Psa Mga Salmo, salmo Ang Libro sa Mga Salmo, salmo 77
Ang awit alang sa maestro nga si Jedutun. Ang awit ni Asaf.Psa 39:0
Misinggit ako sa pagpakitabang sa Dios aron madunggan niya ako.
Sa panahon sa kalisod
nag-ampo ako sa Ginoo.
Sa panahon sa kagabhion wala ako gikapoy sa pagbayaw
sa akong mga kamot sa pag-ampo,
apan wala gihapon ako malipay.2Ch 20:3; Psa 18:6; Psa 50:15
Kon mamalandong ako sa Dios,
makapanghupaw ako ug mawad-an ug paglaom.
Wala niya ako pakatulga;
dili ako makasulti tungod kay nahasol ako.
Gihuna-huna ko ang mga adlaw nga nanglabay ug ang dugay nang mga katuigan.Psa 143:5
Kon gabii, lawom kaayo
ang akong gihuna-huna.77:6 lawom kaayo ang akong gihuna-huna: mao kini sa Septuagint ug sa Syriac, apan sa Hebreo, ginahinumdoman ko ang akong awit, o ginahinumdoman ko ang awit nga bahin kanako.
Namalandong ako
ug mao kini ang gipangutana ko
sa akong kaugalingon:Isa 26:9
“Isalikway na lang ba ako sa Ginoo sa hingpit?
Dili na ba gayod siya malipay kanako?Psa 13:1; Psa 85:5; Lam 3:31
Nawala na ba gayod ang iyang paghigugma kanako?
Dili na ba gayod niya tumanon ang iyang saad?
Nalimot na ba siya sa pagpakita ug kaluoy?
Wala na ba siyay kaluoy tungod sa iyang kasuko?”Mrk 4:38
Unya miingon ako, “Ang gikasakit sa akong buot mao nga
ang Labing Halangdong Dios wala na nagtabang.”Isa 41:10
Ginoo, hinumdoman ko ang imong mga buhat.
Oo, hinumdoman ko ang mga milagro
nga gipanghimo mo kaniadto.Deu 32:7; Psa 71:17; Psa 105:2
Huna-hunaon ko ug pamalandongan ang tanan mong gamhanang mga buhat.
O Dios, ang imong pamaagi lahi kaysa uban.
Walay dios nga sama kanimo kagamhanan.Psa 89:8
Ikaw ang Dios nga naghimo ug mga milagro.
Gipakita mo ang imong gahom sa mga katawhan.Luk 1:51
Pinaagi sa imong gahom giluwas mo ang imong katawhan
nga mga kaliwat ni Jacob ug ni Jose.Exo 14:19
Ang katubigan, O Dios, daw sama sa tawo nga
sa dihang nakakita kanimo nahadlok ug nangurog.Exo 14:21
Mihatag ug ulan ang langit;
nagdalogdog ug nagpangilat sa bisan asang dapit.
Madungog ang dinahunog sa dalogdog diha sa bagyo;
ang mga kilat mipadan-ag sa kalibotan;
ug natay-og ang kalibotan.Job 37:5
Gilatas mo ang dagkong mga balod sa dagat,
apan wala makita kon asa ka miagi.77:19 wala makita kon asa ka miagi: sa literal, wala makita ang imong mga tunob.Job 38:16; Hab 3:15
Gigiyahan mo ang imong katawhan nga daw panon sa mga karnero,
pinaagi kang Moises ug kang Aaron.Exo 14:15