod kay gisugilon na kini kanato sa atong mga katigulangan.
78:4
APD
Dili nato kini itago sa atong mga kabataan; isugilon nato kini sa mosunod nga mga henerasyon. Suginlan nato sila sa gahom sa Ginoo ug sa iyang dalaygon ug katingalahang mga buhat.
78:5
APD
Gihatagan niya ug kasugoan ang katawhan sa Israel nga mga kaliwat ni Jacob. Gimandoan niya ang atong mga katigulangan nga itudlo kini sa ilang mga kabataan,
78:6
APD
aron ang sunod nga mga henerasyon makahibalo usab niini, ug ikatudlo usab nila kini sa ilang mga kabataan.
78:7
APD
Pinaagi niini mosalig sila sa Dios ug dili nila kalimtan ang iyang gipanghimo, ug tumanon nila ang iyang mga sugo.
78:8
APD
Dili sila mahisama sa ilang mga katigulangan nga mga gahig ulo, masinupakon, dili matinud-anon sa Dios, ug dili maunongon kaniya.
78:9
APD
Ang mga sundalo sa Efraim, bisan sangkap sa mga pana, nangatras sa panahon sa gira.
78:10
APD
Wala nila tumana ang ilang kasabotan sa Dios; wala nila sunda ang iyang kasugoan.
78:11
APD
Gikalimtan nila ang katingalahang mga buhat nga iyang gipakita kanila.
78:12
APD
Naghimo ang Dios ug milagro didto sa Zoan, sa yuta sa Ehipto ug nakita kini sa atong mga katigulangan.
78:13
APD
Gitunga niya ang dagat ug gipalatas sila; gihimo niya ang tubig nga daw mga paril.
78:14
APD
Sa adlaw, gigiyahan niya sila pinaagi sa panganod, ug sa gabii, gigiyahan niya sila pinaagi sa kahayag sa kalayo.
78:15
APD
Gipaliki niya ang mga bato sa kamingawan ug miagas ang tubig. Gipatuyangan niya silag inom sa tubig nga daw sa naggikan sa kinahiladman sa yuta.
78:16
APD
Gipabuhagay niya ang tubig gikan sa bato, ug midagayday kini nga daw suba.
78:17
APD
Apan ang atong mga katigulangan nagpadayon sa pagpakasala batok kaniya. Didto sa kamingawan misukol sila sa Labing Halangdong Dios.
78:18
APD
Gituyo nila ang pagsulay sa Dios pinaagi sa pagpangayo sa gipangandoy nila nga kalan-on.
78:19
APD
Giinsulto nila ang Dios pinaagi sa pag-ingon, “Makapakaon ba ang Dios kanato sa kamingawan?
78:20
APD
Tinuod nga gihapak niya ang bato ug mibuhagay ang tubig, apan makahatag ba siyag pan ug karne kanato nga iyang katawhan?”
78:21
APD
Busa napungot ang Ginoo sa pagkadungog niya niini. Sa iyang kasuko sa mga Israelinhon, nga mga kaliwat ni Jacob, giataki niya sila pinaagi sa kalayo.
78:22
APD
Kay wala silay pagtuo kaniya, ug wala sila mosalig nga luwason niya sila.
78:23
APD
Apan bisan pa niana, gimandoan niya ang langit nga moabli,
78:24
APD
ug gipaulanan niya sila ug pagkaon nga gitawag ug manna. Gihatag niya kanila ang pagkaon nga gikan sa langit aron ilang kan-on.
78:25
APD
Mikaon silang tanan sa pagkaon sa mga anghel. Gipadad-an sila sa Dios ug abunda nga pagkaon.
78:26
APD
Gipahuyop sa Dios ang hangin nga gikan sa sidlakan ug sa habagatan pinaagi sa iyang gahom.
78:27
APD
Ug gipadagsaan niya sila ug mga langgam nga sama kadaghan sa balas sa baybayon.
78:28
APD
Gipatugpa niya kini sa palibot sa ilang mga tolda didto sa ilang kampo.
78:29
APD
Busa mikaon sila ug nangabusog, kay gihatag sa Dios kanila ang ilang gipangandoy.
78:30
APD
Apan samtang nangaon pa sila ug wala pa matagbaw,
78:31
APD
nasuko ang Dios kanila. Gipamatay niya ang himsog ug kusgang mga batan-on sa Israel.
78:32
APD
Bisan pa niining tanan niyang gipanghimo, nagpadayon sila pagpakasala. Bisan sa mga milagro nga iyang gipangbuhat, wala sila motuo kaniya.
78:33
APD
Busa gitapos niya ang ilang kinabuhi pinaagi sa kalit nga kalaglagan.
78:34
APD
Sa dihang gipatay sa Dios ang uban kanila, ang nahibilin nangandoy kaniya. Naghinulsol sila ug midangop kaniya.
78:35
APD
Nahinumdom sila nga ang Labing Halangdong Dios mao ang ilang salipdanan nga bato ug manluluwas.
78:36
APD
Apan kutob lang sa baba ang ilang gipanulti; ug namakak sila.
78:37
APD
Dili sila maunongon kaniya; wala sila nagmatinumanon sa kasabotan nga gihatag sa Dios kanila.
78:38
APD
Apan bisan pa niini, maluloy-on ang Dios. Gipasaylo niya ang ilang mga sala ug wala niya sila laglaga. Sa daghang higayon gipugngan niya ang iyang kasuko bisan labihan na gayod ang iyang kapungot.
78:39
APD
Nahinumdoman niya nga sila mga tawo lamang nga lumalabay sama sa hangin.
78:40
APD
Sa makadaghang higayon gisupak ug gipasubo nila ang Dios didto sa kamingawan.
78:41
APD
Kanunay nila siyang gisulayan; gipasakitan gayod nila ang pagbati sa Balaang Dios sa Israel.
78:42
APD
Gikalimtan nila ang iyang gahom nga gipakita sa dihang giluwas niya sila sa ilang mga kaaway,
78:43
APD
ug ang gihimo niya nga mga milagro ug katingalahang mga buhat didto sa Zoan, sa yuta sa Ehipto.
78:44
APD
Gihimo niyang dugo ang mga suba sa mga Ehiptohanon, ug tungod niini dili sila makainom.
78:45
APD
Nagpadala siya ug labihan kadaghang mga langaw sa pagpaantos kanila, ug mga baki sa pagdaot sa ilang mga yuta.
78:46
APD
Gipakaon niya sa mga dulon ang ilang mga tanom ug mga abot.
78:47
APD
Gipamatay niya ang ilang mga ubas ug mga kahoy nga igos pinaagi sa ulan nga ice.
78:48
APD
Gipamatay niya ang ilang mga hayop pinaagi sa kilat ug sa pagpaulan ug ice.
78:49
APD
Tungod sa iyang labihan nga kasuko kanila, gipadad-an niya sila ug mga anghel sa paglaglag kanila.
78:50
APD
Wala niya pugngi ang iyang kasuko; wala niya sila luwasa sa kamatayon, kondili gipamatay hinuon niya sila pinaagi sa mga katalagman.
78:51
APD
Gipamatay niya ang tanang kamagulangang anak nga lalaki sa Ehipto nga lugar sa mga kaliwat ni Ham.
78:52
APD
Unya gipagawas niya gikan sa Ehipto ang iyang katawhan nga daw panon sa mga karnero, ug gigiyahan niya sila sa kamingawan.
78:53
APD
Giubanan niya sila, busa wala sila mahadlok. Apan ang ilang mga kaaway nangalumos sa dagat.
78:54
APD
Gidala niya sila sa yuta nga iyang gigahin, didto sa bukid nga iyang giilog pinaagi sa iyang gahom.
78:55
APD
Giabog niya ang mga lumulupyo didto pahilayo sa iyang katawhan, ug gibahin-bahin niya ang maong yuta sa mga tribo sa Israel aron ilang panag-iyahan, ug gipapuyo niya sila didto.
78:56
APD
Apan gisulayan nila ang Labing Halangdong Dios ug misupak sila kaniya. Wala nila tumana ang iyang mga sugo.
78:57
APD
Nagpahilayo sila ug nagluib sa Dios sama sa ilang mga katigulangan. Dili sila kasaligan sama sa depektado nga pana.
78:58
APD
Gipapangabugho ug gipalagot nila ang Dios tungod sa ilang mga simbahanan diha sa habog nga mga dapit ug sa ilang mga dios-dios.
78:59
APD
Nahibaloan sa Dios kining gihimo sa mga Israelinhon, busa nasuko siya ug gisalikway niya sila sa hingpit.
78:60
APD
Gibiyaan niya ang iyang tolda sa Silo nga maoy iyang pinuy-anan dinhi sa kalibotan.
78:61
APD
Gitugotan niya nga ilogon sa kaaway ang Sudlanan sa Kasabotan nga simbolo sa iyang pagkagamhanan ug pagkahalangdon.
78:62
APD
Nasuko siya sa iyang katawhan nga iyang gipanag-iyahan, busa gipapatay niya sila pinaagi sa gira.
78:63
APD
Gilamoy sa kalayo ang ilang batan-ong mga lalaki, busa wala nay mabana ang ilang mga dalaga.
78:64
APD
Nangamatay sa gira ang ilang mga pari, ug ang ilang mga biyuda dili makahimo sa pagbangotan alang kanila.
78:65
APD
Unya daw sa nahigmata ang Ginoo; sama siya sa usa ka kusgang tawo nga naisog tungod sa bino.
78:66
APD
Giabog niya ang iyang mga kaaway; gipakaulawan niya sila sa walay kataposan.
78:67
APD
Wala niya pilia ang tribo ni Efraim nga mga kaliwat ni Jose.
78:68
APD
Gipili hinuon niya ang tribo ni Juda ug ang Bukid sa Zion nga iyang gimahal.
78:69
APD
Didto gitukod niyang sama sa langit ug sa yuta ang iyang Templo, lig-on hangtod sa kahangtoran.
78:70
APD [78:70–71]
Gipili sa Dios si David nga mahimong iyang alagad. Gikuha niya siya gikan sa pagkamagbalantay sa karnero ug gihimong hari sa Israel, ang katawhan nga iyang gipanag-iyahan. Sama sa usa ka magbalantay sa mga karnero.
78:71
APD
78:72
APD
Matinud-anong giatiman ni David ang mga Israelinhon, ug gipangulohan niya sila sa maalamon nga paagi.